Jeremías 45:1-5
-
Le baʼax tu yaʼalaj Jéeoba tiʼ Barukoʼ (1-5)
45 Tu cuatro años káajak u reinar Jeoyakim+ u paal Josías, u reyil Judáeʼ, profeta Jeremíaseʼ+ tu tʼanaj Baruk+ u paal Neríaseʼ ka joʼopʼ u yaʼaliktiʼ baʼax unaj u tsʼíibtik. Baruk túuneʼ tu tsʼíibtaj tiʼ junpʼéel libro le tʼaanoʼobaʼ:
2 «Lelaʼ letiʼe baʼax ku yaʼalik Jéeoba u Dios Israel ta woʼolalaʼ Baruk:
3 ‹Techeʼ ka waʼalik: «¡Óotsilen, tumen kex táan in muʼyajeʼ Jéeobaeʼ ku beetik u maas yaatal in wóol! Teneʼ tsʼoʼok in sen kaʼanal áakam, kin wuʼuyik minaʼan tuʼux in chʼaʼik in wiikʼ»›.
4 Techeʼ unaj a waʼalik tiʼ Baruk: ‹Lelaʼ letiʼe baʼax ku yaʼalik Jéeobaaʼ: «¡Ilawile! Le baʼax tsʼoʼok in beetkoʼ táan in jutik, le baʼax tsʼoʼok in pakʼikoʼ táan in jóokpaytik, teneʼ bey ken in beetil tiʼ tuláakal le luʼumaʼ.+
5 Chéen baʼaleʼ techeʼ táan a kaxtik* nukuch baʼaloʼob, xuʼuluk a kaxtikoʼob»›.
Jéeobaeʼ ku yaʼalik: ‹Teneʼ nikaʼaj in taas junpʼéel nojoch loob tu yóokʼol tuláakal máak,+ chéen baʼaleʼ techeʼ jeʼel tuʼuxak ka xiʼikecheʼ yaan a salvartik a kuxtal›».+
Notas
^ Wa «páaʼtik».
