Isaías 53:1-12
53 ¿Máax tsʼoʼok u tsʼáaik u fe tiʼ le baʼax tu yuʼubaj k-aʼalikoʼ?*+
¿Tiʼ máax tsʼoʼok u yeʼesaʼal+ u poder*+ Jéeoba?
2 Tu táan le máakoʼoboʼ letiʼeʼ chéen bey junpʼéel chan kʼuʼukʼ+ ku tíipʼileʼ yéetel bey junpʼéel moots tiaʼan ichil tikin luʼumeʼ.
Maʼ chíikaʼan tiʼ juntúul tsʼuuliʼ mix chíikaʼan tiʼ juntúul máak ayikʼaliʼ.+
Le kéen k-ileʼ maʼ kun taaktal k-náatsʼal tu yiknal.
3 Letiʼeʼ taasaʼab mix baʼalil yéetel mix máak náatsʼ tu yiknal.+
Letiʼeʼ tu naʼataj bix u muʼyaj máak bey xan bix u yuʼubikuba máak kéen kʼojaʼanchajak.
Bey pixaʼan u yich utiaʼal maʼ k-ilkeʼ,*taasaʼab mix baʼalil yéetel pʼáat bey mix baʼal k-ilkeʼ.+
4 Jach u jaajileʼ letiʼeʼ tu bisaj k-kʼojaʼaniloʼob,+yéetel tu kuchaj le baʼaxoʼob k-muʼyajtikoʼ.+
Chéen baʼaleʼ toʼoneʼ t-tuklaj táan u castigartaʼal,* táan u beetaʼal loob tiʼ yéetel táan u beetaʼal u muʼyaj tumen Dios.
5 Letiʼeʼ táatsʼmáansaʼab+ tu yoʼolal k-kʼebanoʼob.+
Sen beetaʼab u muʼyaj tu yoʼolal le baʼaxoʼob maʼ maʼalob k-beetmoʼ.+
Tu chaʼaj u castigartaʼal utiaʼal u yantaltoʼon jeetsʼelil.+
Tu yoʼolal le loob beetaʼabtiʼoʼ béeychaj k-tsʼaʼakal.+
6 Tuláakloʼoneʼ pʼáatoʼon bey tamanoʼob kʼiʼitpajaʼanoʼobeʼ,+cada juntúuleʼ tu chʼaʼaj u beel.
Tuláakal le baʼaxoʼob maʼ maʼalob k-beetmoʼ tsʼaʼab tu yóokʼol tumen Jéeoba.+
7 Beetaʼab u muʼyaj,+ kex beyoʼ maʼ tu yaʼalaj mix baʼaliʼ.+
Letiʼeʼ tu chaʼaj u sen maltratartaʼal.
Bisaʼab jeʼex u bisaʼal juntúul taman utiaʼal kíimsbileʼ.+
Jeʼex juntúul taman maʼ tu yawat tu táan le máaxoʼob kʼosik u tsoʼotseloʼ,letiʼeʼ junpuliʼ maʼ tʼaanajiʼ.+
8 Tu yoʼolal junpʼéel injusticiaeʼ luʼsaʼab u kuxtal.
¿Yaan wa máax ken u jach tsʼáa u yóol u yil máaxoʼob u yúuchben láakʼtsiloʼob?*
Xoʼotʼ u kuxtal ichil u kajnáaliloʼob yóokʼol kaab.+
Letiʼeʼ loobiltaʼab* tu yoʼolal le baʼax maʼ maʼalob ku beetik in kaajaloʼ.+
9 Kex mix baʼal kʼaas* u beetmajyéetel kex mix junpʼéel tuus jóokʼ tu chiʼeʼ,+tiʼ letiʼeʼ tsʼaʼab junpʼéel lugar utiaʼal u muʼukul* ichil kʼasaʼan máakoʼob,+yéetel le ka kíimeʼ muʼuk ichil ayikʼal máakoʼob.+
10 Jéeobaeʼ tu chaʼaj u muʼyaj,* yéetel tu chaʼaj u kʼojaʼantal.
In Dios, wa ka kʼubik u kuxtal bey junpʼéel ofrenda yoʼolal le culpaoʼ,*+letiʼ túuneʼ yaan u yilik u paalal, letiʼeʼ yaan u chowaktal u kuxtal.+
Tu yoʼolal letiʼeʼ yaan u béeytal le baʼax u kʼáat Jéeobaoʼ.+
11 Le kéen tsʼoʼokok u muʼyajeʼ letiʼeʼ yaan u kiʼimaktal u yóol kéen u yil u yutsil le baʼax tu beetoʼ.
Le máax meyajtikenoʼ toj u kuxtal,+tu yoʼolal baʼax u yojleʼ yaan u beetik u pʼáatal toj u kuxtal yaʼab máakoʼob,+letiʼeʼ yaan u kuchik le baʼax maʼ maʼalob u beetmoʼoboʼ.+
12 Le oʼolaleʼ yaan in tsʼáaik u parte ichil le yaʼabkach máakoʼoboʼ.
Letiʼ túuneʼ yaan u tʼoxik yéetel le muʼukʼaʼan máakoʼob le baʼaxoʼob tu chʼaʼajoʼob tiʼ le enemigoʼoboʼ,tumen tu kʼubaj u kuxtal utiaʼal kíimil+yéetel xoʼok ichil le kʼasaʼan máakoʼoboʼ.+
Letiʼeʼ tu bisaj u kʼeban yaʼabkach máakoʼob+yéetel tu yáantaj le kʼasaʼan máakoʼoboʼ.+
Notas
^ Ich hebreoeʼ ku yaʼalaʼal kaʼach «u kʼab».
^ Uláakʼ bix u traducirtaʼaleʼ «tsʼoʼok k-uʼuyikoʼ?».
^ Uláakʼ bix u traducirtaʼaleʼ «Letiʼeʼ bey juntúul máak maʼatech u taaktal u paktaʼaleʼ, le oʼolal ku sutik u yich le máakoʼob yaanal tuʼuxoʼ».
^ Wa «beetaʼan u tsaʼayal kʼojaʼanil tiʼ».
^ Wa «u yil bix u kuxtal?».
^ Wa «loobiltaʼab utiaʼal u kíimil».
^ Wa «mix junpʼéel loob».
^ Wa «yaan máax ken u tsʼáa junpʼéel lugar utiaʼal u muʼukul».
^ Ilawil «Ofrenda yoʼolal le culpaoʼ», página 2574.
^ Wa «utschaj tu tʼaan u beetik u muʼyaj».
