U luʼumil Haitíeʼ táan u pʼáatal jach peligroso tumen tsʼoʼok u jach yaʼabtal le kʼasaʼaniloʼ (bandas criminales). Tu luʼumil Sudáfrica, México yéetel uláakʼ paísoʼob yaan Latinoaméricaeʼ jach táan u yilaʼal xan le kʼasaʼaniloʼ. Tsʼoʼoleʼ tiʼ yaʼab lugaroʼobeʼ kex ku yaʼalaʼal tsʼoʼok u menostal le kʼasaʼaniloʼ pero maʼ tranquilo u kuxtal máakiʼ tumen jeʼel baʼalak súutukileʼ jeʼel u beetaʼal loob tiʼeʼ wa u yoklaʼaleʼ.

 ¿Baʼax ku yaʼalik le Biblia yoʼolal le delincuencia ku yilaʼal tiʼ tuláakal yóokʼol kaaboʼ?

 Le Bibliaoʼ u yaʼalmeʼ le u jach yaʼabtal le delincuencia yéetel le kʼasaʼaniloʼ junpʼéel señal kun eʼesik «táan u tsʼoʼokol tiʼ le yóokʼol kaabaʼ» (Mateo 24:3). Jesúseʼ tu yaʼalaj baʼaxoʼob kun ilbil tu tsʼook kʼiinoʼob:

•   «Yoʼolal le yaʼab baʼaloʼob kʼaastak kun beetbiloʼ, óoliʼ tuláakal máak kun pʼáatal minaʼan u yaabilaj» (Mateo 24:12).

 Le Bibliaoʼ u yaʼalmaj xaneʼ «tu tsʼook kʼiinoʼobeʼ» yaan u jach kʼastal u modos le máakoʼoboʼ. Tu yaʼalaj: «Maʼ ken u kan u controlartubaʼob, jach yaan u tsʼíiktaloʼob, maʼ ken u yaabiltoʼob baʼax uts» (2 Timoteo 3:1-5). Le kʼaakʼas modosoʼobaʼ jach letiʼe k-ilik teʼ kʼiinoʼobaʼ le oʼolal casi mix máax respetartik le leyoʼoboʼ.

 Pero yaan esperanza u yutstal. Le Bibliaoʼ u prometermeʼ maʼ kun xáantaleʼ yaan u xuʼulsik tiʼ le delincuencia yéetel tiʼ le kʼasaʼaniloʼ.

•   «Ichil junpʼíit kʼiineʼ maʼ kun antal kʼasaʼan máakoʼob. Kéen paakatnakech tuʼux suuk u yantaloʼob kaʼachoʼ maʼ ken a wiloʼobiʼ. Pero le utsul máakoʼoboʼ yaan u pʼáatloʼob way luʼumeʼ, jach yaan u kiʼimaktal u yóoloʼob tumen mix baʼal kun beetik u chiʼichnaktaloʼob» (Salmo 37:10, 11).

 ¿Baʼax uláakʼ esperanzail ku tsʼáaik le Bibliaoʼ? ¿Baʼaxten jach seguroʼoneʼ le baʼaloʼob ku yúuchul teʼ kʼiinoʼobaʼ táan u cumplirtik le profecíaʼob aʼalaʼanoʼ? Ilawil u núukil teʼ xookoʼobaʼ:

 «La esperanza real de un mañana mejor»

 «¿Baʼax eʼesik kuxaʼanoʼon ‹tu tsʼook kʼiinoʼob›?»

 «¿Predijo la Biblia cómo sería la gente en nuestros días?»