El Cantar de los Cantares 6:1-13
6 «X-kiʼichpan chʼúupal,¿tuʼux bin le xiʼipal a yaabiltmoʼ?
¿Tuʼux banda bin le máax a yaabiltmoʼ?
Jeʼel k-áantkech a kaxteʼ».
2 «Le xiʼipal in yaabiltmoʼ tsʼoʼok u bin tu jardín,teʼ tuʼux yaan le eraʼob chuup yéetel kiʼibok xíiwoʼoboʼ,tu bisaj janal u yalakʼ tamanoʼob teʼ jardínoʼoboʼ,bin u tʼok u lool le lirioʼoboʼ.+
3 Le xiʼipal in yaabiltmoʼ in tiaʼal,teen xaneʼ u tiaʼalen.+
Letiʼeʼ tiʼ ku kanan taman ichil le lirioʼoboʼ».+
4 «In x-kiʼichpan yaabilaj,+ jach jatsʼuts a wilaʼal jeʼex u kaajil Tirzáeʼ,+jach jatsʼuts a wilaʼal jeʼex u kaajil Jerusaléneʼ,+ka wilaʼal bey jeʼex junpʼéel ejército mix máak jeʼel u páajtal tu yéeteleʼ.+
5 Maʼ u seguer a paktiken,+tumen ka beetik u sen kukulankil in puksiʼikʼal.
U tsoʼotsel a pooleʼ bey jeʼex u múuchʼ chivoʼobtáan u taal u yéemloʼob tu ebekníixiloʼob Galaadeʼ.+
6 A kojoʼobeʼ bey u múuchʼ tamanoʼobtáant u yisíinsaʼaloʼobeʼ,tuláakloʼobeʼ gemeloʼob ku síijsiko’ob,yéetel mix juntúul tiʼ letiʼob tsʼoʼok u perdertik u mejniliʼ.
7 Le a pʼuʼukoʼob* pixaʼan tumen a velooʼbeyoʼob kaʼa búuj granadaeʼ.
8 Kex ka yanak 60 reinaʼob,80 atantsiloʼob*bey xan yaʼab uláakʼ x-chʼúupalaloʼobeʼ,+
9 chéen juntúul in x-kiʼichpan paloma,+ chéen juntúul in x-kiʼichpan chʼúupal.
Letiʼ le maas yaabiltaʼan tumen u maamaoʼ.
Letiʼ u consentida le máax síijsoʼ.
Le kéen ilaʼak tumen le x-chʼúupalaloʼoboʼ ku yaʼalaʼaltiʼ kiʼimak u yóol.
Ku alabartaʼal tumen reinaʼob yéetel tumen atantsiloʼob.
10 ‹¿Máax le x-chʼúupal jach jatsʼuts u yilaʼal jeʼex u juul le Kʼiin le táan u sáastaloʼyéetel jach táaj jatsʼuts jeʼex le luna llenaoʼ?
¿Máax le x-chʼúupal jach jatsʼuts bey jeʼex u sáasilil le Kʼiinyéetel bey junpʼéel ejército mix máak jeʼel u páajtal tu yéeteleʼ?›».+
11 «Binen teʼ jardín tuʼux yaan u matailoʼob nogales+utiaʼal in wilik bix u nojochtal le cheʼob yaan teʼ táax luʼumoʼ,utiaʼal in wilik wa tsʼoʼok u káajal u tíipʼil u kʼuʼukʼ le uvaoʼyéetel wa táan u loolankil le granadasoʼ.
12 Antes in tsʼáaik cuentaeʼle baʼax kin tsʼíiboltikoʼ tu beetaj in wantal naatsʼ tiʼ u carroiloʼob baʼateʼelutiaʼal le tsʼuuloʼob yaan tin kaajaloʼ».
13 «¡Suunen sulamita, suunen!
¡Suunakech, suunakech,utiaʼal ka k-ilech tu kaʼatéen!».
«¿Baʼaxten taak a kaʼa ilkeʼex le sulamitaoʼ?».+
«¡Letiʼeʼ bey jeʼex le óokʼot ku beetaʼal Maanaimoʼ!».*
Notas
^ Wa «sienoʼob».
^ Ich hebreoeʼ ku yaʼalaʼal kaʼach «concubinaʼob». Ilawil «Concubina», página 2559.
^ Wa «bey kaʼajaats máakoʼob táan u yóokʼotoʼobeʼ».
