«Le u sen kʼexpajal le climaoʼ táan u sen afectartik yaʼab máak. Yaʼab tuʼuxeʼ táan u buulul le oʼolal yaʼab máakoʼobeʼ ku pʼáatal minaʼan u yotochoʼob yéetel ku talamtal u kaxtikoʼob baʼax kʼaʼabéettiʼob. Ikil xan u jach chokotal u jaʼil le kʼáaʼnáaboʼoboʼ le baʼalcheʼob kajaʼanoʼob ichiloʼ táan u kíimloʼob» (Inger Andersen, secretaria general adjunta de las Naciones Unidas y directora ejecutiva del Programa de las Naciones Unidas para el Medio Ambiente, 25 tiʼ julio tiʼ 2023).

 ¿Jeʼel wa u páajtal u tsʼáaikubaʼob de acuerdoil le gobiernoʼob utiaʼal u beetkoʼob wa baʼax utiaʼal maʼ u seguer u kʼaskúuntaʼal le Luʼumaʼ? ¿Jeʼel wa u béeytal u yutskíintikoʼobeʼ?

 Le Bibliaoʼ ku tʼaan tiʼ junpʼéel gobierno jeʼel u yutskíintik le problemas ku taasik le u sen kʼexpajal le climaoʼ. Ku yaʼalikeʼ «u Diosil le kaʼanoʼ yaan u tsʼáaik junpʼéel reino» wa junpʼéel gobierno kun utskíintik le clima tsʼoʼok u jach kʼastaloʼ (Daniel 2:44). Le máaxoʼob kun kajtal yáanal le gobiernoaʼ «maʼ ken u beetoʼob mix junpʼéel kʼaas» tiʼ u yéet máakiloʼob mix tiʼ le Luʼumaʼ (Isaías 11:9).