Números 33:1-56
33 Lelaʼ letiʼe bix úuchik u viajar u kaajil Israel le ka jóokʼoʼob tu luʼumil Egipto+ yéetel tuláakal u ejército+ nuʼuktaʼanoʼob tumen Moisés yéetel Aarónoʼ.+
2 Moiséseʼ seguernaj u tsʼíibtik u kʼaabaʼ le lugaroʼob tuʼux ku pʼáatloʼob jeʼelel le táan u viajaroʼoboʼ, tu beetaj jeʼex úuchik u yaʼalaʼaltiʼ tumen Jéeobaoʼ. Lelaʼ letiʼe lugaroʼob tuʼux ku lukʼloʼoboʼ yéetel le tuʼux ku pʼáatloʼob jeʼeleloʼ:+
3 le israelitaʼoboʼ lukʼoʼob Ramesés+ teʼ día 15 tiʼ le yáax mesoʼ.*+ Jóokʼoʼob jach teʼ día le ka tsʼoʼok le Pascuaoʼ,+ le ka jóokʼoʼob tu táan tuláakal le egipcioʼoboʼ letiʼobeʼ maʼ saajkoʼobiʼ.
4 Le táan u jóokʼloʼoboʼ, le egipcioʼoboʼ táan kaʼach u mukikoʼob tuláakal le u yáax hijoʼob kíimsaʼaboʼob tumen Jéeobaoʼ,+ tumen Jéeobaeʼ tu castigartaj u diosoʼob.+
5 Le israelitaʼob túunoʼ lukʼoʼob Rameséseʼ ka pʼáatoʼob jeʼelel Sukot.+
6 Le ka tsʼoʼokeʼ lukʼoʼob Sukoteʼ ka binoʼob jeʼelel Ezam,+ le lugaraʼ tiaʼan tu jáal le desiertooʼ.
7 Lukʼoʼob xan Ezameʼ ka suunajoʼob tu tojil Piyairot, desde teʼeloʼ chíikaʼan u yilaʼal Baal-zefón,+ ka pʼáatoʼob jeʼelel aktáan tiʼ Migdol.+
8 Le ka tsʼoʼokeʼ lukʼoʼob Piyairoteʼ ka kʼáatmáanoʼob chúumuk tiʼ le kʼáaʼnáab+ tak teʼ desiertooʼ+ yéetel seguernaj u viajaroʼob tres días tu desiertoil Ezam,+ ka pʼáatoʼob jeʼelel Maará.+
9 Lukʼoʼob xan Maaráeʼ ka binoʼob Elim. Teʼeloʼ yaan 12 lugaroʼob tuʼux ku síijil jaʼ bey xan 70 palmeraʼobiʼ, letiʼob túuneʼ tiʼ pʼáatoʼob jeʼeleliʼ.+
10 Le ka tsʼoʼok u lukʼloʼob Elimeʼ pʼáatoʼob jeʼelel naatsʼ tiʼ le Mar Rojooʼ.
11 Le ka tsʼoʼokeʼ lukʼoʼob naatsʼ tiʼ le Mar Rojooʼ ka pʼáatoʼob jeʼelel tu desiertoil Sin.+
12 Lukʼoʼob túun tu desiertoil Sineʼ ka pʼáatoʼob jeʼelel Dofká.
13 Lukʼoʼob Dofkáeʼ ka pʼáatoʼob jeʼelel Alús.
14 Lukʼoʼob Alúseʼ ka pʼáatoʼob jeʼelel Refidim,+ teʼeloʼ minaʼan kaʼach jaʼ utiaʼal u yukʼ le kaajoʼ.
15 Lukʼoʼob Refidimeʼ ka pʼáatoʼob jeʼelel tu desiertoil Sinaí.+
16 Lukʼoʼob tu desiertoil Sinaíeʼ ka pʼáatoʼob jeʼelel Kibrot-ataavá.+
17 Lukʼoʼob Kibrot-ataaváeʼ ka pʼáatoʼob jeʼelel Azerot.+
18 Lukʼoʼob Azeroteʼ ka pʼáatoʼob jeʼelel Ritmá.
19 Lukʼoʼob Ritmáeʼ ka pʼáatoʼob jeʼelel Rimón-pérez.
20 Lukʼoʼob Rimón-pérezeʼ ka pʼáatoʼob jeʼelel Libná.
21 Lukʼoʼob Libnáeʼ ka pʼáatoʼob jeʼelel Risá.
22 Lukʼoʼob Risáeʼ ka pʼáatoʼob jeʼelel Keelata.
23 Lukʼoʼob Keelataeʼ ka pʼáatoʼob jeʼelel teʼ tuʼux yaan le Montaña Séferoʼ.
24 Lukʼoʼob teʼ Montaña Séferoʼ ka pʼáatoʼob jeʼelel Aradá.
25 Lukʼoʼob Aradáeʼ ka pʼáatoʼob jeʼelel Makelot.
26 Lukʼoʼob+ Makeloteʼ ka pʼáatoʼob jeʼelel Táat.
27 Lukʼoʼob Táateʼ ka pʼáatoʼob jeʼelel Taré.
28 Lukʼoʼob Taréeʼ ka pʼáatoʼob jeʼelel Mitká.
29 Lukʼoʼob Mitkáeʼ ka pʼáatoʼob jeʼelel Asmoná.
30 Lukʼoʼob Asmonáeʼ ka pʼáatoʼob jeʼelel Moserot.
31 Lukʼoʼob Moseroteʼ ka pʼáatoʼob jeʼelel Bene-jaakán.+
32 Lukʼoʼob Bene-jaakáneʼ ka pʼáatoʼob jeʼelel Or-aguidgad.
33 Lukʼoʼob Or-aguidgadeʼ ka pʼáatoʼob jeʼelel Jotbatá.+
34 Lukʼoʼob Jotbatáeʼ ka pʼáatoʼob jeʼelel Abroná.
35 Lukʼoʼob Abronáeʼ ka pʼáatoʼob jeʼelel Ezión-guéber.+
36 Lukʼoʼob Ezión-guébereʼ ka pʼáatoʼob jeʼelel tu desiertoil Zin,+ wa Cadés.
37 Le ka tsʼoʼokeʼ lukʼoʼob Cadéseʼ ka pʼáatoʼob jeʼelel teʼ tuʼux yaan le Montaña Horoʼ,+ teʼ tu fronterail u luʼumil Edomoʼ.
38 Aarón le sacerdoteoʼ naʼak teʼ Montaña Hor jeʼex aʼalaʼabiktiʼ tumen Jéeobaoʼ yéetel tiʼ kíimiʼ. Lelaʼ úuch teʼ año 40 jóokʼok le israelitaʼob tu luʼumil Egiptooʼ, teʼ yáax día tiʼ le mes cincooʼ.*+
39 Aaróneʼ 123 años yaantiʼ le ka kíim teʼ Montaña Horoʼ.
40 Le rey cananeo Arad+ túunoʼ tu yuʼubaj táan u taal le israelitaʼoboʼ. Letiʼeʼ tiʼ kajaʼan kaʼach teʼ Négueboʼ, tu luʼumil Canaán.
41 Le ka máan kʼiineʼ letiʼobeʼ lukʼoʼob teʼ tuʼux yaan le Montaña Horoʼ+ ka pʼáatoʼob jeʼelel Zalmoná.
42 Lukʼoʼob Zalmonáeʼ ka pʼáatoʼob jeʼelel Punón.
43 Lukʼoʼob Punóneʼ ka pʼáatoʼob jeʼelel Obot.+
44 Lukʼoʼob Oboteʼ ka pʼáatoʼob jeʼelel Iyé-abarim, teʼ tu fronterail u luʼumil Moaboʼ.+
45 Lukʼoʼob Iyimeʼ ka pʼáatoʼob jeʼelel Dibón-gad.+
46 Lukʼoʼob Dibón-gadeʼ ka pʼáatoʼob jeʼelel Almón-diblataim.
47 Lukʼoʼob Almón-diblataimeʼ ka pʼáatoʼob jeʼelel teʼ tuʼux yaan u montañailoʼob Abarimoʼ,+ aktáan tiʼ Nebo.+
48 Le ka tsʼoʼokeʼ lukʼoʼob teʼ tuʼux yaan u montañailoʼob Abarimoʼ ka pʼáatoʼob jeʼelel teʼ tu desiertoil Moaboʼ, naatsʼ tiʼ le Jordánoʼ yéetel aktáan tiʼ Jericó.+
49 Tiʼ pʼáatoʼob jeʼelel naatsʼ tiʼ le Jordánoʼ, desde Bet-jesimot tak Abel-sitim,+ teʼ tu desiertoil Moaboʼ.
50 Le tiaʼanoʼob tu desiertoil Moab, naatsʼ tiʼ le Jordánoʼ yéetel aktáan tiʼ Jericóeʼ, Jéeobaeʼ tu tʼanaj Moiséseʼ ka tu yaʼalajtiʼ:
51 «Tʼan le israelitaʼoboʼ ka a waʼaltiʼob: ‹Yaan a kʼáatmáanskeʼex le Jordán utiaʼal a wookleʼex tu luʼumil Canaánoʼ.+
52 Kʼaʼabéet a jóoʼskeʼex le máaxoʼob kajaʼanoʼob teʼ luʼum jeʼeloʼ yéetel kʼaʼabéet a xuʼulskeʼex tiʼ tuláakal u imagenoʼob póolaʼanoʼob tiʼ tuunich+ yéetel tiʼ tuláakal u imagenoʼob beetaʼanoʼob de metal,+ yéetel kʼaʼabéet a nikikeʼex tuláakal le kaʼanal lugaroʼob tuʼux ku adorartik u diosoʼoboʼ.+
53 Yaan a chʼaʼikeʼex le luʼum jeʼeloʼ yéetel yaan a kajtaleʼexiʼ, tumen teneʼ jach tu jaajil yaan in tsʼáaikteʼex le luʼum bey herenciaoʼ.+
54 Unaj a wilik a tʼoxkeʼex+ le luʼum bey herencia ichil a familiaʼexoʼ. Tiʼ le grupoʼob maas nuuktakoʼ kʼaʼabéet a tsʼáaikeʼex maas yaʼab u herenciaʼob, yéetel tiʼ le grupoʼob maas chichantakoʼ kʼaʼabéet a tsʼáaikeʼextiʼob menos.+ Yaan u tsʼaʼabal u herenciaʼob según le tuʼux kun tocartiʼoboʼ. Yaan u tsʼaʼabal a herenciaʼex según le tribu tuʼux u taal a papáʼexoʼ.+
55 Chéen baʼaleʼ wa maʼ ta jóoʼskeʼex le máaxoʼob kajaʼanoʼob teʼ luʼum jeʼeloʼ,+ le máakoʼob jeʼeloʼ yaan u kʼuchul u beetubaʼob bey junpʼéel baʼal beetik u yelel a wicheʼexeʼ yéetel bey kʼiʼix chʼiikil ta chʼalaʼateleʼexeʼ, mantatsʼ ken u molestarteʼexoʼob teʼ luʼum tuʼux kan kajtaleʼexoʼ.+
56 Tsʼoʼoleʼ teneʼ yaan in beetikteʼex le baʼax in tukultmaj in beetik kaʼach tiʼ letiʼoboʼ›».+
