Isaías 12:1-6
12 Teʼ kʼiin jeʼeloʼ yaan a waʼalik:
«Jéeoba Dios, kin tsʼáaiktech gracias,tumen kex pʼuʼujech tin wéeteleʼ,techeʼ xuʼul a pʼujaʼanileʼ ka ta líiʼsaj in wóol.+
2 ¡Uʼuyeʼex lelaʼ! Dios salvarken.+
Yaan in kʼubik in wóol tiʼ letiʼ, maʼ ken in chʼaʼ saajkil,+tumen Jéeoba* tsʼáaikten muukʼ, Jéeoba tsʼáaikten páajtalilyéetel letiʼ salvarken».+
3 Teʼexeʼ yéetel kiʼimak óolal ken a jóoʼseʼex jaʼtiʼ le u sayabiloʼob jaʼ ku taasik salvaciónoʼ.+
4 Teʼ kʼiin jeʼeloʼ yaan a waʼalikeʼex:
«Tsʼáaʼex gracias tiʼ Jéeoba, alabarteʼex u kʼaabaʼ,¡tsikbalteʼex tiʼ le kaajoʼob le baʼaxoʼob u beetmoʼ!+
Aʼaleʼex minaʼan uláakʼ kʼaabaʼ jeʼex u kʼaabaʼoʼ.+
5 Kʼayeʼex alabanzaʼob* tiʼ Jéeoba,+ tumen tsʼoʼok u beetik kiʼichkelem baʼaloʼob,+lelaʼ unaj u tsʼaʼabal ojéeltbil tiʼ tuláakal yóokʼol kaab.
6 U kajnáalileʼex Sión, awatnakeʼex yéetel kiʼimak óolal,tumen minaʼan uláakʼ máax jeʼex le Máax Santo yaan Israeloʼ».
Notas
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
^ Wa «Paaxneneʼex».
