1 Crónicas 26:1-32
26 Bey úuchik u jaʼatsal le máaxoʼob ken u kanáantoʼob kaʼach le joonajoʼoboʼ:+ ichil le coreítaʼoboʼ tiaʼan Meselemías+ u hijo Koréiʼ, Koréeʼ juntúul máak ku taal tiʼ u hijoʼob Asaf.
2 U hijoʼob Meselemíaseʼ letiʼe jeʼeloʼobaʼ: u yáax hijoeʼ Zacarías, le u kaʼatúuloʼ Jediayel, le u yóoxtúuloʼ Zebadías, le u kantúuloʼ Jatniel,
3 le u cincoiloʼ Elam, le u seisiloʼ Jeyoanán yéetel le u sieteiloʼ Elio-enay.
4 U hijoʼob Obed-edomeʼ letiʼe jeʼeloʼobaʼ: u yáax hijoeʼ Semaya, le u kaʼatúuloʼ Jeozabad, le u yóoxtúuloʼ Joaj, le u kantúuloʼ Sakar, le u cincoiloʼ Netanel,
5 le u seisiloʼ Amiel, le u sieteiloʼ Isacar yéetel le u ochoiloʼ Peuletay. Tuláakal le u hijoʼob Obed-edom yanchajoʼ Dios tsʼáatiʼ utiaʼal u bendecirtik.
6 Semaya, u hijo Obed-edomeʼ, yanchaj xan u hijoʼob. Letiʼobeʼ tu beetaj u nuuktakil ichil u familiaʼob tumen jach yaan u páajtaliloʼob yéetel noʼojaʼanoʼob.
7 U hijoʼob Semayaeʼ letiʼe jeʼeloʼobaʼ: Otní, Refael, Obed yéetel Elzabad. Eliú yéetel Semakías, u láakʼtsiloʼob Elzabadeʼ, noʼojaʼanoʼob xan.
8 Tuláakloʼobeʼ u hijoʼob Obed-edom. Letiʼob, u hijoʼob bey xan u sukuʼunoʼobeʼ noʼojaʼanoʼob yéetel jach maʼaloboʼob utiaʼal le meyajoʼ. Tuláakal le máaxoʼob ku taaloʼob tiʼ Obed-edomoʼ 62 u túulaloʼob.
9 Meselemíaseʼ+ yanchaj u hijoʼob bey xan u sukuʼunoʼob, tuláakloʼobeʼ 18 u túulal máakoʼob noʼojaʼanoʼob.
10 Josá, le máax ku taal tiʼ u hijoʼob Meraríoʼ, yanchaj u hijoʼob. Simríeʼ letiʼ u nojchil ichiloʼob tumen kex maʼ letiʼ le yáax hijooʼ u papá tsʼáa utiaʼal ka u beet u nojchil ichiloʼob.
11 Le u kaʼatúuloʼ Ilquías, le u yóoxtúuloʼ Tebalías, yéetel le u kantúuloʼ Zacarías. Tuláakal u hijoʼob yéetel u sukuʼunoʼob Josáeʼ 13 u túulaloʼob.
12 U nuuktakil le máakoʼob kanáantik le joonajoʼoboʼ yaan xan meyaj kʼubéentaʼabtiʼob yéetel ku meyajoʼob jeʼex u beetik u maasil u sukuʼunoʼoboʼ. Letiʼobeʼ ku meyajoʼob xan ichil u yotoch Jéeoba.
13 Tiʼ tuláakal le familiaʼob, kex chichan wa kex nojocheʼ, ilaʼab baʼax joonajil kun tocar u kanáantkoʼob.+
14 Tiʼ Selemías túuneʼ tocarnaj le joonaj yaan lakʼinoʼ. Tiʼ Zacarías u hijoeʼ, tocarnaj le joonaj yaan xamanoʼ. Zacarías kaʼacheʼ juntúul máak ku tsʼáaik jach maʼalob consejo.
15 Tiʼ Obed-edomeʼ tocarnaj le joonaj yaan noojoloʼ, yéetel tiʼ u hijoʼobeʼ+ tsʼaʼab u yiloʼob le bodegaʼoboʼ.
16 Tiʼ Supim yéetel tiʼ Josáeʼ+ tocarnajtiʼob le joonaj yaan chikʼinoʼ, naatsʼ tiʼ le joonaj ku kʼaabaʼtik u Joonajil Saléketoʼ yéetel tu tséel le bej kaʼanal yaniloʼ. Cada grupo ku kananeʼ tiaʼan tu tséel uláakʼ grupoeʼ.
17 Teʼ joonaj yaan lakʼinoʼ tsʼaʼan kaʼach seis u túulal levitaʼobiʼ, teʼ joonaj yaan xamanoʼ sáamsamal yaan kantúuliʼ, yéetel teʼ joonaj yaan noojoloʼ sáamsamal yaan kantúul xaniʼ. Yéetel teʼ bodegaʼoboʼ+ de a kaʼakaʼatúulil yaniloʼob.
18 Teʼ banda chikʼinoʼ yaan xan kaʼatúul tu tséel le techo yaan u columnailoʼoboʼ, yéetel kantúul teʼ bej kaʼanal yaniloʼ.+
19 Bey úuchik u jaʼatsal le coreítaʼob yéetel le meraritaʼob utiaʼal u kanáantkoʼob le joonajoʼoboʼ.
20 Ichil le uláakʼ levitaʼoboʼ Ajiya tsʼaʼan utiaʼal ka u kanáant u tesoreríailoʼob u yotoch le u jaajil Diosoʼ bey xan le tesoreríaʼob tuʼux tsʼaʼan le baʼaloʼob kʼubaʼanoʼob tiʼ Diosoʼ.+
21 Ichil u hijoʼob Ladáneʼ tiaʼan Jeyelíiʼ,+ Jeyelíeʼ juntúul tiʼ u nuuktakil le familiaʼob ku taaloʼob tiʼ Ladán le guersonitaoʼ,
22 tiʼ letiʼ yéetel tiʼ u hijoʼob tsʼaʼab u yiloʼob u tesoreríailoʼob u yotoch Jéeobaoʼ.+ U kʼaabaʼ u hijoʼobeʼ Zetam yéetel Joel.
23 Le amramitaʼoboʼ, le izaritaʼoboʼ, le hebronitaʼoboʼ yéetel le uzielitaʼoboʼ+ ku representartaʼaloʼob tumen
24 Sebuel u hijo Guersom, u hijo Moisés. Sebueleʼ letiʼ tsʼaʼan u yil kaʼach le bodegaʼoboʼ.
25 Ichil u sukuʼunoʼob Sebueleʼ tiaʼan kaʼach Reabías,+ Jesayá, Joram, Zicrí yéetel Selomot. Letiʼobeʼ tiʼ u taaloʼob kaʼach tiʼ Eliezereʼ.+
26 Tiʼ Selomot yéetel tiʼ u sukuʼunoʼob tsʼaʼab u yiloʼob tuláakal le tesoreríaʼob tuʼux tsʼaʼan le baʼaloʼob kʼubaʼanoʼob tiʼ Diosoʼ.+ Le baʼaloʼobaʼ letiʼe kʼuʼub tumen le rey Davidoʼ,+ tumen u nuuktakil le familiaʼoboʼ,+ tumen u nuuktakil le grupoʼob de 1,000 máakoʼob yéetel de 100 máakoʼoboʼ bey xan tumen u nuuktakil le ejércitooʼ.
27 Junpʼéel jaats tiʼ le baʼaloʼob tu chʼaʼajoʼob+ teʼ guerraʼob+ tu ganartoʼoboʼ kʼuʼuboʼob utiaʼal le meyajoʼob unaj u beetaʼal tu yotoch Jéeobaoʼ.
28 Ichil le baʼaloʼob kʼuʼub tiʼ Diosoʼ tiaʼan xan le baʼax tu kʼubaj Samuel le máax ilik baʼax ku taal u kʼiin u yúuchloʼ,+ Saúl u hijo Keis, Abner+ u hijo Ner bey xan Joab+ u hijo Zeruyá.+ Jeʼel baʼaxak ka kʼuʼubuk tiʼ Dioseʼ ku tsʼaʼabal tiʼ Selomit yéetel tiʼ u sukuʼunoʼob utiaʼal ka u kanáantoʼob.
29 Ichil le izaritaʼoboʼ+ yéeyaʼab Kenanías yéetel u hijoʼob utiaʼal ka meyajnakoʼob paachil tiʼ u yotoch Dios. Letiʼobeʼ tsʼaʼaboʼob meyaj bey jefeʼob yéetel juezoʼob+ yóokʼol u kaajil Israeleʼ.
30 Ichil le hebronitaʼoboʼ+ yéeyaʼab Asabías yéetel u sukuʼunoʼob, yéeyaʼab 1,700 u túulal máakoʼob noʼojaʼanoʼob. Letiʼob nuʼuktik le meyaj ku beetaʼal tu luʼumil Israel teʼ tu chikʼinil le Jordánoʼ, ku nuʼuktikoʼob tuláakal le meyaj ku beetaʼal utiaʼal Jéeoba bey xan utiaʼal le reyoʼ.
31 Ichil le hebronitaʼoboʼ Jeriya+ u nojchil. Le ka tu chukaj 40 años káajak u reinar Davideʼ,+ ichil le hebronitaʼoboʼ joʼopʼ u kaxtaʼal máakoʼob jach yaan u páajtaliloʼob yéetel noʼojaʼanoʼob. Le máakoʼobaʼ kaxtaʼaboʼob tu kaajil Jazer,+ le kaaj yaan tu luʼumil Galaadoʼ.
32 U sukuʼunoʼobeʼ 2,700 u túulal máakoʼob noʼojaʼanoʼob, letiʼobeʼ u nuuktakil u familiaʼob. Le rey David túunoʼ tu tsʼáajoʼob utiaʼal ka u nuʼuktoʼob le rubenitaʼob, le gaditaʼob yéetel u táanchumuk tribu Manasésoʼ. Tu tsʼáajoʼob utiaʼal ka u nuʼuktoʼob tuláakal le meyaj ku beetaʼal utiaʼal le u jaajil Diosoʼ bey xan utiaʼal le reyoʼ.
