Jonás 2:1-10
2 Desde ichil u nakʼ le kay+ túunoʼ Jonáseʼ orarnaj tiʼ Jéeoba u Dios,
2 letiʼeʼ tu yaʼalaj:
«Le táan in sen muʼyajoʼ* tin kʼaʼam tʼanaj Jéeoba, yéetel letiʼeʼ tu núukajten.+
Desde tu maas taamil* le Muknaloʼ* awatnajen utiaʼal in kʼáatik áantaj.+
Techeʼ ta wuʼuyaj in tʼaan.
3 Le ka ta pulen chúumuk tiʼ u maas taamil le kʼáaʼnáaboʼ,u muukʼ le jaʼoʼ tu bulen,+tuláakal le olas nuuktak bey xan le mejentakoʼ máanoʼob tin wóokʼol.+
4 Teneʼ tin waʼalaj: ‹¡Tsʼoʼok a tojolchʼintken ta táan!
¿Jeʼel wa u páajtal in kaʼa ilik a santo temploeʼ?›.
5 Le jaʼoboʼ tu bulenoʼob yéetel óolak u xuʼulsoʼob tiʼ in kuxtal,+búulen tak tu maas taamil le jaʼoboʼ.
U xíiwiloʼob le jaʼoʼ tu kʼaʼakʼaxubaʼob tin pool.
6 Le ka búulenoʼ kʼuchen tak tu chuun le montañaʼoboʼ.
U joonajiloʼob le kʼáaʼnáaboʼ kʼáaloʼob tin wóokʼol utiaʼal mantatsʼ.
Chéen baʼaleʼ, Kiʼichkelem Yuum Jéeoba, techeʼ ta beetaj in jóokʼol tiʼ le jooloʼ.+
7 Le táan kaʼach u saʼatal in kuxtaloʼ, chéen teech tin kʼaʼajsech Jéeoba.+
In oración túuneʼ kʼuch ta wiknal teʼ ta santo templooʼ.+
8 Le máaxoʼob adorartik le imagenoʼob mix baʼal u biilaloʼoboʼ tu tuʼubsoʼob le Máax eʼesik nojoch yaabilaj* tiʼoboʼ.
9 Chéen baʼaleʼ teneʼ yaan in tsʼáaiktech gracias, yéetel yaan in kʼubiktech sacrificioʼob.
Yaan in beetik le baʼax tsʼoʼok in prometerkoʼ.+
Chéen Jéeoba jeʼel u páajtal u salvartik máakeʼ».+
10 Le ka tsʼoʼokeʼ le kayoʼ tu xéeaj Jonás teʼ tikin luʼumoʼ, tu beetaj jeʼex úuchik u yaʼalik Jéeobaoʼ.
Notas
^ Wa «in sen sufriroʼ».
^ Ich hebreoeʼ ku yaʼalaʼal kaʼach «tu nakʼ».
^ Ilawil página 2572.
^ Uláakʼ bix u traducirtaʼaleʼ «chúukaʼan óolal».
