El Cantar de los Cantares 7:1-13
7 «¡Utsul x-chʼúupal,jach jatsʼuts u yilaʼal a wookoʼob yéetel le xanab a takmoʼ!
A caderaeʼ bey junpʼéel jatsʼuts adornobeetaʼan tumen juntúul máax jach maʼalob u meyajeʼ.
2 A tuucheʼ bey junpʼéel chan jatsʼuts wóolis tazaeʼ,mantatsʼ chuup yéetel vino.
A nakʼeʼ bey u chan nikiʼ trigoyaan lirioʼob tu baʼpacheʼ.
3 A wiimoʼobeʼ bey kaʼatúul mejen kéejoʼobeʼ,bey u mejen gemeloʼob juntúul x-nuk kéejeʼ.+
4 A kaaleʼ+ bey junpʼéel torre beetaʼan yéetel marfileʼ.+
A wichoʼobeʼ+ jatsʼutstak jeʼex u jaʼiloʼob Esbón+yaan tu tojil u joonajil Bat-rabimeʼ.
A niʼeʼ bey jeʼex u torreil Líbanoeʼ,le yaan tu tojil Damascooʼ.
5 A pooleʼ jatsʼuts u yilaʼal jeʼex le montaña ku kʼaabaʼtik Carmelooʼ,+u chowakil u tsoʼotsel a pooleʼ+ bey lana* color moradoeʼ.+
Le reyoʼ hasta ku saʼatal u yóol le kéen u yil u wiltaʼal u tsoʼotsel a pool.
6 ¡In x-kiʼichpan yaabilaj, jach kiʼichpanech yéetel jatsʼuts a modos,jach táaj jatsʼutsech maas ke tiʼ u maasil baʼaloʼob jatsʼutstakoʼ!
7 Kaʼanal a baakel jeʼex junkúul palmeraeʼ,a wiimoʼobeʼ bey kaʼapʼéel racimo u yich palmeraeʼ.+
8 Teneʼ tin waʼalaj: ‹Yaan in naʼakal teʼ palmerautiaʼal in tʼokik u yichoʼ›.
A wiimoʼobeʼ ka pʼáatkoʼob bey u pʼóopʼochal uvaeʼ,a múus iikʼeʼ bey kiʼibok manzanaʼobeʼ
9 yéetel a chiʼeʼ bey maʼalob vinoeʼ».
«Ka taalak u chaambel yáalal utiaʼal le xiʼipal in yaabiltmoʼ,ka chaambel yáalak tu chiʼ le máaxoʼob táan u weenloʼoboʼ.
10 Teneʼ u tiaʼalen le xiʼipal in yaabiltmoʼ,+letiʼeʼ jach ku tsʼíiboltken.
11 In kiʼichkelem yaabilaj,koʼox teʼ táankaboʼ,koʼox jeʼelel teʼ tuʼux yaan u mejen matailoʼob alheñaoʼ.+
12 Maʼ sáasak le kéen líiʼkoʼon utiaʼal ka xiʼikoʼon teʼ tuʼux pakʼaʼan uvaoʼutiaʼal k-ilik wa tsʼoʼok u tíipʼil u kʼuʼukʼ,wa tsʼoʼok u káajal u xíitil le looloʼoboʼ,+wa tsʼoʼok u loolankil le granadasoʼ.+
Teʼeloʼ tiʼ ken in weʼestech bukaʼaj in yaabiltmilechiʼ.+
13 Le mandrágorasoʼ*+ kiʼibok u yuʼubaʼal u book.
Tu jool k-otocheʼ yaan tuláakal u maas maʼalobil u yich cheʼiʼ.+
Le táant u tʼoʼokol bey xan le maʼatechoʼ,in líiʼsmaj utiaʼal in tsʼáatech, in kiʼichkelem yaabilaj.
