1 Crónicas 25:1-31
-
Le máaxoʼob ku paaxoʼob yéetel ku kʼaayoʼoboʼ (1-31)
25 Tsʼoʼoleʼ David junmúuchʼ yéetel u nuuktakil le grupoʼoboʼ tu yéeyoʼob jujuntúul tiʼ u hijoʼob Asaf, jujuntúul tiʼ u hijoʼob Emán yéetel jujuntúul tiʼ hijoʼob Jedutún.+ Le máakoʼobaʼ yéeyaʼaboʼob utiaʼal ka profetizarnakoʼob yéetel utiaʼal ka u alabartoʼob Dios yéetel le arpaʼoboʼ, yéetel u nuʼukuliloʼob paax yaan u cuerdailoʼoboʼ+ bey xan yéetel le címbaloʼoboʼ.*+ Lelaʼ letiʼe máakoʼob yéeyaʼaboʼob utiaʼal u beetkoʼob le meyajoʼ,
2 tiʼ u hijoʼob Asafeʼ yéeyaʼab Zakur, José, Netanías yéetel Asarelá. Letiʼobeʼ ku nuʼuktaʼaloʼob kaʼach tumen Asaf u papáʼob, yéetel Asafeʼ ku profetizar kaʼach yáanal u nuʼuktaj le reyoʼ.
3 Tiʼ u hijoʼob Jedutúneʼ+ yéeyaʼab Guedalías, Zerí, Jesayá, Simey, Asabías yéetel Matitías,+ seis u túulaloʼob. Letiʼobeʼ ku nuʼuktaʼaloʼob kaʼach tumen Jedutún u papáʼob, yéetel Jedutúneʼ ku profetizar yéetel ku paxik le arpa utiaʼal u alabartik Jéeoba yéetel utiaʼal u tsʼáaik gracias tiʼoʼ.+
4 Tiʼ u hijoʼob Emáneʼ+ yéeyaʼab Bukías, Matanías, Uziel, Sebuel, Jerimot, Aananías, Aananí, Eliatá, Guidaltí, Romamti-ézer, Josbekasa, Malotí, Otir yéetel Maaziot.
5 Tuláakloʼobeʼ u hijoʼob Emán, le máax aʼalik tiʼ le rey le baʼax ku yaʼalik le u jaajil Diosoʼ, letiʼeʼ ku beetik lelaʼ utiaʼal u alabartik Dios. Yoʼolal leloʼ le u jaajil Diosoʼ tu tsʼáaj tiʼ Emán 14 hijoʼob yéetel óoxtúul hijaʼob.
6 Letiʼob kaʼacheʼ ku nuʼuktaʼaloʼob tumen Emán u papáʼob utiaʼal u kʼaayoʼob tu yotoch Jéeoba bey xan utiaʼal u paxkoʼob címbaloʼob, u nuʼukuliloʼob paax yaan u cuerdailoʼob bey xan arpaʼob.+ Lelaʼ letiʼe meyaj ku beetkoʼob tu yotoch le u jaajil Diosoʼ.
Tsʼoʼoleʼ Asaf, Jedutún yéetel Emáneʼ ku nuʼuktaʼaloʼob kaʼach tumen le reyoʼ.
7 Tuláakloʼobeʼ 288 u túulaloʼob. Letiʼob bey xan tuláakal u sukuʼunoʼoboʼ kaʼansaʼanoʼob kʼaay, yéetel jach maʼalob u kʼaayoʼob utiaʼal u alabarkoʼob Jéeoba.
8 Tuláakloʼob, u chichniloʼob tak u maas nojchiloʼob, le máax ku kaʼansajoʼ tak le máax ku kaʼansaʼaloʼ, ilaʼab baʼax meyajil kun tocar tiʼ cada juntúul.+
9 Tiʼ José+ u hijo Asafeʼ tiʼ letiʼ yáax tocarnaji, u kaʼatúul tiʼ máax tocarnajeʼ Guedalías+ (letiʼ, u hijoʼob yéetel u sukuʼunoʼobeʼ 12 u túulaloʼob).
10 U yóoxtúuleʼ Zakur,+ letiʼ, u hijoʼob yéetel u sukuʼunoʼobeʼ 12 u túulaloʼob.
11 U kantúuleʼ Izrí, letiʼ, u hijoʼob yéetel u sukuʼunoʼobeʼ 12 u túulaloʼob.
12 U cincoileʼ Netanías,+ letiʼ, u hijoʼob yéetel u sukuʼunoʼobeʼ 12 u túulaloʼob.
13 U seisileʼ Bukías, letiʼ, u hijoʼob yéetel u sukuʼunoʼobeʼ 12 u túulaloʼob.
14 U sieteileʼ Jesarela, letiʼ, u hijoʼob yéetel u sukuʼunoʼobeʼ 12 u túulaloʼob.
15 U ochoileʼ Jesayá, letiʼ, u hijoʼob yéetel u sukuʼunoʼobeʼ 12 u túulaloʼob.
16 U nueveileʼ Matanías, letiʼ, u hijoʼob yéetel u sukuʼunoʼobeʼ 12 u túulaloʼob.
17 U diezileʼ Simey, letiʼ, u hijoʼob yéetel u sukuʼunoʼobeʼ 12 u túulaloʼob.
18 U onceileʼ Azarel, letiʼ, u hijoʼob yéetel u sukuʼunoʼobeʼ 12 u túulaloʼob.
19 U doceileʼ Asabías, letiʼ, u hijoʼob yéetel u sukuʼunoʼobeʼ 12 u túulaloʼob.
20 U treceileʼ Subael,+ letiʼ, u hijoʼob yéetel u sukuʼunoʼobeʼ 12 u túulaloʼob.
21 U catorceileʼ Matitías, letiʼ, u hijoʼob yéetel u sukuʼunoʼobeʼ 12 u túulaloʼob.
22 U quinceileʼ Jeremot, letiʼ, u hijoʼob yéetel u sukuʼunoʼobeʼ 12 u túulaloʼob.
23 U dieciséisileʼ Aananías, letiʼ, u hijoʼob yéetel u sukuʼunoʼobeʼ 12 u túulaloʼob.
24 U diecisieteileʼ Josbekasa, letiʼ, u hijoʼob yéetel u sukuʼunoʼobeʼ 12 u túulaloʼob.
25 U dieciochoileʼ Aananí, letiʼ, u hijoʼob yéetel u sukuʼunoʼobeʼ 12 u túulaloʼob.
26 U diecinueveileʼ Malotí, letiʼ, u hijoʼob yéetel u sukuʼunoʼobeʼ 12 u túulaloʼob.
27 U veinteileʼ Eliatá, letiʼ, u hijoʼob yéetel u sukuʼunoʼobeʼ 12 u túulaloʼob.
28 U veintiunoileʼ Otir, letiʼ, u hijoʼob yéetel u sukuʼunoʼobeʼ 12 u túulaloʼob.
29 U veintidósileʼ Guidaltí,+ letiʼ, u hijoʼob yéetel u sukuʼunoʼobeʼ 12 u túulaloʼob.
30 U veintitrésileʼ Maaziot,+ letiʼ, u hijoʼob yéetel u sukuʼunoʼobeʼ 12 u túulaloʼob.
31 Yéetel u veinticuatroileʼ Romamti-ézer,+ letiʼ, u hijoʼob yéetel u sukuʼunoʼobeʼ 12 u túulaloʼob.
Notas
^ Lelaʼ junpʼéel u nuʼukulil paax bey jeʼex le platillos ku meyaj bejlaʼa utiaʼal u yúuchul paaxoʼ.