1 Crónicas 24:1-31
24 U paalal Aaróneʼ jaʼatsoʼob ich grupoʼob. U kʼaabaʼobeʼ letiʼe jeʼeloʼobaʼ: Nadab, Abiú,+ Eleazar yéetel Itamar.+
2 Nadab yéetel Abiúeʼ kíimoʼob antes tiʼ u papáʼob yéetel maʼ yanchaj u paalaloʼobiʼ.+ Chéen baʼaleʼ Eleazar+ yéetel Itamareʼ seguernaj u meyajoʼob bey sacerdoteʼobeʼ.
3 David, junmúuchʼ yéetel Sadok+ bey xan yéetel Aimélekeʼ tu jatsoʼob ich grupoʼob u paalal Aarón según le meyaj ken u beetoʼoboʼ. Sadok kaʼacheʼ ku taal tiʼ u paalal Eleazar, yéetel Aimélekeʼ ku taal tiʼ u paalal Itamar.
4 Ichil u hijoʼob Eleazareʼ maas yaan xiiboʼob ku beetik u nuuktakil ichil u familiaʼob ke tiʼ le yanoʼob ichil u hijoʼob Itamaroʼ. Yoʼolal lelaʼ bey úuchik u jaʼatsloʼobaʼ: ichil u hijoʼob Eleazareʼ yanchaj 16 xiiboʼob ku beetik u nuuktakil ichil u familiaʼob, yéetel ichil u hijoʼob Itamareʼ yanchaj ocho u túulal ku beetik u nuuktakil ichil u familiaʼobiʼ.
5 Ichil u hijoʼob Eleazar yéetel ichil u hijoʼob Itamareʼ yaan kaʼach xiiboʼob táan u beetik u nuuktakil teʼ lugar santooʼ bey xan máakoʼob jach importanteʼob ku meyajtikoʼob le u jaajil Diosoʼ. Le oʼolal ilaʼab bix kun jatsbil+ u hijoʼob Eleazar yéetel u hijoʼob Itamar.
6 Le ka jaʼatsoʼobeʼ Semaya u hijo Netanel u secretario le levitaʼoboʼ tu tsʼíibtaj u kʼaabaʼ le máakoʼoboʼ. Lelaʼ tu beetaj tu táan le reyoʼ, tu táan le príncipeʼoboʼ, tu táan Sadok+ le sacerdoteoʼ, tu táan Aimélek+ u hijo Abiatar+ bey xan tu táan u nuuktakil u familiaʼob le sacerdoteʼob yéetel le levitaʼoboʼ. Utiaʼal u tsʼíibtaʼal u kʼaabaʼobeʼ táanileʼ yéeyaʼab junpʼéel familia ichil u paalal Eleazar, le ka tsʼoʼokeʼ yéeyaʼab xan junpʼéel familia ichil u paalal Itamar.
7 Le yáax máax yéeyaʼaboʼ Jeoyarib, u kaʼatúuleʼ Jedayá,
8 u yóoxtúuleʼ Arim, u kantúuleʼ Seorim,
9 u cincoileʼ Malkiya, u seisileʼ Mijamín,
10 u sieteileʼ Akoz, u ochoileʼ Abías,+
11 u nueveileʼ Jesúa, u diezileʼ Sekanías,
12 u onceileʼ Eliasib, u doceileʼ Jakim,
13 u treceileʼ Upá, u catorceileʼ Jesebeab,
14 u quinceileʼ Bilgá, u dieciséisileʼ Imer,
15 u diecisieteileʼ Ezir, u dieciochoileʼ Apises,
16 u diecinueveileʼ Petajías, u veinteileʼ Jezkel,
17 u veintiunoileʼ Jakín, u veintidósileʼ Gamul,
18 u veintitrésileʼ Delayá yéetel u veinticuatroileʼ Maazías.
19 Tuláakal lelaʼ letiʼe bix ken u beetil u meyajoʼob+ le kéen ookkoʼob ichil u yotoch Jéeobaoʼ, jeʼel bix aʼalaʼabiktiʼob tumen Aarón u yúuchben láakʼtsiloʼob ka u beetoʼobeʼ. Jéeoba u Dios Israeleʼ, letiʼ aʼal tiʼ Aarón bix unaj u beetaʼal le meyajoʼ.
20 U yalab le levitaʼoboʼ letiʼe jeʼeloʼobaʼ: ichil u hijoʼob Amrameʼ+ tiaʼan Subaeliʼ,+ ichil u hijoʼob Subaeleʼ tiaʼan Jedeyáiʼ,
21 ichil u hijoʼob Reabíaseʼ+ tiaʼan Isías le u nojchiloʼ,
22 ichil le izaritaʼoboʼ tiaʼan Selomotiʼ,+ ichil u hijoʼob Selomoteʼ tiaʼan Jáatiʼ,
23 ichil u hijoʼob Hebróneʼ tiaʼan Jerías+ le u nojchiloʼ, Amarías le u kaʼatúuloʼ, Jasiel le u yóoxtúuloʼ yéetel Jekameam le u kantúuloʼ.
24 Ichil u hijoʼob Uzieleʼ tiaʼan Miqueasiʼ, ichil u hijoʼob Miqueaseʼ tiaʼan Samiriʼ.
25 U yíitsʼin Miqueaseʼ Isías, ichil u hijoʼob Isíaseʼ tiaʼan Zacaríasiʼ.
26 U hijoʼob Meraríeʼ+ letiʼe jeʼeloʼobaʼ: Malí yéetel Musí. Ichil u hijoʼob Jaazíaseʼ tiaʼan Benoiʼ.
27 Ichil u paalal Meraríeʼ tiaʼan Jaazíasiʼ, Jaazíaseʼ u papá Beno, Soam, Zakur yéetel Ibrí.
28 Ichil u hijoʼob Malíeʼ tiaʼan Eleazariʼ, Eleazareʼ maʼ yanchaj u hijoʼobiʼ.+
29 Ichil u hijoʼob Keiseʼ tiaʼan Jerameeliʼ.
30 U hijoʼob Musíeʼ letiʼe jeʼeloʼobaʼ: Malí, Éder yéetel Jerimot.
Leloʼobaʼ letiʼe levitaʼob jaʼatsoʼob según tiʼ baʼax familiail u taaloʼoboʼ.
31 Letiʼob xaneʼ jaʼatsoʼob+ jeʼex úuchik u jaʼatsal u paalal Aarón tu táan David, Sadok, Aimélek, bey xan tu táan u nuuktakil u familia le sacerdoteʼob yéetel le levitaʼoboʼ. Tsʼoʼoleʼ igual bix úuchik u tratartaʼal desde le u maas nojchil tak u maas chichnil tiʼ le u nuuktakil le familiaʼoboʼ.
