Josué 15:1-63
15 Le luʼum tʼoʼox+ tiʼ le familiaʼob yaan ichil u tribu Judáoʼ ku náakal tak tu fronterail Edom,+ tu desiertoil Zin, tak Négueb tu tojil noojol.
2 Tu tojil noojoleʼ ku káajal Mar Salado,*+ desde le orilla yaan noojoloʼ.
3 Tsʼoʼoleʼ ku seguer u bin tak tu noojolil u ebekníixil* Acrabim,+ ku kʼáatmáan Zin, tsʼoʼoleʼ ku seguer u bin tak tu noojol Cadés-barnea,+ Ezrón, Addar, tsʼoʼoleʼ ku tsʼáaik vuelta tu tojil Karká.
4 Tsʼoʼoleʼ ku kʼáatmáan Azmón+ bey xan tu Táax Luʼumil Egipto,+ yéetel ku kʼuchul teʼ Kʼáaʼnáaboʼ.* Tuláakal lelaʼ letiʼe tuʼux ku kʼuchul tu tojil noojoloʼ.
5 Tu tojil lakʼineʼ tiʼ ku náakal teʼ Mar Saladooʼ,* teʼ tuʼux ku xuʼulul le Jordánoʼ. Yéetel tu tojil xamaneʼ ku kʼuchul tu orilla le kʼáaʼnáaboʼ, teʼ tuʼux ku xuʼulul le Jordánoʼ.+
6 Ku naʼakal tak Bet-oglá,+ ku máan tak tu xamanil Bet-arabá,+ tsʼoʼoleʼ ku naʼakal tak tu tuunichil Boán,+ Boáneʼ u hijo Rubén.
7 Ku naʼakal xan Debir, desde tu Táax Luʼumil Acor,+ tsʼoʼoleʼ ku suut xaman utiaʼal u bin Guilgal,+ le yaan aktáan tiʼ u ebekníixil Adumim, le yaan tu noojolil le táax luʼumoʼ, ku máan tak tuʼux yaan u jaʼiloʼob En-semes+ yéetel ku kʼuchul tak En-roguel.+
8 Tsʼoʼoleʼ ku naʼakal tak tu táax luʼumil u paal Hinón,+ le ebekníix yaan tu noojol le jebuseoʼoboʼ,+ uláakʼ bix kʼaj óolaʼanileʼ Jerusalén,+ tsʼoʼoleʼ ku naʼakal tu kaʼanlil le montaña yaan aktáan tiʼ u Táax Luʼumil Hinón yaan tu tojil chikʼinoʼ, le yaan tu xuul u Táax Luʼumil Refaím, le yaan tu tojil xamanoʼ.
9 Ku máan xan yóokʼol le montañaoʼ tak tu sayabil Neftóaj,+ ku kʼáatmáan teʼ kaajoʼob yaan teʼ Montaña Efrónoʼ, ku máan tak Baalá, uláakʼ bix kʼaj óolaʼanileʼ Kiriat-jearim.+
10 Ku tsʼáaik vuelta desde Baalá, tu tojil chikʼin, tak Montaña Seír, ku máan tu ebekníixil le Montaña Jearim, tu tojil xamanoʼ, uláakʼ bix kʼaj óolaʼanileʼ Kesalón. Tsʼoʼoleʼ ku yéemel tak Bet-semes+ yéetel ku kʼáatmáan Timna.+
11 Ku kʼáatmáan tak tu ebekníixil Ecrón,+ tu tojil xaman. Ku bin tak Sikerón, ku kʼáatmáan tak Montaña Baalá, ku bin tak Jabneel, tiʼ ku náakal teʼ kʼáaʼnáaboʼ.
12 Tu tojil chikʼineʼ tiʼ ku náakal teʼ Mar Grandeoʼ,*+ tiʼ ku náakal tu orillaeʼ. Teʼelaʼ tiʼ ku náakal le luʼum tsʼaʼab tiʼ le familiaʼob tuʼux yaan tuláakal u paalal Judáoʼ.
13 Ichil le luʼum tu tʼoxaj tiʼ u paalal Judáoʼ tu tsʼáaj xan u parte Caleb,+ u hijo Jefuné. Jeʼex aʼalaʼanil tiʼ Josué tumen Jéeobaeʼ tu tsʼáajtiʼ Kiriat-arbá (Arbáeʼ u papá Anak), uláakʼ bix kʼaj óolaʼanil le kaajaʼ Hebrón.+
14 Le oʼolal Calebeʼ tu jóoʼsaj tu yóoxtúulal u paalal Anak:+ Sesay, Aimán yéetel Talmay,+ letiʼobeʼ anakimoʼob.
15 Ka tsʼoʼokeʼ naʼak baʼateʼel tu contra u kajnáaliloʼob Debir.+ (Kaʼacheʼ u kʼaabaʼ Debireʼ, Kiriat-séfer).
16 Caleb túuneʼ tu yaʼalaj: «Le máax kun chʼaʼik yéetel kun xuʼulsik tiʼ Kiriat-séfereʼ yaan in tsʼoʼoksik u beel yéetel Aksá, in hija».
17 Le kaajoʼ chʼaʼab tumen Otniel,+ u hijo Kenaz,+ Kenazeʼ u yíitsʼin Caleb. Le oʼolal tu tsʼoʼoksaj u beel yéetel Aksá,+ u hija.
18 Le táan u bin Aksá tu yotochoʼ, tu sen aʼalaj tiʼ u yíicham ka u kʼáat junxóotʼ luʼum tiʼ u papá. Ka éem Aksá tiʼ u yalakʼ burroeʼ* kʼáataʼabtiʼ tumen Caleb: «¿Baʼax a kʼáat?».+
19 Letiʼeʼ tu yaʼalaj: «Utiaʼal a weʼesik a kʼáat ka xiʼikten utsileʼ, beet uts a tsʼáaikten Gulot-maim.* Tumen chéen junxóotʼ luʼum a tsʼaamajten teʼ noojoloʼ».* Le oʼolal letiʼeʼ tu tsʼáajtiʼ Gulot Alto yéetel Gulot Bajo.
20 Lelaʼ letiʼe herencia tsʼaʼab tiʼ le familiaʼob yaan ichil u tribu Judáoʼ.
21 Le kaajoʼob yaan ichil le luʼum tsʼaʼab tiʼ u tribu Judá tu tojil noojol yéetel ku náakal tak tu xuul Edomeʼ+ letiʼ le jeʼeloʼobaʼ: Kabzeel, Éder, Jagur,
22 Kiná, Dimoná, Adadá,
23 Kedes, Azoor, Itnán,
24 Zif, Telem, Bealot,
25 Azoor-adatá, Keriyot-ezrón, uláakʼ bix kʼaj óolaʼanileʼ Azoor,
26 Amam, Sema, Moladá,+
27 Azar-gadá, Esmón, Bet-pélet,+
28 Azar-sual, Beer-seba,+ Biziotías,
29 Baalá, Iyim, Ézem,
30 Eltolad, Kesil, Ormá,+
31 Ziklag,+ Madmaná, Sansaná,
32 Lebaot, Silim, Ain yéetel Rimón.+ Tuláakaleʼ 29 nukuch kaajoʼob, paʼteʼ yéetel u mejen kaajiloʼob.
33 Le nukuch kaajoʼob yaan teʼ Sefeláoʼ+ letiʼe jeʼeloʼobaʼ: Estaol, Zorá,+ Asnaj,
34 Zanoaj, En-ganim, Tapúa, Enam,
35 Jarmut, Adulam,+ Socó, Azecá,+
36 Saaraim,+ Aditaim, Guederá yéetel Guederotaim.* Tuláakaleʼ 14 nukuch kaajoʼob yéetel u mejen kaajiloʼob.
37 Zenán, Adaasa, Migdal-gad,
38 Dileán, Mizpé, Jokteel,
39 Lakís,+ Bozkat, Eglón,
40 Kabón, Lamam, Kitlís,
41 Guederot, Bet-dagón, Naamá yéetel Maquedá.+ Tuláakaleʼ 16 nukuch kaajoʼob yéetel u mejen kaajiloʼob.
42 Libná,+ Éter, Asán,+
43 Ifta, Asnaj, Nezib,
44 Keilá, Akzib yéetel Maaresa. Tuláakaleʼ nueve nukuch kaajoʼob yéetel u mejen kaajiloʼob.
45 Ecrón yéetel le kaajoʼob yaan tu baʼpachoʼ bey xan u mejen kaajiloʼob.
46 Desde Ecrón tak tu tojil chikʼin, tuláakal le yanoʼob tu jáal Asdod yéetel u mejen kaajiloʼoboʼ.
47 Asdod+ yéetel le kaajoʼob yaan tu baʼpachoʼ bey xan u mejen kaajiloʼob. Gaza+ yéetel le kaajoʼob yaan tu baʼpachoʼ bey xan u mejen kaajiloʼob, tak tu Táax Luʼumil Egipto, le Mar Grandeoʼ* bey xan le luʼum yaan tu tséeloʼ.+
48 Teʼ montañaʼoboʼ tiaʼan Samir, Jatir,+ Socó,
49 Daná, Kiriat-saná, uláakʼ bix kʼaj óolaʼanileʼ Debir,
50 Anab, Estemó,+ Anim,
51 Gosén,+ Olón yéetel Guiló.+ Tuláakaleʼ 11 nukuch kaajoʼob yéetel u mejen kaajiloʼob.
52 Arab, Dumá, Esán,
53 Janim, Bet-tapúa, Afeká,
54 Umtá, Kiriat-arbá, uláakʼ bix kaʼaj óolaʼanileʼ Hebrón,+ yéetel Zior. Tuláakaleʼ nueve nukuch kaajoʼob yéetel u mejen kaajiloʼob.
55 Maón,+ Carmelo, Zif,+ Jutá,
56 Jezreel, Jokdeam, Zanoaj,
57 Kayín, Guibea yéetel Timna.+ Tuláakaleʼ diez nukuch kaajoʼob yéetel u mejen kaajiloʼob.
58 Alul, Bet-zur, Guedor,
59 Maarat, Bet-anot yéetel Eltekón. Tuláakaleʼ seis nukuch kaajoʼob yéetel u mejen kaajiloʼob.
60 Kiriat-baal, uláakʼ bix kʼaj óolaʼanileʼ Kiriat-jearim,+ yéetel Rabá, kaʼapʼéel nukuch kaajoʼob yéetel u mejen kaajiloʼob.
61 Teʼ desiertooʼ tiaʼan Bet-arabá,+ Midín, Sekaká,
62 Nibsán, la Ciudad de la Sal, yéetel En-guedí.+ Tuláakaleʼ seis nukuch kaajoʼob yéetel u mejen kaajiloʼob.
63 Le jebuseoʼob+ yanoʼob Jerusalénoʼ+ maʼ páajchaj u jóoʼsaʼaloʼob tumen u tribu Judáiʼ,+ le oʼolal le jebuseoʼoboʼ tiaʼanoʼob Jerusalén tak bejlaʼeʼ, tiaʼanoʼob ichil u kajnáaliloʼob Judáeʼ.
Notas
^ Uláakʼ bix kʼaj óolaʼanileʼ Mar Muerto.
^ Wa «u bajadail».
^ Le kʼáaʼnáabaʼ letiʼe Mar Grande wa Mediterráneooʼ.
^ Uláakʼ bix kʼaj óolaʼanileʼ Mar Muerto.
^ Uláakʼ bix kʼaj óolaʼanileʼ Mediterráneo.
^ Uláakʼ bix u traducirtaʼaleʼ «Letiʼeʼ papaxkʼabnaj mientras tiaʼan kaʼach yóokʼol le burrooʼ, ka túun».
^ U kʼáat u yaʼal «U Sayabiloʼob Jaʼ».
^ Wa «Négueb».
^ Uláakʼ bix u traducirtaʼaleʼ «Guederá yéetel tuʼux ku kʼalik u yalakʼ tamanoʼoboʼ».
^ Uláakʼ bix kʼaj óolaʼanileʼ Mediterráneo.
