•   «Tu luʼumil Chinaeʼ táan u sen beetik ooxol yéetel tsʼoʼok u pʼáatal maʼatech u jach kʼáaxal cháakiʼ, óoxtéen tsʼoʼok u yúuchul beyaʼ pero teʼ añoaʼ maas peorchaji» (The Guardian, 7 tiʼ septiembre tiʼ 2022).

•   «Yaan partes tiʼ u luʼumil Áfricaeʼ tsʼoʼok cinco años joʼopʼok u jach talamtal le kuxtal tu yoʼolal le sequíaoʼ» (Noticias ONU, 26 tiʼ agosto tiʼ 2022).

•   «Maas tiʼ u chúumukil u luʼumil Europaeʼ avisartaʼanoʼob de ke yaan u yantal sequía junpʼéel bix mix juntéen ilaʼak ich 500 años» (BBC News, 23 tiʼ agosto tiʼ 2022).

 Yaʼab científicoʼobeʼ ku yaʼalikoʼobeʼ le sequíaoʼ yaan u seguer yéetel maʼ xaaneʼ yaan u peortal. ¿Baʼax kʼaʼabéet utiaʼal u yutstal le climaoʼ? ¿Baʼax ku yaʼalik le Biblia yoʼolal leloʼ?

 Ilawil baʼax u yaʼalmaj le Biblia kun úuchul teʼ kʼiinoʼobaʼ:

•   «Yaan u pʼáatal minaʼan baʼal jaantbil [...] jejeláas tuʼux» (Mateo 24:7).

 U suukileʼ tuʼux ku beetik sequíaeʼ ku pʼáatal minaʼan baʼal jaantbil. Le Bibliaoʼ u yaʼalmeʼ yaan u kʼuchul u kʼiinil u sufrir yéetel u kíimil le máakoʼob tumen minaʼan baʼal jaantbiloʼ (Apocalipsis 6:6, 8).

 Le Bibliaoʼ claro u yeʼesik baʼaxten jejeláas tuʼuxoʼob táan u maas beetik sequía, ku yaʼalik:

•   «Máakeʼ maʼ tu páajtal mix tak u yéeyik tuʼux kun xíimbal» (Jeremías 10:23).

 Jeʼex u yaʼalik le tekstoaʼ wíinikeʼ «maʼ tu páajtal mix tak u yéeyik tuʼux kun xíimbal», le oʼolal maʼ tu bin utsil tiʼ wa ku beetik chéen baʼax u kʼáat tumen maʼ beetaʼan utiaʼal ka u gobernartuba tu juunaliʼ. Yaʼab tiʼ le baʼaxoʼob ku beetik wíinikoʼ ku kʼaskúuntik le Luʼumoʼ le oʼolal xan maʼ tu kʼáaxal le cháak jeʼex unajoʼ yéetel jach ku beetik sequía.

•   Le científicoʼoboʼ tsʼoʼok u yilkoʼobeʼ le baʼaxoʼob ku beetik wíinikoʼ letiʼ beetik u sen chokotal le Luʼumoʼ, leloʼ tsʼoʼok u beetik u yantal sequía jejeláas tuʼuxoʼob.

•   Yaʼab máakeʼ chéen u yutsiloʼob ku kaxtikoʼob yéetel maʼ tu tuukuloʼob tiʼ le consecuencias ken u taas le baʼax ku beetkoʼoboʼ. Le u sen chʼaʼakal le cheʼoboʼ yéetel le u contaminartaʼal le jaʼoʼ táan u kʼaskúuntik le Luʼumaʼ.

 Le Bibliaoʼ ku tsʼáaik esperanza tiʼ máak tumen ku yaʼalikeʼ yaan baʼaloʼob maʼalobtak ku taal u kʼiin u yúuchul.

 Le Bibliaoʼ ku yaʼalikeʼ yáanal u Reino Dioseʼ mix máak kun muʼyaj yoʼolal le sequíaoʼ. ¿Bix ken u beetil?

1.  1. Dioseʼ yaan u «xuʼulsik tiʼ le máaxoʼob táan u kʼaskúuntikoʼob le luʼumoʼ» (Apocalipsis 11:18). Le kʼasaʼan máakoʼob chéen u yutsil ku kaxtikoʼoboʼ yaan u xuʼulsaʼaloʼob ikil u kʼaskúuntikoʼob le jaʼ bey xan le Luʼumaʼ (2 Timoteo 3:1, 2).

2.  2. «Teʼ tuʼux tikinkúuntaʼan le luʼum tumen le Kʼiinoʼ yaan u yantal jaʼiʼ yéetel yaan u chuʼupul yéetel u matailoʼob caña» (Isaías 35:1, 6, 7). Dioseʼ yaan u jatsʼutskíintik le Luʼumaʼ yéetel yaan u beetik u yantal jaʼ tak teʼ tuʼuxoʼob ku sen beetik sequíaoʼ.

3.  3. «Ka kanáantik le luʼumoʼ, ka beetik u pʼáatal jach maʼalob utiaʼal u sen tsʼáaik u yich» (Salmo 65:9). Tiʼ tuláakal yóokʼol kaabeʼ Dioseʼ yaan u beetik u yantal baʼal jaantbiliʼ yéetel jaʼ limpio utiaʼal tuláakal máak.