El Cantar de los Cantares 5:1-16
5 «In x-kiʼichpan yaabilaj, in x-kiʼichpan novia,tsʼoʼok in wokol ichil in jardín.+
Tsʼoʼok in chʼaʼik mirra yéetel kiʼibok xíiwoʼob.+
Tsʼoʼok in túuntik in woʼoch kaab.
Tsʼoʼok in wukʼik in woʼoch vino bey xan in woʼoch leche».+
«¡K-éet bisbaileʼex, jaankeʼex!
¡Káalkuntabaʼex yéetel yaabilaj!».+
2 «Táan in wenel, pero in puksiʼikʼaleʼ maʼ táan u weenliʼ.+
¡Táan in wuʼuyik u kʼoop le xiʼipal in yaabiltmoʼ!
‹¡Jeʼekʼabten joonaj, in x-kiʼichpan yaabilaj,in x-kiʼichpan paloma, in x-kiʼichpan chʼúupal!
Tumen in pooleʼ chʼuul yéetel pʼuuljaʼ,u tsoʼotsel in pooleʼ chʼuul yéetel le síis ku tsʼáanal de áakʼaboʼ›.+
3 Tsʼoʼok in kʼexik in nookʼ,¿yaan wa túun in kaʼa kʼexik?
Tsʼoʼok in pʼoʼik in wook,¿yaan wa túun in kaʼa éekʼkuntik?
4 Le xiʼipal in yaabiltmoʼ tu luʼsaj u kʼab tu joolil le joonajoʼ,teʼ súutukoʼ joʼopʼ u kukulankil in puksiʼikʼal.
5 Teen túuneʼ líikʼen in jeʼekʼabt le joonaj tiʼ le xiʼipal in yaabiltmoʼ,ka joʼopʼ u chʼachʼajankil mirra tin kʼaboʼobyéetel joʼopʼ u chʼachʼajankil u aceiteil mirra tin dedos,chʼáajoʼob yóokʼol u cerradurail le joonajoʼ.
6 Le ka tin jeʼekʼabtaj le joonaj tiʼ le xiʼipal in yaabiltmoʼ,letiʼeʼ tsʼoʼok u lukʼliʼ, tsʼoʼok u bin.
Jach péeknaj in wóol ka tin wilaj tsʼoʼok u bin.
Máanen in kaxte, pero maʼ tin wiliʼ.+
Tin tʼanaj, pero maʼ tu núukajteniʼ.
7 Le guardiaʼob ku máanoʼob ichil le kaajoʼ tu yilenoʼob.
Letiʼobeʼ tu jatsʼenoʼob, tu beetoʼobten loob.
Le guardiaʼob ku kananoʼob yóokʼol u pakʼiloʼob le kaajoʼ tu luʼsoʼob le nookʼ* in jaymaj tin pooloʼ.
8 U koʼolelileʼex Jerusalén, jurarteʼexeʼwa ka wilkeʼex le máax in yaabiltmoʼyaan a waʼalikeʼextiʼ táan in kíimil tu yoʼolal yaabilaj».
9 «X-kiʼichpan chʼúupal,¿baʼaxten maas maʼalob le máax a yaabiltmaj tiʼ u maasil xiʼipalaloʼoboʼ?
¿Baʼaxten maas maʼalob le máax a yaabiltmajle oʼolal ka beetik k-jurartiktech leloʼ?».
10 «Jach kiʼichkelem le xiʼipal in yaabiltmoʼ yéetel chakxikeʼen u yilaʼal.
Tak ich diez mil máakoʼobeʼ chíikaʼan u yilaʼal.
11 U pooleʼ bey jeʼex oroeʼ, bey jeʼex le maʼalob orooʼ.
U tsoʼotsel u pooleʼ bey u leʼ palmera* le kéen péeksaʼak tumen iikʼeʼ.
U tsoʼotsel u pooleʼ sen boox jeʼex le cuervooʼ.*
12 U yichoʼobeʼ bey jeʼex le palomaʼob yanoʼob tu jáal le jaʼoboʼ,táan u yichkíiloʼob ich leche,tʼuchukbaloʼob teʼ tuʼux ku tuul jaʼoʼ.
13 U pʼuʼukoʼobeʼ bey junpʼéel era tuʼux yaan kiʼibok xíiwoʼobeʼ,+bey kaʼamúuchʼ kiʼibok xíiwoʼobeʼ.
U chiʼeʼ bey junpʼéel lirio tuʼux ku chʼachʼajankil u aceiteil mirraeʼ.+
14 U dedosil u kʼaboʼobeʼ de oro, u yíichʼakoʼobeʼ bey u jatsʼuts tuunichil crisólitoeʼ.
U nakʼeʼ bey junpʼéel marfil ku léembal yéetel adornartaʼan yéetel u jatsʼuts tuunichil zafiroeʼ.
15 U yookoʼobeʼ bey jeʼex le columnaʼob beetaʼan yéetel mármoloʼ, le baseʼob tuʼux etsʼekbaloʼoboʼ beetaʼan yéetel maʼalob oro.
Letiʼeʼ kiʼichkelem jeʼex le Líbanooʼ, kaʼanal jeʼex le cedroʼoboʼ.+
16 U chiʼeʼ jach táaj chʼujuk,tuláakal baʼal jatsʼuts in wilik tiʼ letiʼ.+
U koʼolelileʼex Jerusalén, bey le máax in yaabiltmoʼ, bey le xiʼipal in yaabiltmoʼ».
Notas
^ Wa «in velo».
^ Uláakʼ bix u traducirtaʼaleʼ «bey junpʼéel racimo higoʼob».
^ Le chʼíichʼaʼ chíikaʼan tiʼ kʼaʼaw, chéen baʼaleʼ maas nojoch.
