Tu kʼiinil 24 tiʼ mayo tiʼ 2022, tsʼoʼontsʼonaʼab yaʼab mejen paalal tu kaajil Uvalde, Texas, Estados Unidos. Junpʼéel periódicoeʼ tu yaʼaleʼ juntúul xiʼipaleʼ tu kíimsaj 19 u túulal mejen paalal yéetel kaʼatúul maestraʼob ku meyajoʼob teʼ escuela Robb Elementary Schooloʼ (The New York Times).

 ¿Máasaʼ cada kʼiineʼ táan u maas yaʼabtal u beetaʼal baʼaloʼob beyaʼ? Uláakʼ junpʼéel periódicoeʼ tu yaʼaleʼ tu luʼumil Estados Unidoseʼ chéen teʼ año máanikoʼ «249 u téenel tsʼoʼontsʼonaʼab le mejen paalaloʼob teʼ escuelaʼoboʼ, lelaʼ junpʼéel baʼal maʼ úuchuk desde tu añoil 1970» (USA Today).

 ¿Baʼaxten ku yúuchul lelaʼ? ¿Baʼax jeʼel u yáantkech utiaʼal maʼ a sen tuukul tiʼ le baʼaxoʼob kʼaastak ku beetaʼaloʼ? ¿Yaan wa u kʼuchul u kʼiinil u xuʼulsaʼal tiʼ le kʼasaʼan máakoʼoboʼ? Le Bibliaoʼ ku núukik le preguntaʼobaʼ.

•    Le Bibliaoʼ ku yaʼalikeʼ «tu tsʼook kʼiinoʼobeʼ» le máakoʼoboʼ «yaan u pʼáatal minaʼan u yaabilajoʼob» yéetel «jach yaan u tsʼíiktaloʼob». Tsʼoʼoleʼ ku yaʼalik xaneʼ «yaan u bin u maas kʼastaloʼob» (2 Timoteo 3:1-5, 13) Wa taak a wojéeltik u maasil yoʼolal lelaʼ ilawil le xook ich español: «¿Predijo la Biblia cómo sería la gente en nuestros días?».

 Yaʼab máakeʼ ku yaʼalik: «¿Baʼaxten ku chaʼik Dios u yúuchul le baʼaloʼobaʼ?». Utiaʼal a wojéeltik u núukileʼ ilawil le xook: «¿Baʼaxten ku yúuchul baʼal kʼaas tiʼ le utsul máakoʼoboʼ?».

•    «Tuláakal le baʼaxoʼob tsʼíibtaʼaboʼob úuchjeakiloʼ tsʼíibtaʼaboʼob utiaʼal k-kaanbal, utiaʼal beyoʼ […] ikil u líiʼsaʼal k-óol tumen u Tʼaan Dioseʼ ka k-páaʼt le baʼax ken u tsʼáatoʼon Diosoʼ» (Romanos 15:4).

 Le baʼax ku yaʼalik le Bibliaoʼ jach jeʼel u yáantkech teʼ kʼiinoʼob talamtak kuxlikoʼonaʼ. Wa taak a wojéeltik u maasileʼ ilawil le ¡Despertad! ich español ku kʼaabaʼtik: «¿Acabará algún día la violencia?».

 Yaan kʼiineʼ le mejen paalaloʼoboʼ jeʼel u yilkoʼob noticiaʼob jeʼel u beetik u jaʼakʼal u yóoloʼobeʼ. Wa taak a wojéeltik bix jeʼel u páajtal a wáantik a paalaloʼobeʼ ilawil le xook ich español: «El efecto de las noticias en los niños».

•    «Yaan u salvarkoʼob tiʼ le máaxoʼob beetik u muʼyajoʼob yéetel beetik loob tiʼoboʼ» (Salmo 72:14).

•    «U espadaʼobeʼ yaan u sutkoʼob u nuʼukulil u péeksaʼal luʼum, u lanzaʼobeʼ yaan u sutkoʼob u nuʼukulil podar. Maʼ ken u líiʼs u espada mix junpʼéel kaaj tu contra uláakʼ kaaj, mix kun seguer u kankoʼob baʼateʼel» (Miqueas 4:3).

 Mix juntúul wíinik jeʼel u béeytal u yutskíintik le bix yanik le yóokʼol kaabaʼ. U Reino Dioseʼ junpʼéel gobierno yaan teʼ kaʼanoʼ yéetel letiʼe baʼax kun meyaj tiʼ Dios utiaʼal u luʼsik le máakoʼob kʼasaʼanoʼob yéetel ku beetkoʼob looboʼ. Wa taak a wojéeltik baʼaxoʼob ken u sen beet u Reino Dioseʼ ilawil le xook: «U Reino Dioseʼ yaan u taasik jeetsʼelil».