¿Yaan wa u kʼuchul u kʼiinil u xuʼulul u yantal óotsiloʼob yéetel ayikʼaloʼob?
Tiʼ tuláakal yóokʼol kaabeʼ le máakoʼoboʼ táan u beetkoʼob protestaʼob tumen ku yaʼalikoʼobeʼ le óotsiloʼoboʼ maʼ jach maʼalob u tratartaʼaloʼobiʼ. Tsʼoʼoleʼ maas talamchaj tuláakal baʼal desde le ka káaj u pandemiail le coronavirusoʼ, lelaʼ tsʼoʼok u beetik u jach sufrir yaʼab máakoʼob. Úuchik xan u koʼojtal le baʼaloʼob yéetel u pʼáatal minaʼan tsʼaakoʼobeʼ chíikpaj maas ku atendertaʼal le ayikʼaloʼoboʼ ke le óotsiloʼoboʼ.
¿Yaan wa u kʼuchul u kʼiinil u xuʼulul le óotsililoʼ? Yaan. Le Bibliaoʼ ku yaʼalik baʼax ken u beet Dios utiaʼal u xuʼulsik.
Maʼ tun xáantaleʼ Dioseʼ yaan u xuʼulsik le óotsililoʼ
Le problemaoʼ: Wíinikeʼ tak bejlaʼaʼ maʼ béeyak u xuʼulsik tiʼ le óotsililoʼ.
Bix kun utskíintbil: Dioseʼ yaan u luʼsik u gobierno wíinik yéetel yaan u tsʼáaik u tiaʼaliʼ. U Reino Dioseʼ desde teʼ kaʼan ken u gobernart tuláakal le Luʼumoʼ.
Utsiloʼob ken u taase: Como chéen u Reino Dios kun gobernartik tuláakal le Luʼumaʼ maʼ kun yantal óotsilil yéetel mix baʼal ken u binelt tiʼ máak (Salmo 9:7-9, 18). Le máakoʼoboʼ yaan u yilkoʼob u yich u meyajoʼob, yaan u kiʼimaktal u yóoloʼob yéetel maʼ tun yantal problemas ichil u familiaʼob. Dioseʼ yaan u béeykuntik le promesaaʼ: «Letiʼobeʼ yaan u beetik u yotochoʼob yéetel letiʼob kun kajtaloʼobiʼ, letiʼobeʼ yaan u pakʼikoʼob uva yéetel letiʼob kun jaantik u yich. Maʼ yaanal máak kun kajtal teʼ naj ken u beetoʼoboʼ mix yaanal máak kun jaantik u yich le baʼax ken u pakʼoʼoboʼ» (Isaías 65:21, 22).
Le problemaoʼ: Máakeʼ maʼ tu páajtal u xuʼulsik le baʼaxoʼob beetik u sufriroʼ, le oʼolal maʼ tu béeytal u yantaltiʼob tuláakal baʼax kʼaʼabéettiʼob.
Bix kun utskíintbil: U Reino Dios kun luʼsik tuláakal baʼax beetik u sufrir wíinik.
Utsiloʼob ken u taase: Dioseʼ yaan u yilik maʼ u bineltik mix baʼal tiʼ wíinik, tsʼoʼoleʼ yaan u beetik u pʼáatal minaʼan guerraʼob, pandemiaʼob yéetel yaan u beetik u yantal baʼal jaantbil (Salmo 46:9; Isaías 33:24). Dioseʼ ku prometertik: «In kaajaleʼ yaan u kajtal tuʼux yaan jeetsʼelil, tuʼux mix baʼal jeʼel u beetik u sajaktaleʼ yéetel tuʼux maʼalob utiaʼal u jeʼelskuba» (Isaías 32:8).
Le problemaoʼ: Le máakoʼoboʼ chéen ku tuukuloʼob tu yoʼolaloʼob yéetel ku aprovecharkubaʼob tiʼ u maasil.
Bix kun utskíintbil: Le máaxoʼob kun kuxtaloʼob yáanal u Reino Diosoʼ yaan u kaxtikoʼob u yutsil u maasil (Mateo 22: 37-39).
Utsiloʼob ken u taase: Le kéen káajak u gobernar u Reino Dios way Luʼumeʼ tuláakal máak ken u yeʼes yaabilaj jeʼex u beetik Dioseʼ (1 Corintios 13:4, 5). Le Bibliaoʼ ku yaʼalik: «Letiʼobeʼ maʼ ken u beetoʼob mix junpʼéel kʼaas yéetel mix junpʼéel loob tiʼ tuláakal in montaña, le lugar santooʼ, tumen le luʼumaʼ yaan u chuʼupul yéetel le naʼat ku taal tiʼ Jéeobaoʼ, a lelaʼ bey jeʼex u jaʼil le kʼáaʼnáaboʼ» (Isaías 11:9).
Le Bibliaoʼ ku yaʼalikeʼ kuxaʼanoʼon tu tsʼook kʼiinoʼob yéetel maʼ kun xáantaleʼ Dioseʼ yaan u xuʼulsik tiʼ le óotsililoʼ (Salmo 12:5). b Pero mientras u kʼuchul le kʼiin jeʼeloʼ le consejoʼob yaan teʼ Bibliaoʼ jeʼel u yáantkoʼon utiaʼal k-aktáantik le situación k-máansikoʼ. Wa a kʼáat a wojéelt u maasileʼ ilawil le xook «Bix jeʼel a kuxtal chéen yéetel junpʼíit taakʼineʼ» yéetel le xook ich español «Una opinión realista del dinero», le xookoʼobaʼ jach jeʼel u yáantkechoʼobeʼ.
a Le Bibliaoʼ ku yaʼalikeʼ u kʼaabaʼ Dioseʼ Jéeoba (Salmo 83:18).
b Wa taak a wojéeltik baʼaxten jeʼel u páajtal a confiar tiʼ le Bibliaoʼ, ilawil le xook «Chéen le Biblia kaʼansik u jaajiloʼ».
Maʼ xaaneʼ jeʼel u yutstal xan ta wicheʼ
LE MÁAX KU KANANOʼ
¿Baʼax ken u beet u Reino Dios yoʼolal wíinik?
Jesúseʼ u yojel kaʼacheʼ chéen u Reino Dios jeʼel u yutskíintik le problemaʼob yaan way Luʼumeʼ. ¿Baʼaxten k-ojel jaaj le baʼax tu yaʼaloʼ?
TEKSTOʼOB KU MAAS TSOʼOLOL
Mateo 6:34 | «Maʼ a sen chiʼichnaktaleʼex yoʼolal u kʼiinil sáamal»
Jesúseʼ maʼ tu yóotaj u yaʼal wa jach junpuliʼ maʼ unaj k-tuklik baʼax ken k-beet sáamaliʼ.
LE MÁAX KU KANANOʼ
¿Yaan wa u kʼuchul u kʼiinil u xuʼulul le óotsililoʼ?
¿Máax jeʼel u xuʼulsik le óotsililoʼ?
