Isaías 54:1-17
54 Jéeobaeʼ ku yaʼalik: «¡Koʼolel maʼ tu páajtal u yantal a paalal,+ awatnakech yéetel kiʼimak óolal!+
Kex mix juntéen ta muʼyajtaj u kʼiʼinamil u síijsaʼal paaleʼ,+ kiʼimakchajak a wóol yéetel awatnakech yéetel kiʼimak óolal,tumen le koʼolel pʼataʼanoʼ maas yaʼab u paalalke le koʼolel yaan u yíichamoʼ.*+
2 Nojochkíint le naj de nookʼ tuʼux kajaʼanechoʼ.+
Tʼin u nookʼiloʼob le kiʼichkelem naj tuʼux yanechoʼ.
Sin tak le tuʼux ku páajtaleʼ, chowakkíint u suumiloʼob,yéetel pakʼ maʼalob u estacailoʼob.+
3 Tumen le tuʼux kajaʼanechoʼ yaan u bin u nojochtal ta x-noʼoj yéetel ta x-tsʼíik,a paalaleʼ yaan u chʼaʼikoʼob luʼumoʼob,yéetel yaan u kajtaloʼob teʼ kaajoʼob xúumpʼattaʼanoʼoboʼ.+
4 Maʼ a sajaktal,+ tumen maʼ kun pajbil a suʼtal.+
Maʼ a suʼlaktal, tumen maʼ kan pʼatbil kʼaasil.
Techeʼ yaan a tuʼubsik le suʼtsilil ta máansaj ta x-lóoʼbayaniloʼ,yéetel junpuliʼ maʼ ken a kʼaʼajs bix úuchik a suʼlaktal le ka pʼáat minaʼan a wíichamoʼ».
5 «Tumen le Nojoch Dios Beetmilechoʼ+ bey a wíichameʼ,*+u kʼaabaʼeʼ Jéeoba, le máax gobernartik le ángeloʼoboʼ.
Le Máax Santo yaan Israeloʼ letiʼ kaʼa manikech.+
Yaan u yaʼalaʼal letiʼ u Diosil tuláakal le luʼumaʼ.+
6 Tumen le ka tu tʼanech Jéeobaeʼ beyech juntúul atantsil xúumpʼattaʼan yéetel jach yaachajaʼan u yóoleʼ,+beyech juntúul koʼolel tsʼoʼok u beel tu x-lóoʼbayanileʼ, chéen baʼaleʼ xúumpʼattaʼab tumen u yíicham», leloʼ letiʼe baʼax ku yaʼalik a Diosoʼ.
7 «Teneʼ chéen junsúutuk tin xúumpʼattech,chéen baʼaleʼ tu yoʼolal in nojoch chʼaʼ óotsilileʼ yaan in kaʼa beetik a suut.+
8 Le ka sen pʼuʼujeneʼ tin taʼakaj in wich tiʼ teech junsúutuk,+chéen baʼaleʼ tumen minaʼan xuʼulul tiʼ in nojoch yaabilajeʼ yaan in chʼaʼiktech óotsilil»,+ leloʼ letiʼe baʼax ku yaʼalik Jéeoba, le Máax kaʼa manikechoʼ.+
9 «In tiaʼal teneʼ lelaʼ bey jeʼex u kʼiiniloʼob Noéeʼ.+
Jeʼex tin jurartil tu kʼiiniloʼob Noé maʼ kun kaʼa búulul le luʼum yéetel jaʼoʼ+bey xan in jurartik maʼ kin kaʼa pʼuʼujul ta contra mix ken in kaʼa castigartech.+
10 Le montañaʼoboʼ jeʼel u páajtal u luʼsaʼaloʼob tuʼux yanoʼobeʼyéetel le puʼukoʼoboʼ jeʼel u páajtal u péepeksaʼaloʼobeʼ,chéen baʼaleʼ in nojoch yaabilajeʼ maʼ kun luʼsbiltech,+mix kun péepeksbil le in pacto ku taasik jeetsʼeliloʼ»,+ leloʼ letiʼe baʼax ku yaʼalik Jéeoba, le máax chʼaʼiktech óotsililoʼ.+
11 «Koʼolel, techeʼ táan u beetaʼal a muʼyaj,+ táan a woʼoltaʼal tumen kʼaʼamkach iikʼ yéetel minaʼan mix máak líiʼsik a wóol.+
Teneʼ nikaʼaj in beetech yéetel tuunich bey xan yéetel maʼalob cemento,a chuunpakʼileʼ yaan in beetik yéetel u tuunichil zafiro.+
12 A baʼpakʼiloʼobeʼ yaan in beetik yéetel u jatsʼuts tuunichil rubí,a joonajiloʼobeʼ yaan in beetik yéetel tuunichoʼob ku léetsʼbaloʼob,yéetel utiaʼal in beetik u mensurail a luʼumileʼ yaan u meyajten jatsʼuts tuunichoʼobiʼ.
13 Tuláakal a paalaleʼ yaan u kaʼansaʼaloʼob tumen Jéeoba.+
A paalaleʼ jach yaan u yantal jeetsʼelil tiʼob.+
14 Yaan a pʼáatal firmeil tu yoʼolal le justiciaoʼ,+náach kan antal tiʼ le máaxoʼob pechʼ óoltik máakoʼ.+
Maʼ kan sajaktal tiʼ mix baʼal yéetel mix baʼal xan kun beetik a kikilankiltumen mix baʼal kun náatsʼal ta wiknal.+
15 Wa yaan máax ku líikʼil ta contraeʼ,maʼ teen aʼalmiltiʼ ka u beetiʼ.
Jeʼel máaxak ku baʼateʼel ta contraeʼ yaan u bin kʼaasil tiʼ».+
16 «¡Ilawile! Teen beetmil le máax meyajtik metaloʼ,le máax ustik le chúuk utiaʼal u tʼabikoʼ,le kéen tsʼoʼokkeʼ ku beetik junpʼéel u nuʼukulil baʼateʼel.
Teen xan beetmil le máax ku beetik looboʼ, le máax ku taasik xuʼulsajoʼ.+
17 Jeʼel baʼaxak nuʼukulil baʼateʼel ka beetaʼak ta contraeʼ maʼ kun páajtal ta wéetel,+yéetel jeʼel máaxak ka líikʼik u tak a pooleʼ yaan a weʼesik chéen táan u tuus.
Lelaʼ letiʼe utsil* ku kʼamik le máaxoʼob meyajtik Jéeobaoʼ,le justicia ku kʼamkoʼoboʼ tiʼ teen u taal», leloʼ letiʼe baʼax ku yaʼalik Jéeobaoʼ.+
