El Cantar de los Cantares 3:1-11
3 Le kéen chilaken tin cama de áakʼabeʼku káajal in kaxtik le xiʼipal in yaabiltmoʼ.+
Ku joʼopʼol in kaxtik, pero maʼ tin wilik.+
2 Yaan in líikʼil yéetel yaan in máan in kaxt teʼ kaajoʼ,yaan in kaxtik teʼ calleʼob yéetel teʼ kʼíiwikoʼoboʼ.
Yaan in bin in kaxt le máax in yaabiltmoʼ.
Binen in kaxte, pero maʼ tin kaxtiʼ.
3 Chéen baʼaleʼ ilaʼaben tumen le guardiaʼob ku máanoʼob ichil le kaajoʼ.+
Teen túuneʼ tin kʼáatajtiʼob: ‹¿Tsʼoʼok wa a wilkeʼex le xiʼipal in yaabiltmoʼ?›.
4 Jach maʼ sáam máanken teʼ tuʼux yanoʼoboʼka tin wilaj le máax in yaabiltmoʼ.
Teen túuneʼ chʼuylajen tiʼ letiʼ, maʼ tin chaʼajiʼ,ka tin bisaj tu yotoch in maama,+tu cuarto le máax síijsenoʼ.
5 U koʼolelileʼex Jerusalén,tu kʼaabaʼ le kéejoʼob yanoʼob teʼ kʼáaxoʼ jurarteʼexmaʼ ken a tratarteʼex a wajsikeʼex in yaabilaj, chaʼex u yajal tu juunal».+
6 «¿Baʼax le ku taal teʼ desierto ku yilaʼal táan u kúulul u buutsʼil,kiʼibokkíintaʼan yéetel mirra, sak inciensobey xan yéetel le jejeláas kiʼibok baʼaloʼob ku konik le máaxoʼob ku koonoloʼoboʼ?».+
7 «¡Ilawileʼex! Letiʼe nuʼukul tuʼux ku kuʼuchul máansbil Salomónoʼ.
Baʼpachtaʼan tumen 60 u túulal muʼukʼaʼan máakoʼob,letiʼobeʼ tiʼ u taaloʼob ichil le muʼukʼaʼan máakoʼob yaan Israeloʼ.+
8 Cada juntúuleʼ yaan u espada,cada juntúuleʼ kaʼansaʼan utiaʼal baʼateʼel,cada juntúuleʼ u kʼaxnakʼmaj u espadautiaʼal u kanáantkoʼob le rey tiʼ le baʼaxoʼob jeʼel u beetik loob de áakʼaboʼ».
9 «Letiʼe nuʼukul tuʼux ku kuʼuchul máansbil le rey Salomónoʼ,le nuʼukul u beetmaj yéetel u cheʼiloʼob Líbanooʼ.+
10 U mejen columnailoʼobeʼ tu beetaj de plata,le tuʼux ku naktaloʼ tu beetaj de oro.
Le tuʼux ku kutaloʼ beetaʼan yéetel lana* color morado.
Ichileʼ yéetel yaabilaj jatsʼutskíintaʼantumen u koʼoleliloʼob Jerusalén».
11 «U koʼolelileʼex u kaajil Sión,jóokʼeneʼex utiaʼal a wilkeʼex le rey Salomónoʼ,letiʼeʼ u tsʼaamaj u coronail tsʼoʼokol beel, le beetaʼabtiʼ tumen u maama+le kʼiin ka tsʼoʼok u beeloʼ,le kʼiin ka jach kiʼimakchaj u yóol u puksiʼikʼaloʼ».
Notas
^ Wa «tela beetaʼan yéetel u tsoʼotsel taman».
