Josué 21:1-45
21 U nuuktakil túun le familiaʼob yaan ichil le levitaʼoboʼ binoʼob yiknal Eleazar,+ le sacerdoteoʼ, yiknal Josué, u hijo Nun, yéetel yiknal u nuuktakil le familiaʼob yaan ichil le tribuʼob yaan Israeloʼ.
2 Ka kʼuchoʼob Siló,+ le yaan tu luʼumil Canaánoʼ, tu yaʼaloʼobtiʼob: «Jéeobaeʼ tu yaʼalaj tiʼ Moisés ka tsʼaʼabaktoʼon kaajoʼob utiaʼal k-kajtal bey xan lugaroʼob utiaʼal u janal k-alakʼ baʼalcheʼob».+
3 Jeʼex u yaʼalmil Jéeobaoʼ le israelitaʼoboʼ tu tsʼáajoʼob tiʼ le levitaʼob le kaajoʼoboʼ+ bey xan le lugaroʼob utiaʼal u janal u yalakʼ baʼalcheʼoboʼ. Tuláakal le jeʼeloʼobaʼ tu chʼaʼaj le israelitaʼob ichil u herenciaʼoboʼ.+
4 Le ka beetaʼab le rifaoʼ, le yáaxoʼ tocarnaj tiʼ le familiaʼob yaan ichil le koatitaʼoboʼ,+ le oʼolal tiʼ le levitaʼob ku taaloʼob tiʼ u paalal Aarón, le sacerdoteoʼ, tsʼaʼabtiʼob 13 nukuch kaajoʼob tumen u tribu Judá,+ u tribu Simeón+ yéetel u tribu Benjamín.+
5 Tiʼ u maasil koatitaʼoboʼ tsʼaʼab diez nukuch kaajoʼob, leloʼobaʼ tiaʼan ichil le parte tocarnaj tiʼ le familiaʼob yaan ichil u tribu Efraín,+ u tribu Dan, bey xan ichil u táanchumuk tribu Manasés.+
6 Tiʼ le guersónitaʼoboʼ+ tsʼaʼab 13 nukuch kaajoʼob, lelaʼ tiaʼan ichil le parte tocarnaj tiʼ le familiaʼob yaan ichil u tribu Isacar, u tribu Aser, u tribu Neftalí, bey xan ichil u chúumuk tribu Manasés, le yaan Basánoʼ.+
7 Tiʼ le familiaʼob yaan ichil le meraritaʼoboʼ+ tsʼaʼab 12 nukuch kaajoʼob, lelaʼ tiaʼan ichil le parte tocarnaj tiʼ u tribu Rubén, tiʼ u tribu Gad yéetel tiʼ u tribu Zabulónoʼ.+
8 Le israelitaʼob túunoʼ tu tsʼáajoʼob tiʼ le levitaʼob le nukuch kaajoʼob yéetel le lugaroʼob utiaʼal u janal u yalakʼ baʼalcheʼoboʼ. Letiʼobeʼ tu beetoʼob junpʼéel rifa jach jeʼex aʼalaʼabik tiʼ Moisés tumen Jéeobaoʼ.+
9 Le kaajoʼob kun aʼalbil u kʼaabaʼobaʼ+ tsʼaʼaboʼob tumen u tribu Judá yéetel u tribu Simeón.
10 Tsʼaʼaboʼob tiʼ u paalal Aarón, le yanoʼob ichil u familiaʼob le koatitaʼob ku taaloʼob tiʼ u tribu Levíoʼ, tumen yáax tiʼ letiʼob tocarnaj le ka beetaʼab le rifaoʼ.
11 Tiʼ letiʼobeʼ tsʼaʼab Kiriat-arbá+ (Arbáeʼ u papá Anak), uláakʼ bix kʼaj óolaʼanileʼ Hebrón,+ le kaajaʼ tiaʼan teʼ montañaʼob yaan Judáoʼ, tsʼaʼabtiʼob paʼteʼ yéetel le lugaroʼob yaan tu baʼpach le kaaj utiaʼal u janal u yalakʼ baʼalcheʼoboʼ.
12 Pero le u maasil luʼum ku pertenecer tiʼ le kaajoʼ bey xan u mejen kaajiloʼobeʼ tu tsʼáajoʼob bey herencia tiʼ Caleb, u hijo Jefuné.+
13 Tiʼ u paalal Aarón le sacerdoteoʼ tu tsʼáajoʼob Hebrón+ bey xan le lugaroʼob utiaʼal u janal u yalakʼ baʼalcheʼoboʼ, lelaʼ junpʼéel tiʼ le kaajoʼob tuʼux unaj u bin u taʼakuba le máax ku kíimsik u yéet máakiloʼ,+ tsʼaʼab xan tiʼob Libná+ yéetel le lugaroʼob utiaʼal u janal u yalakʼ baʼalcheʼoboʼ,
14 Jatir+ yéetel le lugaroʼob utiaʼal u janal u yalakʼ baʼalcheʼoboʼ, Estemoa+ yéetel le lugaroʼob utiaʼal u janal u yalakʼ baʼalcheʼoboʼ,
15 Olón+ yéetel le lugaroʼob utiaʼal u janal u yalakʼ baʼalcheʼoboʼ, Debir+ yéetel le lugaroʼob utiaʼal u janal u yalakʼ baʼalcheʼoboʼ,
16 Ain+ yéetel le lugaroʼob utiaʼal u janal u yalakʼ baʼalcheʼoboʼ, Jutá+ yéetel le lugaroʼob utiaʼal u janal u yalakʼ baʼalcheʼoboʼ, bey xan Bet-semes yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ nueve nukuch kaajoʼob tu tsʼáaj le kaʼapʼéel tribuoʼ.
17 U tribu Benjamíneʼ tu tsʼáaj Gabaón+ bey xan le lugaroʼob utiaʼal u janal u yalakʼ baʼalcheʼoboʼ, Gueba yéetel le lugaroʼob utiaʼal u janal u yalakʼ baʼalcheʼoboʼ,+
18 Anatot+ yéetel le lugaroʼob utiaʼal u janal u yalakʼ baʼalcheʼoboʼ bey xan Almón yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ kanpʼéel nukuch kaajoʼob.
19 Bey túunoʼ tiʼ le sacerdoteʼob u paalal Aarónoʼ, tsʼaʼabtiʼob 13 nukuch kaajoʼob bey xan lugaroʼob utiaʼal u janal u yalakʼ baʼalcheʼob.+
20 Tiʼ u maasil le familiaʼob ku taaloʼob tiʼ le koatitaʼob yanoʼob ichil le levitaʼoboʼ beetaʼab junpʼéel rifa utiaʼal u tsʼaʼabaltiʼob kaajoʼob yaan ichil u tribu Efraín.
21 Tsʼaʼabtiʼob Sikem+ yéetel le lugaroʼob utiaʼal u janal u yalakʼ baʼalcheʼoboʼ, lelaʼ junpʼéel tiʼ le kaajoʼob tuʼux unaj u bin u taʼakuba le máax ku kíimsik u yéet máakiloʼ,+ yéetel tiaʼan teʼ montañaʼob yaan Efraínoʼ, tsʼaʼabtiʼob xan Guézer+ yéetel le lugaroʼob utiaʼal u janal u yalakʼ baʼalcheʼoboʼ,
22 Kibzaim yéetel le lugaroʼob utiaʼal u janal u yalakʼ baʼalcheʼoboʼ, bey xan Bet-orón+ yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ kanpʼéel nukuch kaajoʼob.
23 U tribu Daneʼ tu tsʼáaj Elteké yéetel le lugaroʼob utiaʼal u janal u yalakʼ baʼalcheʼoboʼ, Guibetón yéetel le lugaroʼob utiaʼal u janal u yalakʼ baʼalcheʼoboʼ,
24 Ayalón+ yéetel le lugaroʼob utiaʼal u janal u yalakʼ baʼalcheʼoboʼ, bey xan Gat-rimón yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ kanpʼéel nukuch kaajoʼob.
25 Táanchumuk tiʼ u tribu Manaséseʼ tu tsʼáaj Taanak+ yéetel le lugaroʼob utiaʼal u janal u yalakʼ baʼalcheʼoboʼ, bey xan Gat-rimón yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ kaʼapʼéel nukuch kaajoʼob.
26 Bey túunoʼ tiʼ u maasil le familiaʼob yaan ichil le koatitaʼoboʼ tsʼaʼabtiʼob diez nukuch kaajoʼob paʼteʼ yéetel le lugaroʼob utiaʼal u janal u yalakʼ baʼalcheʼoboʼ.
27 Tiʼ le guersonitaʼob+ yanoʼob ichil le familiaʼob ku taaloʼob tiʼ le levitaʼoboʼ tsʼaʼabtiʼob kaajoʼob tumen u táanchumuk tribu Manasés. Tsʼaʼabtiʼob Golán+ bey xan le lugaroʼob utiaʼal u janal u yalakʼ baʼalcheʼoboʼ, lelaʼ tiaʼan Basáneʼ yéetel junpʼéel tiʼ le kaajoʼob tuʼux unaj u bin u taʼakuba le máax ku kíimsik u yéet máakiloʼ, bey xan Beesterá yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ kaʼapʼéel nukuch kaajoʼob.
28 U tribu Isacareʼ+ tu tsʼáaj Kisión yéetel le lugaroʼob utiaʼal u janal u yalakʼ baʼalcheʼoboʼ, Daberat+ yéetel le lugaroʼob utiaʼal u janal u yalakʼ baʼalcheʼoboʼ,
29 Jarmut yéetel le lugaroʼob utiaʼal u janal u yalakʼ baʼalcheʼoboʼ bey xan En-ganim yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ kanpʼéel nukuch kaajoʼob.
30 U tribu Asereʼ+ tu tsʼáaj Misal yéetel le lugaroʼob utiaʼal u janal u yalakʼ baʼalcheʼoboʼ, Abdón yéetel le lugaroʼob utiaʼal u janal u yalakʼ baʼalcheʼoboʼ,
31 Elkat+ yéetel le lugaroʼob utiaʼal u janal u yalakʼ baʼalcheʼoboʼ, bey xan Reob+ yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ kanpʼéel nukuch kaajoʼob.
32 U tribu Neftalíeʼ tu tsʼáaj Kedes+ bey xan le lugaroʼob utiaʼal u janal u yalakʼ baʼalcheʼoboʼ, lelaʼ tiaʼan Galileaeʼ yéetel junpʼéel tiʼ le kaajoʼob tuʼux unaj u bin u taʼakuba+ le máax ku kíimsik u yéet máakiloʼ, Amot-dor yéetel le lugaroʼob utiaʼal u janal u yalakʼ baʼalcheʼoboʼ, bey xan Kartán yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ óoxpʼéel nukuch kaajoʼob.
33 Bey túunoʼ tiʼ le familiaʼob yaan ichil le guersonitaʼoboʼ tsʼaʼabtiʼob 13 nukuch kaajoʼob bey xan lugaroʼob utiaʼal u janal u yalakʼ baʼalcheʼob.
34 Tiʼ le familiaʼob yaan ichil le meraritaʼob+ ku taaloʼob tiʼ le levitaʼoboʼ tsʼaʼabtiʼob nukuch kaajoʼob tumen u tribu Zabulón.+ Tsʼaʼabtiʼob Jokneam+ yéetel le lugaroʼob utiaʼal u janal u yalakʼ baʼalcheʼoboʼ, Kartá yéetel le lugaroʼob utiaʼal u janal u yalakʼ baʼalcheʼoboʼ,
35 Dimná yéetel le lugaroʼob utiaʼal u janal u yalakʼ baʼalcheʼoboʼ, bey xan Naalal+ yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ kanpʼéel nukuch kaajoʼob.
36 U tribu Rubéneʼ tu tsʼáaj Bézer+ yéetel le lugaroʼob utiaʼal u janal u yalakʼ baʼalcheʼoboʼ, Jáaz yéetel le lugaroʼob utiaʼal u janal u yalakʼ baʼalcheʼoboʼ,+
37 Kedemot yéetel le lugaroʼob utiaʼal u janal u yalakʼ baʼalcheʼoboʼ, bey xan Mefaat yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ kanpʼéel nukuch kaajoʼob.
38 U tribu Gadeʼ+ tu tsʼáaj Ramot le yaan Galaadoʼ+ paʼteʼ yéetel le lugaroʼob utiaʼal u janal u yalakʼ baʼalcheʼoboʼ, lelaʼ junpʼéel tiʼ le kaajoʼob tuʼux unaj u bin u taʼakuba le máax ku kíimsik u yéet máakiloʼ. Tu tsʼáaj xan Maanaim+ yéetel le lugaroʼob utiaʼal u janal u yalakʼ baʼalcheʼoboʼ,
39 Esbón+ yéetel le lugaroʼob utiaʼal u janal u yalakʼ baʼalcheʼoboʼ, bey xan Jazer+ yéetel le lugaroʼob utiaʼal u janal u yalakʼ baʼalcheʼoboʼ. Tuláakaleʼ kanpʼéel nukuch kaajoʼob.
40 Bey túunoʼ tiʼ le familiaʼob yaan ichil le meraritaʼoboʼ tsʼaʼabtiʼob 12 nukuch kaajoʼob, letiʼob kaʼach u yalab le familiaʼob ku taal tiʼ le levitaʼoboʼ.
41 Tuláakal le kaajoʼob chʼaʼab tiʼ le israelitaʼob utiaʼal u tsʼaʼabal tiʼ le levitaʼoboʼ tu chukaj 48 nukuch kaajoʼob paʼteʼ yéetel le lugaroʼob utiaʼal u janal u yalakʼ baʼalcheʼoboʼ.+
42 Tu baʼpach cada junpʼéel tiʼ le nukuch kaajoʼobaʼ yaan lugaroʼob utiaʼal u janal u yalakʼ baʼalcheʼobiʼ. Bey yanil kaʼach tiʼ tuláakal le nukuch kaajoʼobaʼ.
43 Jéeobaeʼ tu tsʼáaj tiʼ u kaajil Israel tuláakal le luʼum u prometermaj tiʼ u yúuchben láakʼtsiloʼoboʼ,+ letiʼob túuneʼ tu chʼaʼajoʼob le luʼumoʼ yéetel tiʼ pʼáatoʼob kajtaliʼ.+
44 Ka tsʼoʼokeʼ Jéeobaeʼ tu beetaj u yantaltiʼob jeetsʼelil tiʼ tuláakal le luʼumoʼ, tu beetaj jeʼex úuchik u prometertik tiʼ u yúuchben láakʼtsiloʼoboʼ.+ Mix juntúul tiʼ u enemigoʼob páajchaj u pʼáatal waʼatal tu táanoʼob.+ Jéeobaeʼ tu tsʼáaj tu kʼab le israelitaʼob tuláakal le máaxoʼob pʼekmiloʼoboʼ.+
45 Tuláakal le maʼalob baʼaloʼob u prometermaj Jéeoba tiʼ u kaajil Israeloʼ láaj béeychaji, mix junpʼéel tiʼ le baʼaxoʼob tu yaʼalaj pʼáat maʼ u béeytaloʼ.+
