Números 29:1-40
29 Yéetel teʼ yáax día tiʼ le mes sieteoʼ* unaj a muchʼkabaʼex, le kʼiin jeʼeloʼ santo. Maʼ unaj a beetkeʼex mix junpʼéel meyajiʼ.+ Teʼ kʼiin jeʼelaʼ unaj a wuskeʼex le trompetaoʼ.+
2 Yaan a kʼubkeʼex bey tóokbil ofrenda kiʼibok tu táan Jéeoba juntúul táankelem toro, juntúul xibil taman yéetel siete u túulal mejen xibil tamanoʼob de junpʼéel año, tuláakloʼobeʼ unaj tʼaʼajoʼob,
3 yaan xan a kʼubkeʼex maʼalob harina xaʼakʼtaʼan yéetel aceite bey u ofrendail janaleʼ, óoxpʼéel omer* yoʼolal le torooʼ, kaʼapʼéel omer* yoʼolal le xibil tamanoʼ
4 yéetel junpʼéel omer* yoʼolal cada juntúul tiʼ le siete mejen xibil tamanoʼoboʼ,
5 unaj xan a kʼubik juntúul chan chivo bey ofrenda yoʼolal le kʼeban utiaʼal ka perdonartaʼak a kʼebaneʼexoʼ.
6 Lelaʼ unaj u kʼuʼubul aparte tiʼ le tóokbil ofrenda ku kʼuʼubul cada mes paʼteʼ yéetel u ofrendailoʼob janal+ bey xan yéetel u ofrendail vino, unaj u kʼuʼubul xan aparte tiʼ le tóokbil ofrenda ku kʼuʼubul sáamsamal paʼteʼ yéetel u ofrendail janal+ bey xan yéetel u ofrendail vinooʼ,+ le ofrendaʼobaʼ unaj u kʼuʼubloʼob jeʼex suuk u beetaʼaleʼ. Le ofrenda jeʼelaʼ junpʼéel ofrenda ku tóokaʼal kiʼibok tu táan Jéeoba.
7 Teʼ día diez tiʼ le mes sieteoʼ unaj xan a muchʼkabaʼex, le kʼiin jeʼeloʼ santo,+ yéetel unaj a weʼeskeʼex jach yaachajaʼan a wóoleʼex.* Maʼ unaj xan a beetkeʼex mix junpʼéel meyajiʼ.+
8 Yaan a kʼubkeʼex bey tóokbil ofrenda kiʼibok tu táan Jéeoba juntúul táankelem toro, juntúul xibil taman yéetel siete u túulal mejen xibil tamanoʼob de junpʼéel año, tuláakloʼobeʼ unaj tʼaʼajoʼob.+
9 Yaan xan a kʼubkeʼex maʼalob harina xaʼakʼtaʼan yéetel aceite bey u ofrendail janaleʼ, óoxpʼéel omer yoʼolal le torooʼ, kaʼapʼéel omer yoʼolal le xibil tamanoʼ
10 yéetel junpʼéel omer yoʼolal cada juntúul tiʼ le siete mejen xibil tamanoʼoboʼ,
11 yaan xan a kʼubkeʼex juntúul chan chivo bey ofrenda yoʼolal le kʼebanoʼ. Unaj u kʼuʼubul aparte tiʼ le ofrenda yoʼolal le kʼeban ku kʼuʼubul tu kʼiinil le kéen perdonartaʼak le kʼebanoʼoboʼ,+ bey xan aparte tiʼ le tóokbil ofrenda ku kʼuʼubul sáamsamal paʼteʼ yéetel u ofrendail janal bey xan yéetel u ofrendailoʼob vino ku kʼuʼubloʼoboʼ.
12 Teʼ día 15 tiʼ le mes sieteoʼ unaj xan a muchʼkabaʼex, le kʼiin jeʼeloʼ santo. Maʼ unaj a beetkeʼex mix junpʼéel meyajiʼ, yéetel unaj a beetkeʼex junpʼéel fiesta utiaʼal Jéeoba durante siete días.+
13 Yaan a kʼubkeʼex bey tóokbil ofrenda+ kiʼibok tu táan Jéeoba 13 táankelem toroʼob, kaʼatúul xibil tamanoʼob yéetel 14 mejen xibil tamanoʼob de junpʼéel año, tuláakloʼobeʼ unaj tʼaʼajoʼob.+
14 Yaan xan a kʼubkeʼex maʼalob harina xaʼakʼtaʼan yéetel aceite bey u ofrendail janaleʼ, óoxpʼéel omer yoʼolal cada juntúul tiʼ le 13 toroʼoboʼ, kaʼapʼéel omer yoʼolal cada juntúul tiʼ le kaʼatúul xibil tamanoʼoboʼ
15 yéetel junpʼéel omer yoʼolal cada juntúul tiʼ le 14 mejen xibil tamanoʼoboʼ,
16 yaan xan a kʼubkeʼex juntúul chan chivo bey ofrenda yoʼolal le kʼebanoʼ. Unaj u kʼuʼubul aparte tiʼ le tóokbil ofrenda ku kʼuʼubul sáamsamal paʼteʼ yéetel u ofrendail janal bey xan yéetel u ofrendail vinooʼ.+
17 Yéetel teʼ kaʼapʼéel díaoʼ yaan a kʼubkeʼex 12 táankelem toroʼob, kaʼatúul xibil tamanoʼob yéetel 14 mejen xibil tamanoʼob de junpʼéel año, tuláakloʼobeʼ unaj tʼaʼajoʼob,+
18 unaj a kʼubkeʼex u ofrendail janal yéetel u ofrendailoʼob vino yoʼolal le toroʼoboʼ, yoʼolal le xibil tamanoʼoboʼ bey xan yoʼolal le mejen xibil tamanoʼoboʼ, según jaytúuloʼob, unaj u beetaʼal jeʼex suuk u beetaʼaloʼ,
19 yaan xan a kʼubkeʼex juntúul chan chivo bey ofrenda yoʼolal le kʼebanoʼ. Unaj u kʼuʼubul aparte tiʼ le tóokbil ofrenda ku kʼuʼubul sáamsamal paʼteʼ yéetel u ofrendail janal bey xan yéetel u ofrendailoʼob vinooʼ.+
20 Yéetel teʼ óoxpʼéel díaoʼ yaan a kʼubkeʼex 11 toroʼob, kaʼatúul xibil tamanoʼob yéetel 14 mejen xibil tamanoʼob de junpʼéel año, tuláakloʼobeʼ unaj tʼaʼajoʼob,+
21 unaj a kʼubkeʼex u ofrendail janal yéetel u ofrendailoʼob vino yoʼolal le toroʼoboʼ, yoʼolal le xibil tamanoʼoboʼ bey xan yoʼolal le mejen xibil tamanoʼoboʼ, según jaytúuloʼob, unaj u beetaʼal jeʼex suuk u beetaʼaloʼ,
22 yaan xan a kʼubkeʼex juntúul chivo bey ofrenda yoʼolal le kʼebanoʼ. Unaj u kʼuʼubul aparte tiʼ le tóokbil ofrenda ku kʼuʼubul sáamsamal paʼteʼ yéetel u ofrendail janal bey xan yéetel u ofrendail vinooʼ.+
23 Yéetel teʼ kanpʼéel díaoʼ yaan a kʼubkeʼex 10 toroʼob, kaʼatúul xibil tamanoʼob yéetel 14 mejen xibil tamanoʼob de junpʼéel año, tuláakloʼobeʼ unaj tʼaʼajoʼob,+
24 unaj a kʼubkeʼex u ofrendail janal yéetel u ofrendailoʼob vino yoʼolal le toroʼoboʼ, yoʼolal le xibil tamanoʼoboʼ bey xan yoʼolal le mejen xibil tamanoʼoboʼ, según jaytúuloʼob, unaj u beetaʼal jeʼex suuk u beetaʼaloʼ,
25 yaan xan a kʼubkeʼex juntúul chan chivo bey ofrenda yoʼolal le kʼebanoʼ. Unaj u kʼuʼubul aparte tiʼ le tóokbil ofrenda ku kʼuʼubul sáamsamal paʼteʼ yéetel u ofrendail janal bey xan yéetel u ofrendail vinooʼ.+
26 Yéetel teʼ día cincooʼ yaan a kʼubkeʼex 9 toroʼob, kaʼatúul xibil tamanoʼob yéetel 14 mejen xibil tamanoʼob de junpʼéel año, tuláakloʼobeʼ unaj tʼaʼajoʼob,+
27 unaj a kʼubkeʼex u ofrendail janal yéetel u ofrendailoʼob vino yoʼolal le toroʼoboʼ, yoʼolal le xibil tamanoʼoboʼ bey xan yoʼolal le mejen xibil tamanoʼoboʼ, según jaytúuloʼob, unaj u beetaʼal jeʼex suuk u beetaʼaloʼ,
28 yaan xan a kʼubkeʼex juntúul chivo bey ofrenda yoʼolal le kʼebanoʼ. Unaj u kʼuʼubul aparte tiʼ le tóokbil ofrenda ku kʼuʼubul sáamsamal paʼteʼ yéetel u ofrendail janal bey xan yéetel u ofrendail vinooʼ.+
29 Yéetel teʼ día seisoʼ yaan a kʼubkeʼex 8 toroʼob, kaʼatúul xibil tamanoʼob yéetel 14 mejen xibil tamanoʼob de junpʼéel año, tuláakloʼobeʼ unaj tʼaʼajoʼob,+
30 unaj a kʼubkeʼex u ofrendail janal yéetel u ofrendailoʼob vino yoʼolal le toroʼoboʼ, yoʼolal le xibil tamanoʼoboʼ bey xan yoʼolal le mejen xibil tamanoʼoboʼ, según jaytúuloʼob, unaj u beetaʼal jeʼex suuk u beetaʼaloʼ,
31 yaan xan a kʼubkeʼex juntúul chivo bey ofrenda yoʼolal le kʼebanoʼ. Unaj u kʼuʼubul aparte tiʼ le tóokbil ofrenda ku kʼuʼubul sáamsamal paʼteʼ yéetel u ofrendail janal bey xan yéetel u ofrendailoʼob vinooʼ.+
32 Yéetel teʼ día sieteoʼ yaan a kʼubkeʼex 7 toroʼob, kaʼatúul xibil tamanoʼob yéetel 14 mejen xibil tamanoʼob de junpʼéel año, tuláakloʼobeʼ unaj tʼaʼajoʼob,+
33 unaj a kʼubkeʼex u ofrendail janal yéetel u ofrendailoʼob vino yoʼolal le toroʼoboʼ, yoʼolal le xibil tamanoʼoboʼ bey xan yoʼolal le mejen xibil tamanoʼoboʼ, según jaytúuloʼob, unaj u beetaʼal jeʼex suuk u beetaʼaloʼ,
34 yaan xan a kʼubkeʼex juntúul chivo bey ofrenda yoʼolal le kʼebanoʼ. Unaj u kʼuʼubul aparte tiʼ le tóokbil ofrenda ku kʼuʼubul sáamsamal paʼteʼ yéetel u ofrendail janal bey xan yéetel u ofrendailoʼob vinooʼ.+
35 Teʼ día ochooʼ unaj a muchʼkabaʼex utiaʼal a adorarkeʼex Dios, le kʼiin jeʼeloʼ santo. Maʼ unaj a beetkeʼex mix junpʼéel meyajiʼ.+
36 Yaan a kʼubkeʼex bey tóokbil ofrenda kiʼibok tu táan Jéeoba juntúul toro, juntúul xibil taman yéetel siete u túulal mejen xibil tamanoʼob de junpʼéel año, tuláakloʼobeʼ unaj tʼaʼajoʼob,+
37 unaj a kʼubkeʼex u ofrendail janal yéetel u ofrendail vino yoʼolal le torooʼ, yoʼolal le xibil tamanoʼ bey xan yoʼolal le mejen xibil tamanoʼoboʼ, según jaytúuloʼob, unaj u beetaʼal jeʼex suuk u beetaʼaloʼ,
38 yaan xan a kʼubkeʼex juntúul chivo bey ofrenda yoʼolal le kʼebanoʼ. Unaj u kʼuʼubul aparte tiʼ le tóokbil ofrenda ku kʼuʼubul sáamsamal paʼteʼ yéetel u ofrendail janal bey xan yéetel u ofrendail vinooʼ.+
39 Leloʼobaʼ yaan a kʼubkeʼex tiʼ Jéeoba teʼ fiestaʼob suuk a beetkeʼexoʼ,+ unaj a kʼubkeʼex aparte tiʼ le ofrendaʼob ka tsʼáaikeʼex yoʼolal junpʼéel promesaoʼ+ yéetel tiʼ le ofrendaʼob ku síijil ta puksiʼikʼal a tsʼáaikeʼex+ bey tóokbil ofrendaʼoboʼ,+ aparte tiʼ le u ofrendailoʼob janaloʼ,+ tiʼ le u ofrendailoʼob vinooʼ+ yéetel tiʼ le u ofrendailoʼob múul janaloʼ›».+
40 Moisés túuneʼ tu yaʼalaj tiʼ le israelitaʼob tuláakal le baʼax aʼalaʼabtiʼ tumen Jéeobaoʼ.
Notas
^ U kʼaabaʼ le mesaʼ Etanim. Ilawil «Etanim», página 2562.
^ Lelaʼ letiʼe bukaʼaj ku bisik junpʼéel nuʼukul de 6.6 litrosoʼ.
^ Lelaʼ letiʼe bukaʼaj ku bisik junpʼéel nuʼukul de 4.4 litrosoʼ.
^ Lelaʼ letiʼe bukaʼaj ku bisik junpʼéel nuʼukul de 2.2 litrosoʼ.
^ Lelaʼ maʼ xaaneʼ ku yeʼeskoʼob ikil u ayunaroʼob wa le kéen u beetoʼob baʼaloʼob beyaʼ.
