1 Crónicas 4:1-43
4 U hijoʼob Judáeʼ letiʼe jeʼeloʼobaʼ: Pérez,+ Ezrón,+ Karmí, Uur+ yéetel Sobal.+
2 Sobaleʼ u papá Reayá, Reayáeʼ u papá Jáat, Jáateʼ u papá Aumay yéetel Laad. Leloʼobaʼ u familia le zoratitaʼoboʼ.+
3 U hijoʼob le máax káajs u kaajil Etamoʼ*+ letiʼe jeʼeloʼobaʼ: Jezreel, Ismá yéetel Idbás (u kʼaabaʼ u yíitsʼinoʼobeʼ Azelelponí).
4 Penueleʼ u papá Guedor, yéetel Ézereʼ u papá* Usá. Tuláakloʼobeʼ u hijoʼob Uur,+ u yáax hijo Efrata. Uureʼ u papá Belén.+
5 Asjur,+ u papá Tekoajeʼ,+ yanchaj kaʼatúul u yatanoʼob: Eela yéetel Naará.
6 U hijoʼob Naaráeʼ letiʼe jeʼeloʼobaʼ: Auzam, Éefer, Temení yéetel Ajastarí. Tuláakloʼobeʼ u hijoʼob Naará.
7 U hijoʼob Eelaeʼ letiʼe jeʼeloʼobaʼ: Zéret, Izar yéetel Etnán.
8 Kozeʼ u papá Anub yéetel Zobebá, tiʼ letiʼ xan u taal u paalal Aarel, Aareleʼ u hijo Arum.
9 Jabezeʼ letiʼe máax maas respetartaʼan tiʼ tuláakal u sukuʼunoʼoboʼ. Tsʼaʼab u kʼaabaʼt Jabez* tumen u maama, tumen letiʼeʼ tu yaʼalaj: «Jach muʼyajnajen* le ka síijoʼ».
10 Jabezeʼ tu kʼáat óoltaj tiʼ u Dios Israel: «¡Kiʼichkelem Yuum, bendecirten, beet u nojochtal in luʼum, áanteniʼ, maʼ a chaʼik u yúuchulten mix baʼal kʼaas utiaʼal maʼ in muʼyaj!». Dios túuneʼ tu beetaj le baʼax tu kʼáataj Jabezoʼ.
11 Kelub, u sukuʼun Suujaeʼ, u papá Meir. Meireʼ u papá Estón.
12 Estóneʼ u papá Bet-rafá, Paséaj yéetel Teiná. Teináeʼ u papá Ir-naas. Tuláakloʼobeʼ u kajnáaliloʼob Reká.
13 U hijoʼob Kenazeʼ letiʼe jeʼeloʼobaʼ: Otniel+ yéetel Seraya. U hijo* Otnieleʼ Atat.
14 Meonotayeʼ u papá Ofrá. Serayaeʼ u papá Joab. Joabeʼ letiʼ káajs u kaajil Gue-arasim,* bey tsʼaʼabik u kʼaabaʼoʼ tumen u kajnáaliloʼobeʼ artesanoʼob.
15 Jefunéeʼ u papá Caleb.+ U hijoʼob Calebeʼ letiʼe jeʼeloʼobaʼ: Iru, Elaj yéetel Naam. U hijo* Elajeʼ Kenaz.
16 U hijoʼob Jealeleleʼ letiʼe jeʼeloʼobaʼ: Zif, Zifá, Tiriya yéetel Asarel.
17 U hijoʼob Ezráeʼ letiʼe jeʼeloʼobaʼ: Jéter, Méred, Éfer yéetel Jalón. Letiʼeʼ* yanchaj u paalaloʼob, u kʼaabaʼ u paaloʼobeʼ Míriam, Samay yéetel Isba, Isbaeʼ u papá Estemoa.
18 (Méredeʼ yanchaj juntúul u yatan judía. U hijoʼobeʼ letiʼe jeʼeloʼobaʼ: Jéred u papá Guedor, Éeber u papá Socó, yéetel Jekutiel u papá Zanoaj). Tuláakloʼobeʼ u hijoʼob Bitías, u hija Faraón,* le koʼolel tsʼoʼok u beel yéetel Méredoʼ.
19 U hijoʼob u yatan Odías, u kiik Náameʼ, letiʼob u papá Keilá le garmitaoʼ yéetel Estemoa le maakatitaoʼ.
20 U hijoʼob Ximóneʼ letiʼe jeʼeloʼobaʼ: Amnón, Riná, Ben-anán yéetel Tilón. U hijoʼob Isíeʼ letiʼe jeʼeloʼobaʼ: Zóet yéetel Ben-zóet.
21 U hijoʼob Sela,+ u hijo Judáeʼ, letiʼe jeʼeloʼobaʼ: Er, u papá Leká, yéetel Laadá, u papá Maaresa. Tiʼ Sela u taal xan u paalal Asbea, le máaxoʼob ku beetkoʼob telaʼob jach finotakoʼoboʼ.
22 Tiʼ letiʼ xan u taal Jokim, u kajnáaliloʼob Kozebá, Joás, Saraf yéetel Jasubí-léem. Joás yéetel Sarafeʼ tsʼoʼok u beeloʼob yéetel koʼoleloʼob moabitaʼob. Le baʼaloʼob tsʼíibtaʼanaʼ chʼaʼabaʼan tiʼ úuchben tsʼíiboʼob.
23 Tuláakloʼobeʼ ku meyajtikoʼob le kʼatoʼ, yéetel tiʼ kajaʼanoʼob kaʼach Netaim yéetel Guederáeʼ. Letiʼobeʼ tiʼ kajaʼanoʼob kaʼachiʼ, yéetel ku meyajoʼob utiaʼal le reyoʼ.
24 U hijoʼob Simeóneʼ+ letiʼe jeʼeloʼobaʼ: Nemuel, Jamín, Jarib, Zera yéetel Xaúl.+
25 Xaúleʼ u papá Salum, Salumeʼ u papá Mibsam, Mibsameʼ u papá Mismá.
26 U hijoʼob Mismáeʼ letiʼe jeʼeloʼobaʼ: Amuel, Zakur yéetel Simey.
27 Simeyeʼ yanchaj 16 u túulal u hijoʼob yéetel 6 u túulal u hijaʼob. U sukuʼunoʼobeʼ maʼ yanchaj yaʼab u hijoʼobiʼ, yéetel mix junpʼéel tiʼ u familiaʼob jach yaʼabchaj u paalaloʼob jeʼex úuchik u yaʼabtal u paalal le familiaʼob yanoʼob ichil u tribu Judáoʼ.+
28 Letiʼobeʼ kajlajoʼob tu kaajil Beer-seba,+ Moladá,+ Azar-sual,+
29 Bilá, Ézem,+ Tolad,
30 Betuel,+ Ormá,+ Ziklag,+
31 Bet-markabot, Azar-susim,+ Bet-birí yéetel Saaraim. Tuláakal le jeʼeloʼobaʼ u kaajaloʼob tak le ka káaj u reinar Davidoʼ.
32 Letiʼobeʼ kajlajoʼob xan tiʼ le cinco u pʼéelal kaajoʼobaʼ: Etam, Ain, Rimón, Token yéetel Asán.+
33 Kajlajoʼob xan teʼ kaajoʼob yanoʼob tu baʼpach le cinco u pʼéelal kaajoʼobaʼ, kajlajoʼob tak tu kaajil Baal. Tuláakloʼobeʼ tsʼíibtaʼab u kʼaabaʼob según tiʼ baʼax familiail u taaloʼob yéetel según tuʼux kajaʼanoʼob.
34 Le jeʼeloʼobaʼ tiʼ Simeón xan u taaloʼob: Mesobab, Jamlek, Josaj u hijo Amasías,
35 Joel, Jehú u hijo Josibías u yáabil Seraya yéetel u kaʼa áabil Asiel,
36 Elyoenay, Jaakoba, Jesoaya, Asaya, Adiel, Jesimiel, Benaya
37 yéetel Zizá, u hijo Sifí, u yáabil Alón, u kaʼa áabil Jedayá. Jedayáeʼ u hijo Simrí yéetel u yáabil Semaya.
38 Le máaxoʼob tsʼoʼok u yaʼalaʼal u kʼaabaʼobaʼ letiʼob u nuuktakil u familiaʼob, jach yaʼabchaj le máaxoʼob yanoʼob ichil u familiaʼoboʼ.
39 Letiʼobeʼ binoʼob tu entradail u kaajil Guedor, tu lakʼinil* u táax luʼumil le kaajoʼ, bin u kaxtoʼob suʼuk utiaʼal u yaalakʼoʼob.
40 Le ka máan kʼiineʼ tu kaxtoʼob junpʼéel luʼum tuʼux yaan maʼalob suʼuk, junpʼéel luʼum jach nojoch yéetel tranquilo. U paalal Cameʼ+ letiʼe máaxoʼob kajaʼanoʼob kaʼach teʼeloʼ.
41 Tu kʼiiniloʼob Ezequías,+ u reyil Judáeʼ, le máakoʼob tsʼíibtaʼan u kʼaabaʼobaʼ binoʼobeʼ ka tu xuʼulsoʼob tiʼ le najoʼob de nookʼ tuʼux kajaʼan kaʼach le camitaʼob yéetel le meunimoʼoboʼ. Letiʼobeʼ tu xuʼulsoʼob tiʼ tuláakal le máakoʼob yanoʼob kaʼach teʼeloʼ yéetel tak bejlaʼa mix juntúul pʼaatleʼ, letiʼob túuneʼ kajlajoʼob teʼeloʼ. Letiʼobeʼ tiʼ pʼáatoʼobiʼ tumen teʼeloʼ yaan yaʼab suʼuk utiaʼal u yaalakʼoʼobiʼ.
42 Pelatías, Nearías, Refayá yéetel Uziel u hijoʼob Isíeʼ, tu nuʼuktoʼob 500 u túulal simeonitaʼob ka binoʼob tak teʼ Montaña Seíroʼ.+
43 Letiʼobeʼ tu xuʼulsoʼob tiʼ u yalab le amalekitaʼob+ tsʼoʼok kaʼach u púutsʼloʼob teʼ Montaña Seíroʼ, yéetel tiʼ pʼáatoʼob kajtal tak bejlaʼeʼ.
Notas
^ Ich hebreoeʼ ku yaʼalaʼal kaʼach «u papá Etam».
^ Jujunpʼéel kʼaabaʼob ku yaʼalaʼal teʼ capítuloaʼ u kʼaabaʼ kaajoʼob, maʼ u kʼaabaʼ máakoʼobiʼ. Le kéen úuchuk beyaʼ le tʼaan «papá» ku chíikpajloʼ u kʼáat u yaʼal «le máax káajs» le kaajoʼ.
^ Le kʼaabaʼ Jabezoʼ maʼ xaaneʼ yaan yil yéetel junpʼéel tʼaan ich hebreo u kʼáat u yaʼal «yajil».
^ Wa «Jach sufrirnajen».
^ Ich hebreoeʼ ku yaʼalaʼal kaʼach «u hijoʼob».
^ U kʼáat u yaʼal «U Táax Luʼumil le Artesanoʼoboʼ».
^ Ich hebreoeʼ ku yaʼalaʼal kaʼach «u hijoʼob».
^ Maʼ xaaneʼ táan u tʼaan tiʼ Bitías, le koʼolel ku chʼaʼchiʼitaʼal teʼ versículo 18.
^ Ilawil página 2563.
^ Wa «este».