1 Crónicas 7:1-40
7 U hijoʼob Isacareʼ letiʼe jeʼeloʼobaʼ: Tolá, Puaj, Jasub yéetel Simrón,+ kantúuloʼob.
2 U hijoʼob Toláeʼ letiʼeʼ jeʼeloʼobaʼ: Uzí, Refayá, Jeriel, Jamay, Ibsam yéetel Semuel, letiʼob kaʼach u nuuktakil ichil u familiaʼob. Le máaxoʼob ku taaloʼob tiʼ u familia Toláoʼ máakoʼob jach u yojloʼob baʼateʼel, tu kʼiiniloʼob Davideʼ 22,600 u túulaloʼob kaʼachi.
3 Le máaxoʼob ku taaloʼob* tiʼ Uzíoʼ letiʼe jeʼeloʼobaʼ: Izraías bey xan u paalal. U paalal Izraíaseʼ letiʼe jeʼeloʼobaʼ: Miguel, Abdías, Joel yéetel Isías, tu cinco u túulaloʼobeʼ u nuuktakil* ichil u familiaʼob.
4 Letiʼob yéetel u hijoʼobeʼ yanchaj yaʼab u yatanoʼob bey xan u paalaloʼob. Le oʼolaleʼ ichil u familiaʼobeʼ yaan kaʼach 36,000 soldadoʼob listoʼob utiaʼal u binoʼob baʼateʼel.
5 Letiʼob bey xan tuláakal le máaxoʼob ku taaloʼob tiʼ u familia Isacaroʼ jach u yojloʼob baʼateʼel. Tuláakloʼobeʼ 87,000 u túulaloʼob, tsʼíibtaʼan u kʼaabaʼob según tiʼ baʼax familiail u taaloʼob.+
6 U hijoʼob Benjamíneʼ+ letiʼe jeʼeloʼobaʼ: Bela,+ Béker+ yéetel Jediayel,+ óoxtúuloʼob.
7 U hijoʼob Belaeʼ letiʼe jeʼeloʼobaʼ: Ezbón, Uzí, Uziel, Jerimot yéetel Irí, cinco u túulaloʼob. Letiʼob kaʼach u nuuktakil ichil u familiaʼob yéetel jach u yojloʼob baʼateʼel. Tuláakal le tsʼíibtaʼan u kʼaabaʼob según tiʼ baʼax familiail u taaloʼoboʼ 22,034 u túulaloʼob.+
8 U hijoʼob Békereʼ letiʼe jeʼeloʼobaʼ: Zemirá, Joás, Eliezer, Elyoenay, Omrí, Jeremot, Abías, Anatot yéetel Alémet. Tuláakloʼobeʼ u hijoʼob Béker.
9 Tuláakal u nuuktakil le familiaʼob yéetel u paalaloʼob tsʼíibtaʼab u kʼaabaʼoboʼ tu chukaj 20,200 u túulaloʼob, tuláakal le máakoʼobaʼ jach u yojloʼob baʼateʼel.
10 Le máaxoʼob ku taaloʼob tiʼ Jediayeleʼ+ letiʼe jeʼeloʼobaʼ: Bilán bey xan u paalal. U hijoʼob Biláneʼ letiʼe jeʼeloʼobaʼ: Jeús, Benjamín, Eud, Kenaaná, Zetán, Tarsis yéetel Aisáar.
11 Tuláakloʼobeʼ tiʼ Jediayel u taaloʼob, letiʼob u nuuktakil ichil u familiaʼob. Ichil u familiaʼobeʼ yaan kaʼach 17,200 soldadoʼob jach u yojloʼob baʼateʼel, listoʼob utiaʼal u binoʼob teʼ baʼateloʼ.
12 Tiʼ Ir+ u taal le supimoʼob yéetel le upimoʼoboʼ. Tiʼ Aer u taal le usimoʼoboʼ.
13 U hijoʼob Neftalíeʼ+ letiʼe jeʼeloʼobaʼ: Jasel, Guní, Jézer yéetel Salum, letiʼobeʼ tiʼ Bilá+ u taaloʼob.*
14 Le máaxoʼob ku taaloʼob tiʼ Manasésoʼ+ letiʼe jeʼeloʼobaʼ: Asriel, le u hijo yanchajtiʼ yéetel le uláakʼ u yatan* ku taal tiʼ u luʼumil Siriaoʼ. (Le koʼolelaʼ u maama Makir,+ u papá Galaad.
15 Makireʼ tu tsʼoʼoksaj u beel Upim bey xan Supim, u kʼaabaʼ u yíitsʼinoʼobeʼ Maaká). U kʼaabaʼ le u kaʼatúuloʼ Zelofead,+ Zelofeadeʼ chéen hijaʼob yanchajtiʼ.+
16 Le ka máan kʼiineʼ Maaká u yatan Makireʼ yanchaj juntúul u hijoeʼ ka tu tsʼáaj u kʼaabaʼt Peres. U kʼaabaʼ u yíitsʼin Pereseʼ Seres. U hijoʼob Sereseʼ letiʼe jeʼeloʼobaʼ: Ulam yéetel Rékem.
17 U hijo* Ulameʼ Bedán. Tuláakloʼobeʼ ku taaloʼob tiʼ Galaad, u hijo Makir u yáabil Manasés.
18 U yíitsʼin Galaadeʼ Amoléket. U hijoʼob le koʼolelaʼ letiʼe jeʼeloʼobaʼ: Isod, Abí-ézer yéetel Malá.
19 U hijoʼob Semidáeʼ letiʼe jeʼeloʼobaʼ: Ayán, Sikem, Likí yéetel Aniam.
20 Efraíneʼ+ u papá Sutela,+ Sutelaeʼ u papá Bered, Beredeʼ u papá Táat, Táateʼ u papá Eleadá, Eleadáeʼ u papá Táat,
21 Táateʼ u papá Zabad, yéetel Zabadeʼ u papá Sutela. Efraíneʼ u papá xan Ézer yéetel Elead. Juntéenjeakileʼ u kajnáaliloʼob Gateʼ+ bin u yokloʼob u yalakʼ baʼalcheʼob u paalal Efraíneʼ ka tu kíimsoʼob Ézer yéetel Elead.
22 Efraín u papáʼob túuneʼ yaʼab kʼiinoʼob sen yaachaj u yóol, ka túun taal líiʼsbil u yóol tumen u sukuʼunoʼob yéetel u yíitsʼinoʼob.
23 Le ka tsʼoʼokeʼ Efraíneʼ yanchaj baʼal u yil yéetel u yatan, le u yatan túunoʼ pʼáat embarazadaileʼ ka yanchaj juntúul u hijo. Efraíneʼ tu tsʼáaj u kʼaabaʼt Berías* tumen le ka síij u chaambal* le koʼoleloʼ jach yaachajaʼan u yóol le familiaoʼ.
24 Letiʼeʼ yanchaj xan juntúul u hija tu kʼaabaʼtaj Seerá, le koʼolelaʼ tu beetaj u kaajil Kabal Bet-orón+ yéetel Kaʼanal Bet-orón+ bey xan u kaajil Uzén-seerá.
25 Tiʼ Efraín xan u taal Réfa bey xan Résef, Résefeʼ u papá Telaj, Telajeʼ u papá Taan,
26 Taaneʼ u papá Ladán, Ladáneʼ u papá Amiud, Amiudeʼ u papá Elisamá,
27 Elisamáeʼ u papá Nun, yéetel Nuneʼ u papá Josué.*+
28 Le kaajoʼob tuʼux yanchaj u paalal Efraínoʼ letiʼe jeʼeloʼobaʼ: Betel+ bey xan le mejen kaajoʼob yanoʼob tu baʼpachoʼ. Tu tojil lakʼineʼ yanchajoʼob tu kaajil Naarán, tu tojil chikʼineʼ* yanchajoʼob tu kaajil Guézer bey xan teʼ mejen kaajoʼob yanoʼob tu baʼpachoʼ, kajlajoʼob xan Sikem yéetel teʼ mejen kaajoʼob yanoʼob tu baʼpachoʼ, kʼuchoʼob tak Ayyá* bey xan teʼ mejen kaajoʼob yanoʼob tu baʼpachoʼ.
29 Kajlajoʼob xan tu tséel u paalal Manasés, tu kaajiloʼob Bet-seán+ bey xan teʼ mejen kaajoʼob yanoʼob tu baʼpachoʼ, tu kaajil Taanak+ bey xan teʼ mejen kaajoʼob yanoʼob tu baʼpachoʼ, tu kaajil Meguidó+ bey xan teʼ mejen kaajoʼob yanoʼob tu baʼpachoʼ yéetel tu kaajil Dor+ bey xan teʼ mejen kaajoʼob yanoʼob tu baʼpachoʼ. Teʼ kaajoʼobaʼ tiʼ kajlaj le máaxoʼob ku taaloʼob tiʼ José u hijo Israeloʼ.
30 U hijoʼob Asereʼ letiʼe jeʼeloʼobaʼ: Imnaj, Isvá, Isví yéetel Berías,+ u kʼaabaʼ u yíitsʼinoʼobeʼ Séra.+
31 U hijoʼob Beríaseʼ letiʼe jeʼeloʼobaʼ: Éeber yéetel Malkiel, Malkieleʼ u papá Birzayit.
32 U hijoʼob Éebereʼ letiʼe jeʼeloʼobaʼ: Jaflet, Somer yéetel Otam, u kʼaabaʼ u yíitsʼinoʼobeʼ Suja.
33 U hijoʼob Jafleteʼ letiʼe jeʼeloʼobaʼ: Pasak, Bimal yéetel Asvat. Letiʼobeʼ u hijoʼob Jaflet.
34 U hijoʼob Sémereʼ* letiʼe jeʼeloʼobaʼ: Ayí, Rogá, Jeubá yéetel Aram.
35 U hijoʼob Élem,* u yíitsʼin Sémereʼ, letiʼe jeʼeloʼobaʼ: Zofaj, Imná, Seles yéetel Amal.
36 U hijoʼob Zofajeʼ letiʼe jeʼeloʼobaʼ: Zúaj, Arnéfer, Sual, Berí, Imrá,
37 Bézer, Od, Saamá, Silsá, Itrán yéetel Beerá.
38 U hijoʼob Jétereʼ letiʼe jeʼeloʼobaʼ: Jefuné, Pispá yéetel Ará.
39 U hijoʼob Uláeʼ letiʼe jeʼeloʼobaʼ: Araj, Aniel yéetel Riziya.
40 Tuláakloʼobeʼ tiʼ u taaloʼob kaʼach tiʼ Asereʼ. Letiʼob kaʼach u nuuktakil ichil u familiaʼob, máakoʼob jach u yojloʼob baʼateʼel, letiʼob u nuuktakil le máaxoʼob nuʼuktik le ejércitooʼ. Ichiloʼobeʼ yaan kaʼach 26,000 máakoʼob+ listoʼob utiaʼal u binoʼob baʼateʼel, tuláakloʼobeʼ tsʼíibtaʼan u kʼaabaʼob según tiʼ baʼax familiail u taaloʼob.+
Notas
^ Ich hebreoeʼ ku yaʼalaʼal kaʼach «u pooliloʼob».
^ Ich hebreoeʼ ku yaʼalaʼal kaʼach «u hijoʼob».
^ Ich hebreoeʼ ku yaʼalaʼal kaʼach «u hijoʼob».
^ Ich hebreoeʼ ku yaʼalaʼal kaʼach «concubina».
^ Ich hebreoeʼ ku yaʼalaʼal kaʼach «u hijoʼob».
^ U kʼáat u yaʼal «Ich Yaj Óolal».
^ Tuláakʼ tuʼuxeʼ ku yaʼalaʼal «chaanpal».
^ Wa «Jeosúa», u kʼáat u yaʼal «Jéeobaeʼ Salvación».
^ Uláakʼ bix u traducirtaʼaleʼ «Gaza», pero maʼ letiʼe Gaza yaan tu luʼumil Filisteaoʼ.
^ Wa «oeste».
^ Teʼ versículo 32 ku yaʼalaʼaltiʼ «Somer».
^ Maʼ xaaneʼ le máakaʼ láayliʼ letiʼe Otam ku yaʼalaʼal teʼ versículo 32.