Números 34:1-29
34 Jéeobaeʼ tu yaʼalaj xan tiʼ Moisés:
2 «Aʼal tiʼ le israelitaʼob lelaʼ: ‹Le kéen ookkeʼex teʼ tu luʼumil Canaánoʼ,+ lelaʼ letiʼe luʼum kun tsʼaabilteʼex bey herenciaoʼ, u fronterailoʼob+ le luʼumaʼ letiʼ lelaʼ:
3 U fronterail a luʼumeʼex teʼ noojoloʼ yaan u káajal desde tu desiertoil Zin yéetel yaan u seguer tak tu chowakil u luʼumil Edom, desde teʼeloʼ yaan u seguer u bin tu tojil lakʼin hasta u kʼuchul tak teʼ tuʼux ku káajal le Mar Saladooʼ.*+
4 Desde tu noojolil le bej ku naʼakal Acrabimoʼ+ le fronteraoʼ yaan u tsʼáaik vuelta, yaan u bin tak Zin yéetel yaan u tsʼoʼokol tak tu noojolil Cadés-barnea.+ Yaan u seguer u bin tak Azar-adar+ yéetel yaan u kʼuchul tak Azmón.
5 Desde Azmóneʼ le fronteraoʼ yaan u tsʼáaik vuelta utiaʼal u bin tu tojil u Táax Luʼumil Egipto, yéetel yaan u kʼuchul tak teʼ Kʼáaʼnáaboʼ.*+
6 Le frontera kun antal teʼ chikʼinoʼ yaan u kʼuchul teʼ Mar Grandeoʼ* yéetel tu jáalik. Tiʼ kun kʼuchul le frontera kun antal chikʼinoʼ.+
7 U fronterail a luʼumeʼex teʼ xamanoʼ bey kun pʼáatlaʼ: yaan u káajal desde teʼ Mar Grandeoʼ yéetel yaan u kʼuchul tak teʼ Montaña Horoʼ.*+
8 Desde teʼ Montaña Horoʼ yaan u kʼuchul tak Lebo-amat,*+ yéetel yaan u kʼuchul tak Zedad.+
9 Yaan u seguer tak ken kʼuchuk Zifrón yéetel yaan u kʼuchul tak Azar-enán.+ Tiʼ kun kʼuchul le frontera kun antal xamanoʼ.
10 Le frontera kun antal teʼ lakʼinoʼ yaan u káajal desde Azar-enán yéetel yaan u kʼuchul tak Sefam.
11 Desde Sefameʼ yaan u seguer tak ken kʼuchuk Riblá, tu lakʼinil Ain, yéetel yaan u yéemel yéetel yaan u kʼáatmáansik le ebekníix* yaan tu lakʼinil le Mar de Kinéretoʼ.*+
12 Le fronteraoʼ yaan u seguer tak ken kʼuchuk teʼ Jordánoʼ yéetel tiʼ kun tsʼoʼokol tak teʼ Mar Saladooʼ.+ Lelaʼ letiʼe luʼum ken a tiaʼalinteʼexoʼ+ yéetel letiʼe u fronterailoʼoboʼ›».
13 Moisés túuneʼ tu yaʼalaj tiʼ le israelitaʼoboʼ: «Lelaʼ letiʼe luʼum ken a tʼoxeʼex ichileʼex bey herenciaoʼ, según le bix kun tocarteʼexoʼ,+ jeʼel bix u yaʼalmil Jéeoba ka tsʼaʼabak tiʼ le nueve tribus y mediooʼ.
14 Tumen u tribu le rubenitaʼoboʼ, u tribu le gaditaʼoboʼ yéetel u táanchumuk tribu Manaséseʼ tsʼoʼok u chʼaʼik u herenciaʼob.+
15 Le kaʼapʼéel tribu y mediooʼ tsʼoʼok u chʼaʼik u herenciaʼob, letiʼobeʼ tu chʼaʼajoʼob le luʼum yaan tu lakʼinil le Jordánoʼ, tu tséel Jericó, tu tojil le tuʼux ku tíipʼil kʼiinoʼ».+
16 Jéeobaeʼ tu kaʼa tʼanaj Moiséseʼ ka tu yaʼalajtiʼ:
17 «Lelaʼ letiʼe u kʼaabaʼ le máakoʼob kun tʼoxik le luʼum ken a kʼameʼex bey herenciaoʼ: Eleazar+ le sacerdoteoʼ yéetel Josué+ u hijo Nun.
18 Yaan a chʼaʼikeʼex xan juntúul u nojchil cada tribu utiaʼal ka u tʼoxoʼob le luʼum ken a kʼameʼex bey a herenciaʼexoʼ.+
19 Lelaʼ letiʼe u kʼaabaʼ le máakoʼob ken a chʼaʼexaʼ: tiʼ u tribu Judáeʼ+ Caleb+ u hijo Jefuné,
20 tiʼ u tribu u paalal Simeóneʼ+ Semuel u hijo Amiud,
21 tiʼ u tribu Benjamíneʼ+ Elidad u hijo Kislón,
22 tiʼ u tribu u paalal Daneʼ,+ u nojchileʼ Bukí u hijo Joglí,
23 tiʼ u paalal José+ ku taaloʼob tiʼ u tribu u paalal Manaséseʼ,+ u nojchileʼ Aniel u hijo Efod,
24 tiʼ u tribu u paalal Efraíneʼ,+ u nojchileʼ Kemuel u hijo Siftán,
25 tiʼ u tribu u paalal Zabulóneʼ,+ u nojchileʼ Elizafán u hijo Parnak,
26 tiʼ u tribu u paalal Isacareʼ,+ u nojchileʼ Paltiel u hijo Azán,
27 tiʼ u tribu u paalal Asereʼ,+ u nojchileʼ Ayud u hijo Selomí,
28 tiʼ u tribu u paalal Neftalíeʼ,+ u nojchileʼ Pedael u hijo Amiud».
29 Leloʼobaʼ letiʼe máaxoʼob tsʼaʼaboʼob tumen Jéeoba utiaʼal ka u tʼoxoʼob u luʼumil Canaán tiʼ le israelitaʼoboʼ.+
Notas
^ Uláakʼ bix kʼaj óolaʼanileʼ Mar Muerto.
^ Lelaʼ letiʼe Mar Grande wa Mediterráneooʼ.
^ Uláakʼ bix kʼaj óolaʼanileʼ Mediterráneo.
^ Maʼ jach ojéelaʼan máakalmáak le montañaaʼ, maʼ xaaneʼ junpʼéel tiʼ le montañaʼob maas kaʼanaltak yaan teʼ Líbanooʼ.
^ Wa «tu yookbal Amat».
^ Wa «le bajada».
^ Uláakʼ bix kʼaj óolaʼanileʼ Lago de Genesaret wa Mar de Galilea.
