Zacarías 2:1-13
2 Teneʼ tin líiʼsaj in paakateʼ ka tin wilaj juntúul máak u machmaj junpʼéel suum+ utiaʼal u pʼiis.
2 Ka túun tin kʼáatajtiʼ: «¿Tuʼux ka bin?».
Le máak túunoʼ tu núukajten: «Táan in bin in pʼis Jerusalén utiaʼal in wilik bukaʼaj u kóochil yéetel bukaʼaj u chowakil».+
3 ¡Ilawile!, le ángel táan kaʼach u tʼaan tin wéeteloʼ bini, uláakʼ juntúul ángel túuneʼ bin tu yiknal.
4 Le uláakʼ juntúul ángeloʼ tu yaʼalajtiʼ: «Áalkabnen tu tojil le xiʼipaloʼ ka a waʼaltiʼ: ‹Le máakoʼob kun kajtaloʼob Jerusalén+ bey xan le baʼalcheʼob kun antaloʼob teʼeloʼ yaan u jach yaʼabtaloʼob, hasta yaan u pʼáatal bey junpʼéel kaaj minaʼan u pakʼiloʼob tu baʼpacheʼ›.+
5 Jéeobaeʼ ku yaʼalik: ‹Teneʼ yaan in wantal tu baʼpach Jerusalén bey junpʼéel kʼáakʼeʼ,+ yéetel yaan in chupik le kaaj yéetel in kiʼichkelmiloʼ›».+
6 Jéeobaeʼ ku yaʼalik: «¡Koʼoteneʼex! ¡Koʼoteneʼex!, jóokʼkeʼex tiʼ le luʼum yaan xamanoʼ.+
Tumen teneʼ tsʼoʼok in kʼiʼitbeskoʼob tuláakal tuʼux»,*+ lelaʼ bey u yaʼalik Jéeobaoʼ.
7 «Sión, teech le kajakbalech yéetel u hija Babiloniaoʼ, ¡koʼoten, púutsʼkech!+
8 Le ka tsʼoʼok u alabartaʼal Jéeoba, le máax gobernartik le ángeloʼoboʼ, letiʼeʼ tu túuxten tiʼ le naciónoʼob tu tokoʼobtech tuláakal le baʼax yaantechoʼ,+ letiʼ túuneʼ tu yaʼalaj: ‹Jeʼel máaxak ka u beetteʼex wa baʼaxeʼ bey ka u chʼóopkʼabt u neekʼ in wicheʼ.+
9 Beoraaʼ yaan in líiʼsik in kʼab tu contra le máaxoʼob ku esclavizaroʼoboʼ, tiʼ letiʼob túuneʼ yaan u toʼokoltiʼob le baʼax yaantiʼob tumen u esclavoʼoboʼ›.+ Teʼex túuneʼ yaan a wojéeltikeʼex túuxtaʼaben tumen Jéeoba, le máax gobernartik le ángeloʼoboʼ.
10 U kaajil Sión, awatnakech yéetel kiʼimak óolal+ tumen táan in taal+ utiaʼal in kajtal chúumuk tiʼ teech»,+ leloʼ bey u yaʼalik Jéeobaoʼ.
11 «Teʼ kʼiin jeʼeloʼ yaʼab naciónoʼobeʼ yaan u tsʼáaikubaʼob tu tséel Jéeoba,+ yéetel letiʼobeʼ yaan u kʼuchul u beetubaʼob in kaajal. Teen túuneʼ yaan in kajtal chúumuk tiʼ teʼex». Yaan a wojéeltik túuneʼ túuxtaʼaben tumen Jéeoba, le máax gobernartik le ángeloʼoboʼ.
12 Jéeobaeʼ yaan u chʼaʼik Judá bey u herencia teʼ luʼum santooʼ, yéetel yaan u kaʼa yéeyik Jerusalén.+
13 Tuláakal máakeʼ u mak u chiʼ tu táan Jéeoba, tumen desde teʼ lugar santo tuʼux kajaʼanoʼ táan u meyaj utiaʼal u beetik le baʼax tsʼoʼok u chʼaʼtuklik tu yoʼolal le kaajoʼ.
Notas
^ Ich hebreoeʼ ku yaʼalaʼal kaʼach «tu tojil u kanpʼéel iikʼiloʼob le kaʼanoʼ».
