Jeremías 14:1-22
14 Jéeobaeʼ tu tʼanaj Jeremíaseʼ ka tu yaʼalaj jujunpʼéel baʼaloʼob tu yoʼolal le jaʼ maʼ tu kʼáaxloʼ:+
2 Judáeʼ yaachajaʼan u yóol,+ tsʼoʼok u kʼastal u joonajiloʼob.
Le jeʼeloʼobaʼ ku tsʼúumloʼob luʼum tumen yaachajaʼan u yóoloʼob,yéetel ku yuʼubaʼal u yawat u kaajil Jerusalén.
3 Le tsʼuuloʼoboʼ ku túuxtikoʼob u j-meyajoʼob u chʼaʼob jaʼ.
Letiʼobeʼ ku binoʼob yiknal le chʼeʼenoʼoboʼ, pero ku yilkoʼob minaʼan u jaʼil.
Le kéen suunakoʼobeʼ mix baʼal yaan teʼ nuʼukuloʼob u bismoʼoboʼ.
Le oʼolal suʼlakoʼob yéetel lubaʼan u yóoloʼob,hasta u pixmaj u pooloʼob.
4 Xiʼixikpajaʼan le luʼumoʼ,maʼatech u kʼáaxal jaʼ tu yóokʼol,+le j-kolnáaloʼoboʼ jach yaachajaʼan u yóoloʼob, hasta ku pixik u pooloʼob.
5 Tumen minaʼan xíiw utiaʼal u jaanteʼ,le kéej yaan teʼ kʼáaxoʼ ku xúumpʼattik u mejnil kex táant u síijileʼ.
6 Le burroʼoboʼ* ku waʼataloʼob teʼ kaʼanal lugaroʼob tuʼux mix baʼal yanoʼ.
Ku jejesankiloʼob jeʼex u jejesankil le chacaloʼoboʼ.*
Tumen minaʼan xíiw u jaantoʼobeʼ ku pʼáatal butsʼuknak u paakatoʼob.+
7 Kex ku taʼakal k-pool tumen le baʼaxoʼob k-beetmoʼ,áantoʼoniʼ Jéeoba Dios, beet tu yoʼolal a kʼaabaʼ.+
Tumen yaʼab u téenel tsʼoʼok k-traicionarkech+yéetel tsʼoʼok k-kʼebantal ta táan.
8 Teech u esperanza Israel, teech salvartik+ tu kʼiinil táan u muʼyaj.
¿Baʼaxten beyech juntúul j-táanxel luʼumileʼ?
¿Baʼaxten beyech juntúul máak ku jeʼelel chéen utiaʼal u máansik áakʼabeʼ?
9 ¿Baʼaxten beyech juntúul máak jakʼaʼan u yóoleʼ?
¿Baʼaxten beyech juntúul máak jach yaan u muukʼ, pero maʼ tu páajtal u salvartik u kaajaleʼ?
Jéeoba Dios, techeʼ tiaʼanech ichiloʼoneʼ,+toʼoneʼ tsʼoʼok k-kʼaj óoltaʼal yéetel a kʼaabaʼ,+maʼ a xúumpʼatkoʼon.
10 Lelaʼ letiʼe baʼax ku yaʼalik Jéeoba yoʼolal le kaajaʼ: «Letiʼobeʼ uts tu tʼaan u máanoʼob chéen beyoʼ,+ chéen tu máan u xíimbaloʼob.+ Le oʼolal, teen Jéeobaeʼ, maʼ kiʼimak in wóol tu yéeteloʼobiʼ.+ Teneʼ yaan in kʼaʼajsik le baʼax maʼ maʼalob u beetmoʼoboʼ yéetel yaan in kʼáatiktiʼob cuenta tu yoʼolal u kʼebanoʼob».+
11 Jéeoba túuneʼ tu yaʼalajten: «Maʼ a orar utiaʼal a kʼáatik uts tu yóokʼol le kaajaʼ.+
12 Le kéen ayunarnakoʼobeʼ* teneʼ maʼatech in wuʼuyik baʼax ku kʼáat óoltikoʼob.+ Le kéen u kʼuboʼob tóokbil ofrendaʼob yéetel u ofrendailoʼob janaleʼ* teneʼ maʼatech u kiʼimaktal in wóol.+ Teneʼ yaan in xuʼulsiktiʼob yéetel espada, yéetel wiʼijil bey xan yéetel kʼaakʼas kʼojaʼaniloʼob».*+
13 Teen túuneʼ tin waʼalaj: «¡Ay, Kiʼichkelem Yuum Jéeoba!* Le profetaʼoboʼ táan u yaʼalikoʼob: ‹Maʼ kun taal espada mix wiʼijil ta wóokʼoleʼex, baʼaxeʼ yaan u beetaʼal u jach antalteʼex jeetsʼelil tumen Dios way tuʼux yaneʼexeʼ›».+
14 Jéeoba túuneʼ tu yaʼalajten: «Maʼ jaaj le baʼax ku yaʼalik le profetaʼob tin kʼaabaʼoʼ.+ Maʼ teen túuxtoʼobiʼ, maʼ teen tusbeltoʼobiʼ, mix tʼaanaken tu yéeteloʼobiʼ.+ Maʼ jaaj baʼax ku wayakʼtikoʼobiʼ,* mix baʼal u biilal le chuchuknaʼat ku beetkoʼoboʼ, letiʼobeʼ chéen ku yaʼalikoʼobteʼex le tuusoʼob yaan tu puksiʼikʼaloʼoboʼ.+
15 Le oʼolaleʼ, teen Jéeobaeʼ, kin waʼalik tiʼ le profetaʼob ku tʼaanoʼob tin kʼaabaʼ kex maʼ teen túuxtoʼoboʼ, le ku yaʼalikoʼob maʼ kun taal espada mix wiʼijil tu yóokʼol le luʼumaʼ: ‹Espada yéetel wiʼijil kun xuʼulsik tiʼ le profetaʼobaʼ.+
16 Espada yéetel wiʼijil xan kun kíimsik le máaxoʼob ku yuʼubikoʼob baʼax ku yaʼalik le profetaʼoboʼ. Le kéen tsʼoʼokkeʼ yaan u jóoʼsaʼal pulbil u wíinkliloʼob teʼ bejoʼob yaan Jerusalénoʼ, maʼ kun antal mix máak mukikoʼob,+ mix u yatanoʼob, mix u hijoʼob yéetel mix u hijaʼob. Teneʼ yaan in láalik tu yóokʼoloʼob le nojoch loob tsʼoʼok u náajaltikoʼoboʼ›.+
17 Techeʼ unaj a waʼaliktiʼob lelaʼ:
‹Kexiʼ maʼ u xuʼulul u chooj u jaʼil in wichoʼob bul kʼiin yéetel bul áakʼabeʼ,+tumen in kaajaleʼ* jach tsʼoʼok u beetaʼal u yaatal u yóol bey xan u muʼyaj,+tsʼoʼok u beetaʼal junpʼéel nojoch loob tiʼ.
18 Wa kin jóokʼol paach kaajeʼ,¡kin wilik máakoʼob kíimsaʼanoʼob yéetel espada!+
Wa kin wokol ichil le kaajoʼ,¡kin wilik le kʼojaʼaniloʼob ku yantal yoʼolal le wiʼijiloʼ!+
Le profetaʼob yéetel le sacerdoteʼoboʼ chéen táan u máanoʼob minaʼan u cuentail tiʼ junpʼéel luʼum maʼ u kʼaj óoloʼobiʼ›».+
19 ¿Tsʼoʼok wa a xúumpʼattik Judá? ¿Tsʼoʼok wa a pʼektik Sión?+
¿Baʼaxten tsʼoʼok a loobiltikoʼon yéetel junpʼéel baʼal maʼ tu páajtal u tsʼaʼakal?+
Táan kaʼach u páaʼtaʼal u yantal jeetsʼelil, pero maʼ yanchaj mix baʼal maʼalobiʼ.
Táan kaʼach u páaʼtaʼal u yantal toj óolal, pero chéen saajkilil yanchaji.+
20 Jéeoba Dios, toʼoneʼ k-kʼamik tsʼoʼok k-beetik baʼaloʼob kʼaastak,yéetel k-úuchben k-láakʼtsiloʼobeʼ tu beetoʼob xan baʼax maʼ maʼalobiʼ,tuláakloʼon tsʼoʼok k-kʼebantal ta táan.+
21 Maʼ a xúumpʼatkoʼon, beet tu yoʼolal a kʼaabaʼ.+
Maʼ a pʼektik a kiʼichkelem trono.
Kʼaʼajaktech le pacto a beetmaj t-éeteloʼ yéetel maʼ a jubik.+
22 Le imagenoʼob mix baʼal u biilaloʼob yaan teʼ kaajoʼoboʼ,¿jeʼel wa u páajtal u beetkoʼob u kʼáaxal jaʼeʼ?
Le kaʼanoʼ, ¿jeʼel wa u páajtal u beetik u kʼáaxal jaʼ tu juunaleʼ?
Jéeoba Dios, ¿maʼ wa chéen teech jeʼel u páajtal a beetkeʼ?+
Tiʼ teech k-kʼubik k-óol, tumen chéen teech jeʼel u páajtal a beetik tuláakal le baʼaloʼobaʼ.
Notas
^ Wa «burro salvaje». Lelaʼ junpʼéel clase burro maʼ suukbesaʼaniʼ yéetel chéen tiʼ kʼáax wa tiʼ desierto ku máan.
^ Juntúul baʼalcheʼ chíikaʼan tiʼ chʼomak.
^ Ilawil «Kʼaakʼas kʼojaʼanil», página 2568.
^ Ilawil «Ofrendail janal», página 2574.
^ Ilawil página 2557.
^ Wa «Jéeoba, le máax yaan tuláakal autoridad tiʼoʼ!».
^ Tuláakʼ tuʼuxeʼ ku yaʼalaʼal «náay».
^ Ich hebreoeʼ ku yaʼalaʼal kaʼach «le x-chʼúupal u hija in kaajaloʼ».
