1 Timoteo 2:1-15
2 Le oʼolal táan in jach aʼalikteʼex ka kʼáat óolnakeʼex tiʼ Dios, ka orarnakeʼex tu yoʼolal tuláakal u jejeláasil máakoʼob yéetel ka a tsʼáaʼex gracias tiʼ Dios tu yoʼolaloʼob,
2 ka a tsʼáaʼex gracias tu yoʼolal reyoʼob bey xan tu yoʼolal tuláakal le máaxoʼob yaan autoridad tiʼoboʼ,+ utiaʼal beyoʼ maʼ u xuʼulul k-kuxtal ich jeetsʼelil yéetel maʼ u xuʼulul k-kʼubik k-óol k-meyajt Dios yéetel u jaajil k-óol.+
3 Lelaʼ jach maʼalob yéetel kʼambeʼen tu táan Dios k-Salvador,+
4 tumen letiʼeʼ u kʼáat ka u salvartuba+ tuláakal u jejeláasil máakoʼob yéetel ka kʼuchuk u kʼaj óoltoʼob tubeel le jaajoʼ.
5 Tumen chéen juntúul Dios+ yaan yéetel chéen juntúul mediador*+ yaan chúumuk tiʼ Dios yéetel wíinikoʼob,+ juntúul máak, Cristo Jesús.+
6 Letiʼeʼ tu kʼubaj u kuxtal utiaʼal u boʼotik jach le bukaʼaj kʼaʼabéet utiaʼal u jáalkʼabtaʼal tuláakal máakoʼ,+ lelaʼ yaan u tsʼaʼabal ojéeltbil kéen kʼuchuk u kʼiinil.
7 Utiaʼal in tsʼáaik ojéeltbil lelaʼ+ yéeyaʼaben utiaʼal in bisik u tʼaan Dios bey xan utiaʼal in beetik in apóstolil,+ teneʼ táan in waʼalik u jaajil, maʼ táan in tuusiʼ. Teneʼ yéeyaʼaben utiaʼal ka in kaʼans tiʼ le j-táanxel luʼumiloʼob+ baʼaloʼob yaan yil yéetel le fejoʼ bey xan yéetel le jaajoʼ.
8 Le oʼolal in kʼáateʼ jeʼel tuʼuxak ka u muchʼuba le máakoʼob chúukaʼan u yóoloʼob u meyajtoʼob Diosoʼ ka u líiʼs u kʼaboʼob+ yéetel ka seguernak u oraroʼob. Letiʼobeʼ maʼ unaj u baʼateloʼobiʼ+ mix unaj u yantal kʼuuxilil ichiloʼobiʼ.+
9 Le koʼoleloʼoboʼ unaj u vestirkubaʼob yéetel kʼambeʼen nookʼ, maʼ unaj u píitmáanoʼob le kéen u jatsʼutskíintubaʼobiʼ, baʼaxeʼ unaj u beetkoʼob yéetel maʼalob tuukul. Maʼ unaj u sen jiʼijitʼik u tsoʼotsel u pooloʼobiʼ, mix u sen tsʼáaikoʼob oro, mix perlaʼob, mix koʼokoj nookʼoʼobiʼ,+
10 baʼaxeʼ unaj u jatsʼutskíintkubaʼob yéetel maʼalob meyajoʼob jeʼex unaj u beetik le koʼoleloʼob meyajtik Diosoʼ.+
11 Le koʼoleloʼ maʼ unaj u tʼaan le táan u kaʼansaʼaloʼ yéetel unaj u tsʼáaikuba yáanal u páajtalil le xiiboʼ.+
12 Maʼ tin chaʼik u kaʼansaj le koʼoleloʼ, mix ka u tsʼáa le xiib yáanal u páajtaliloʼ. Le koʼoleloʼ maʼ unaj u tʼaaniʼ.+
13 Tumen yáax Adán beetaʼabi, tsʼoʼoleʼ ka beetaʼab Eva.+
14 Ku tsʼoʼokoleʼ maʼ Adán tuʼusiʼ, baʼaxeʼ letiʼe koʼolel tuʼusoʼ+ ka kʼebanchaji.
15 Le koʼoleloʼ ikil u yantal u paalaleʼ yaan u salvartaʼal,+ chéen baʼaleʼ chéen wa maʼ tu náachtal tiʼ le fejoʼ, tiʼ le yaabilajoʼ bey xan wa ku bisik junpʼéel kuxtal limpio tu táan Dios yéetel wa ku yantaltiʼ junpʼéel maʼalob tuukul.+
Notas
^ Ilawil página 2571.
