Isaías 17:1-14
17 Lelaʼ letiʼe baʼax ku yaʼalaʼal tu contra Damascoaʼ:+
«¡Uʼuyeʼex lelaʼ! Damascoeʼ yaan u xuʼulul u beetik u kaajil,yaan u pʼáatal chéen jutul pakʼoʼob.+
2 Yaan u pʼáatal mix máak kajaʼan teʼ kaajoʼob yaan Aroeroʼ.+
Le oʼolal tiʼ ken u jeʼelsuba le baʼalcheʼoboʼ,mix máak kun jaʼasik u yóoloʼobiʼ.
3 Tu luʼumil Efraíneʼ+ yaan u pʼáatal minaʼan kaajoʼob kaʼanal u pakʼiloʼob,tu luʼumil Damascoeʼ+ yaan u pʼáatal minaʼan gobiernoiʼ.
Jeʼex saʼatik le páajtalil yaan kaʼach tiʼ le israelitaʼoboʼ*bey kun saʼatal le páajtalil yaan tiʼ le máaxoʼob kun pʼáatloʼob Siriaoʼ», leloʼ bey u yaʼalik Jéeoba, le máax gobernartik le ángeloʼoboʼ.
4 «Teʼ kʼiin jeʼeloʼ yaan u pʼáatal maʼ jach yaan páajtalil tiʼ Jacobiʼ,kex muʼukʼaʼaneʼ yaan u tsʼoʼoyol.
5 Jacobeʼ yaan u pʼáatal bey jeʼex u Táax Luʼumil Refaím+le kéen tsʼoʼokok u yúuchul cosecharoʼ,chéen junpʼíit baʼal kun pʼáatal utiaʼal meentsʼultbiliʼ.*
6 Chéen u meentsʼulil kun pʼáatal,bey jeʼex kéen pʼuʼupʼuchaʼak junkúul olivoeʼ:
chéen kaʼapʼéel wa óoxpʼéel u yich kun pʼáatal tu maas kaʼanlil,chéen cuatro wa cinco u pʼéelal u yich kun pʼáatal tu kʼaboʼob»,+ leloʼ bey u yaʼalik Jéeoba u Dios u kaajil Israeloʼ.
7 Teʼ kʼiin jeʼeloʼ wíinikeʼ yaan túun u paktik le Máax Beetmiloʼ, yaan u jach paktik le Máax Santo yaan Israeloʼ.
8 Letiʼeʼ maʼ ken u pakt le altaroʼob u beetmoʼ,+ mix ken u jach pakt le baʼaloʼob u beetmaj yéetel u kʼaboʼoboʼ,+ maʼ ken u pakt le cheʼob ku adorartik* kaʼachoʼ mix le tuʼuxoʼob kaʼach ku tsʼáaik inciensooʼ.
9 Teʼ kʼiin jeʼeloʼ le kaajoʼob kaʼanal u pakʼiloʼoboʼ yaan u pʼáatloʼob bey jeʼex le x-lalaʼ najoʼob yanoʼob teʼ kʼáaxoʼ,+bey junpʼéel u gajoil cheʼ xúumpʼattaʼan tu táan le israelitaʼoboʼ.
Yaan u pʼáatloʼob bey junpʼéel desiertoeʼ.
10 Tumen techeʼ tsʼoʼok a tuʼubsik le Dios+ salvarkechoʼ.
Maʼ kʼaʼajaktech le Máax bey junpʼéel nuxiʼ tuunich+ tuʼux ka taʼakikabaoʼ.
Le oʼolal ta beetaj jatsʼuts jardínoʼob,yéetel ta pakʼaj mejen mataʼob ku taaloʼob yaanal luʼumiloʼob.*
11 De kʼiineʼ ka supʼik* le tuʼux paakʼalnajechoʼ,yéetel desde tempranoeʼ ku káajal u jóokʼol le baʼax a pakʼmoʼ,kex beyoʼ maʼ kun antal baʼal a cosechart tu kʼiinil kʼojaʼanech yéetel táan a muʼyaj.+
12 ¡Uʼuyeʼex bix u juum le yaʼabkach kaajoʼoboʼ,kʼaʼam u juumoʼob jeʼex u juum le kʼáaʼnáaboʼ!
¡Táan u woʼoltikuba le kaajoʼoboʼ,jeʼex u woʼoltikuba yaʼabkach jaʼeʼ!
13 Le kaajoʼoboʼ yaan u juumoʼob jeʼex u juum yaʼabkach jaʼeʼ.
Chéen baʼaleʼ le kéen kʼeʼeykoʼob tumen Dioseʼ bin ken u beetoʼob.
Yaan u pʼáatloʼob jeʼex le sojol yaan teʼ montañaʼob ku bisaʼal tumen iikʼoʼ,beyoʼob jeʼex le tikin kʼiʼix ku bisaʼal tumen kʼaʼamkach iikʼoʼ.
14 Le kéen tardechajkeʼ yaan u taal loob tu yóokʼoloʼob,antes u sáastaleʼ yaan u xuʼulultiʼob.
Leloʼ letiʼe baʼax ku páaʼtik le máaxoʼob ku chʼaʼikoʼob le baʼaxoʼob yaantoʼonoʼbey xan le máaxoʼob ku tokikoʼob le baʼax k-tiaʼaloʼ.
Notas
^ Ich hebreoeʼ ku yaʼalaʼal kaʼach «u paalal Israeloʼ».
^ U kaxtaʼal u yalab le baʼax tsʼoʼok u cosechartaʼaloʼ.
^ Ilawil «Cheʼ ku adorartaʼal», página 2560.
^ Wa «u kʼuʼukʼ juntúul dios táanxel luʼumil».
^ U tsʼaʼabal cheʼob wa kʼiʼixoʼob utiaʼal u kʼaʼalal u paach.
