Isaías 25:1-12
25 Yuum Jéeoba, teech in Dios.
Kin nojbaʼalkúuntikech, kin alabartik a kʼaabaʼ,tumen tsʼoʼok a beetik nukuch baʼaloʼob,+baʼaloʼob a chʼaʼtukultmaj desde úuchjeakil,+techeʼ ka béeykuntik tuláakal baʼax ka waʼalik, ku páajtal u kʼubik u yóol máak tiʼ teech.+
2 Tsʼoʼok a beetik u pʼáatal chéen u nikiʼ escombro junpʼéel nuxiʼ kaaj,tsʼoʼok a beetik u pʼáatal chéen x-lalaʼ pakʼoʼob le kaaj kaʼanal u pakʼiloʼoboʼ.
U kaajal le j-táanxel luʼumiloʼ tsʼoʼok u pʼáatal maʼ junpʼéel kaajiʼ,mix bikʼin kun kaʼa líiʼsbil.
3 Le oʼolal yaan a alabartaʼal tumen junpʼéel kaaj yaan páajtalil tiʼ,yaan u chʼaʼabaltech saajkil tumen le kaajoʼob yaan teʼ luʼumoʼob tuʼux yaan kʼasaʼan máakoʼoboʼ.+
4 Tumen tsʼoʼok a kʼuchul a beetaba junpʼéel lugar utiaʼal u taʼakikuba le máax óotsiloʼ,junpʼéel lugar tuʼux ku taʼakikuba le óotsil tu kʼiinil táan u muʼyajoʼ,+junpʼéel lugar utiaʼal u taʼakikuba máak tiʼ le kʼaʼamkach jaʼoʼ,junpʼéel boʼoy tu kʼiinil ooxol.+
Le kéen pʼuʼujuk le kʼasaʼan máakoʼoboʼ beyoʼob junpʼéel kʼaʼamkach jaʼ ku jatsʼkuba tiʼ junpʼéel pakʼeʼ,
5 beyoʼob le ooxol ku yantal tuʼux jach tikinoʼ,techeʼ yaan a xuʼulsik tiʼ le j-táanxel luʼumiloʼob pʼujaʼanoʼoboʼ.
Jeʼex u boʼoy junpʼéel múuyal ku xuʼulsik le ooxoloʼbey a xuʼulsik u kʼaay le kʼasaʼan máakoʼoboʼ.
6 Teʼ montañaaʼ,+ Jéeoba, le máax gobernartik le ángeloʼoboʼ,yaan u beetik junpʼéel nojoch janal utiaʼal tuláakal le kaajoʼoboʼ,+junpʼéel nojoch janal tuʼux yaan jach maʼalob vino,tuʼux yaan kiʼikiʼ janal beetaʼan yéetel u maas maʼalobil bakʼ,*tuʼux yaan u maas maʼalobil vino, vino colartaʼan tubeel.
7 Teʼ montañaaʼ letiʼeʼ yaan u xuʼulsik tiʼ le nookʼ bakʼmil tuláakal le kaajoʼoboʼbey xan tiʼ le nookʼ jitʼaʼan tu yóokʼol tuláakal le kaajoʼoboʼ.
8 Letiʼeʼ yaan u xuʼulsik* le kíimil utiaʼal mantatsʼoʼ,+Kiʼichkelem Yuum Jéeobaeʼ yaan u choʼik u jaʼil u yich tuláakal máak.+
Letiʼeʼ yaan u beetik u xuʼulul u mixbaʼalkúuntaʼal u kaajal tiʼ tuláakal yóokʼol kaab,leloʼ bey kun úuchloʼ tumen Jéeoba aʼalmil.
9 Teʼ kʼiin jeʼeloʼ letiʼobeʼ yaan u yaʼalikoʼob:
«¡Ilawileʼex! ¡Letiʼeʼ k-Dios!+
Tiʼ letiʼ k-kʼubmaj k-óol,+letiʼ kun salvarkoʼon.+
¡Letiʼeʼ Jéeoba!
Tiʼ letiʼ k-kʼubmaj k-óol.
Kiʼimakchajak k-óol, kiʼimakchajak k-óol tumen letiʼ salvarkoʼon».+
10 Jéeobaeʼ u tsʼaamaj u kʼab yóokʼol le montaña utiaʼal u kanáantikoʼ.+
Moabeʼ yaan u xanaʼchaʼataʼal teʼ tuʼux yanoʼ+jeʼex u xanaʼchaʼataʼal suʼuk ichil u taʼ baʼalcheʼeʼ.
11 Letiʼeʼ yaan u péepeksik u kʼab utiaʼal u woʼoltik Moabjeʼex u woʼoltaʼal le jaʼ tumen juntúul máak táan u báaboʼ.*
Letiʼeʼ yaan u pʼuʼupʼuchik yéetel u kʼaboʼobutiaʼal u xuʼulul u taaskuba nojbaʼalil.+
12 Letiʼeʼ yaan u xuʼulsiktiʼ le kaaj kaʼanaltak u pakʼiloʼob yéetel maʼalob kanáantaʼaniloʼ.
Letiʼeʼ yaan u xiixkúuntik, yaan u beetik u pʼáatal jaytal teʼ luʼumoʼ.
