2 Samuel 22:1-51
22 Teʼ kʼiin ka salvartaʼab David tumen Jéeoba tiʼ u kʼab tuláakal u enemigoʼob+ yéetel tiʼ u kʼab Saúleʼ,+ Davideʼ tu kʼayaj junpʼéel kʼaay+ tiʼ Jéeoba.
2 Letiʼeʼ tu yaʼalaj:
«Jéeobaeʼ bey junpʼéel nuxiʼ tuunich tuʼux kin taʼakikinbaeʼ,+ junpʼéel lugar tuʼux kin kanáantaʼal, letiʼ salvarken.+
3 In Dioseʼ bey junpʼéel nuxiʼ tuunich tuʼux kin balikinbaeʼ,+junpʼéel escudo in tiaʼal,+ letiʼeʼ yaan u poder, letiʼ in salvador, letiʼeʼ junpʼéel lugar seguro,*+letiʼeʼ bey junpʼéel lugar tuʼux jeʼel u páajtal in taʼakikinbaeʼ,+ in salvador;+ letiʼeʼ ku salvarken tiʼ le kʼasaʼan máakoʼ.
4 Kin orar tiʼ Jéeoba, le máax ku merecertik u alabartaʼaloʼ,letiʼ túuneʼ yaan u salvarken tiʼ in enemigoʼob.
5 U olasil le kíimiloʼ tu jatsʼenoʼob,+tu sen sajakkúunten le yaʼabkach máakoʼob mix baʼal u biilaloʼoboʼ.+
6 Tu bakʼen u suumil le Muknaloʼ.*+
Yanchajen tu táan kíimil.+
7 Teʼ kʼiinoʼob táan in sen muʼyajoʼ orarnajen tiʼ Jéeoba,+seguernaj in orar tiʼ in Dios.
Letiʼ túuneʼ desde tu temploeʼ tu yuʼuben,kʼuch tu xikin le ka tin kʼáataj áantajoʼ.+
8 Le luʼumoʼ káaj u tíitkuba yéetel u yúumbal.+
U cimientoil le kaʼanoʼoboʼ seguernaj u tíitkubaʼob,+táan u yúumbaloʼob tumen jach pʼujaʼan Dios.+
9 Tuulnaj buutsʼ tu niʼ,yéetel tu chiʼeʼ ku jóokʼol kaʼach junpʼéel kʼáakʼ ku tóochʼbal.+
Tu táaneʼ yaan kaʼach chakjoleʼen chúukoʼob.
10 Le ka joʼopʼ u yéemeleʼ tu beetaj u wúutsʼul le kaʼanoʼ,+yéetel bey waʼalakbal yóokʼol box múuyaloʼobeʼ.+
11 Xikʼnalil úuchik u taal, yóokʼol juntúul querubín+ taali.
Letiʼeʼ chíikaʼan u yilaʼal yóokʼol u xiikʼ juntúul ángel.+
12 Letiʼ túuneʼ tu baluba ich éeʼjochʼeʼenil, pʼáat tiʼ jupukbal ichileʼ,+baʼpachtaʼan tumen box múuyaloʼob chuupoʼob yéetel jaʼ.
13 Yéetel u juul u sáasilileʼ tu beetaj u tóochʼbal u kʼáakʼil le chúukoʼoboʼ.
14 Jéeoba túuneʼ tu beetaj u kíilbal le kaʼanoʼ,+le Maas Nojoch Diosoʼ tu beetaj u yuʼubaʼal u tʼaan.+
15 Tu chʼinaj u flechaʼobeʼ+ ka tu beetaj u kʼiʼitpajal le máaxoʼob pʼekmilenoʼ,tu beetaj u yantal rayoʼobeʼ ka pʼáat maʼ tu kaxtik baʼax u beetoʼob.+
16 U fondo le kʼáaʼnáaboʼ chíikpaji,+chíikpaj xan u cimientoil le luʼum le ka tʼaanaj Jéeobaoʼ,yéetel le ka múus iikʼnajoʼ.+
17 Desde teʼ kaʼan tuʼux yanoʼ, Dioseʼ tu tichʼaj u kʼabeʼ,ka tu machen utiaʼal u jóoʼsiken ichil le taamkach jaʼoʼ.+
18 Tu salvarten tiʼ in enemigo jach yaan u muukʼoʼ+bey xan tiʼ le máaxoʼob pʼekmilenoʼ, tumen maas yaan u muukʼoʼob tiʼ teen.
19 Líikʼoʼob tin contra tu kʼiinil jach kʼaas u binten,+pero tu yáanten Jéeoba.
20 Tu bisen tiʼ junpʼéel lugar seguro.+
Tu salvarten tumen kiʼimak u yóol yoʼolal bix kuxliken.+
21 Jéeobaeʼ ku boʼotiken yéetel baʼax maʼalob, tumen kin beetik baʼax maʼalob.+
Maʼatech u beetik u binten kʼaasil, tumen maʼatech in beetik baʼax kʼaas.+
22 Maʼ xuʼuluk in bin teʼ bej uts tu tʼaan Jéeobaoʼ,yéetel maʼ in xúumpʼat Dios jeʼex u beetik le kʼasaʼan máakoʼoboʼ.
23 Mantatsʼ táan in tuukul tiʼ u leyoʼob.+
Mantatsʼ ken in beet baʼax ku yaʼalik.+
24 Yaan u seguer u yantalten junpʼéel toj kuxtal+ tu táan,yaan in kanáantik maʼ in beetik mix baʼal kʼaas.+
25 Ka u boʼoten Jéeoba yéetel baʼax maʼalob, tumen kin beetik baʼax maʼalob,+maʼ u beetik u binten kʼaasil, tumen maʼatech in beetik baʼax kʼaas.+
26 Techeʼ yaan u chúukpajal a wóol a weʼes yaabilaj tiʼ máax chúukaʼan xan u yóol u yeʼes yaabilaj.+
Maʼ ta beetik u bin kʼaasil tiʼ juntúul máak mix baʼal kʼaas u beetmaj.+
27 Ka beetik u bin maʼalobil tiʼ máax ku beetik baʼax maʼalob,+pero tiʼ máax ku beetik u kʼasaʼanileʼ ka weʼesik maas yaan a naʼat ke letiʼ.+
28 Techeʼ ka salvartik le máaxoʼob maʼatech u taaskubaʼob nojbaʼaliloʼ,+chéen baʼaleʼ tiaʼanech tu contra le máaxoʼob ku creerkubaʼoboʼ yéetel ka mixbaʼalkúuntikoʼob.+
29 Kiʼichkelem Yuum Jéeoba, teech in lámpara.+
Jéeoba sáasilkuntik le éeʼjochʼeʼenil tuʼux yanenoʼ.+
30 Yéetel a wáantajeʼ jeʼel u páajtal in atacartik junmúuchʼ kʼasaʼan máakoʼobeʼ.
Yéetel u poder Dioseʼ jeʼel u páajtal in naʼakal tiʼ junpʼéel kaʼanal pakʼeʼ.+
31 Tuláakal baʼax ku beetik u jaajil Dioseʼ jach táaj maʼalob.+
Le baʼaxoʼob ku yaʼalik Jéeobaoʼ jach maʼalobtak.+
Letiʼeʼ bey junpʼéel escudo utiaʼal le máaxoʼob ku natsʼkubaʼob tu yiknaloʼ.+
32 Minaʼan uláakʼ Dios, chéen Jéeoba,+chéen letiʼ bey junpʼéel nuxiʼ tuunich utiaʼal u balikuba máakeʼ.+
33 Le u jaajil Diosoʼ bey junpʼéel lugar tuʼux kin jach kanáantaʼaleʼ,+letiʼ kun maʼalobkíintik le bej tuʼux kin máanoʼ.+
34 Letiʼeʼ ku pʼatik in wook jeʼex u yook juntúul kéejeʼ,le oʼolal ku páajtal in naʼakal teʼ lugaroʼob kaʼanaltakoʼoboʼ.+
35 Ku kaʼansiken baʼateʼel.
In kʼaboʼobeʼ ku páajtal u wutsʼkoʼob junpʼéel arco de cobre.
36 Ka kanáantken yéetel a escudo,techeʼ maʼatech a creerkaba, le oʼolal ka nojbaʼalkúuntiken.+
37 Ka kóochkintik le bej tuʼux kin xíimbaloʼ,utiaʼal maʼ in lúubul.+
38 Yaan in chʼaʼpachtik in enemigoʼob yéetel yaan in xuʼulsiktiʼob.
Hasta in láaj xuʼulsiktiʼobeʼ kin suut.
39 Yaan in xuʼulsiktiʼob, yaan in nonokjatsʼkoʼob utiaʼal maʼ u kaʼa líikʼloʼob.+
Yaan in yayaʼchaʼatkoʼob.
40 Yaan a tsʼáaik in muukʼ utiaʼal le baʼateloʼ,+yaan a beetik u lúubul in enemigoʼob tin táan.+
41 Yaan a beetik u yáalkab in enemigoʼob,+yaan in xuʼulsik tiʼ le máaxoʼob pʼekmilenoʼ.+
42 Ku kʼáatkoʼob áantaj, pero mix máak salvarkoʼob,tak tiʼ Jéeoba ku kʼáatkoʼob áantaj, pero maʼ tu yáantaʼaloʼob.+
43 Yaan in xiixkúuntkoʼob tak ken pʼáatkoʼob bey u polvoil le luʼumoʼ.
Yaan in xiixkúuntkoʼob yéetel yaan in yayaʼchaʼatkoʼob jeʼex le luukʼ yaan teʼ calleʼoboʼ.
44 Yaan a salvarken tiʼ le baʼaloʼob ku yaʼalik in kaajaloʼ.+
Yaan a kanáantken utiaʼal ka a tsʼáaen in beetinba u nojchil yaʼab kaajoʼob.+
Yaan in meyajtaʼal tumen junpʼéel kaaj maʼ in kʼaj óoltiʼ.+
45 Le j-táanxel luʼumiloʼoboʼ yaan u taaloʼob chintal tin táan tumen saajkoʼob.+
Yoʼolal le baʼax ku tsikbaltaʼal tin woʼolaloʼ yaan u yuʼubikoʼob in tʼaan.
46 Le j-táanxel luʼumiloʼoboʼ yaan u sen sajaktaloʼob,*táan u kikilankiloʼob le kéen lukʼkoʼob teʼ tuʼux jach seguro u yuʼubikubaʼoboʼ.
47 ¡Jéeobaeʼ juntúul Dios kuxaʼan! ¡Alabartaʼak, tumen letiʼeʼ bey junpʼéel nuxiʼ tuunich tuʼux kin taʼakikinbaeʼ!+
¡Alabartaʼak le Dios salvarkenoʼ,+ letiʼeʼ bey junpʼéel nuxiʼ tuunich tuʼux kin taʼakikinbaeʼ!
48 Le u jaajil Diosoʼ ku sutik u jeel baʼax ku beetaʼalten,+ku tsʼáaik le kaajoʼob yáanal in autoridadoʼ.+
49 Letiʼeʼ ku tokiken tiʼ in enemigoʼob.
In Dios, ka chʼúuyiken+ utiaʼal maʼ u beetaʼalten loob tumen le máaxoʼob atacarkenoʼ.
Ka salvarken tiʼ le máax ku beetik looboʼ.+
50 Jéeoba Dios, yaan in tsʼáaiktech gracias tu táan le kaajoʼoboʼ,+yaan in kʼaay* utiaʼal in alabartik a kʼaabaʼ:+
51 Dioseʼ táan u beetik nukuch baʼaloʼob utiaʼal u salvartik le rey u tsʼaamoʼ,+mantatsʼ ku yeʼesik jach u yaabiltmaj le máax u yéeymoʼ,u yaabiltmaj David bey xan u chʼiʼibal».*+
Notas
^ Wa «kaʼanal lugar».
^ Ilawil página 2572.
^ Wa «u lúubul u muukʼoʼob».
^ Wa «paax».
^ Wa «descendencia».
