Efesios 2:1-22
2 Dioseʼ tu kaʼa kuxkíinteʼex kex bey kimeneʼex kaʼach tu yoʼolal a kʼebaneʼexeʼ.+
2 Teʼex kaʼacheʼ ka kuxtaleʼex jeʼex u beetik u máakiloʼob le yóokʼol kaabaʼ,+ jeʼex uts tu tʼaan u gobernanteil le iikʼ controlartik le máakoʼoboʼ.+ Lelaʼ letiʼe iikʼ wa tuukul+ ku meyaj ichil le máaxoʼob maʼatech u yuʼubikoʼob tʼaanoʼ.
3 U jaajileʼ le tiaʼanoʼon kaʼach ichiloʼobeʼ tuláakloʼon k-nuʼuktikba yéetel u tsʼíibolal k-wíinklil,+ táan k-tsʼoʼokbesik kaʼach u tsʼíibolal k-wíinklil bey xan le baʼaxoʼob yaan t-tuukul kaʼachoʼ.+ Le oʼolaleʼ k-náajmatik kaʼach ka u yeʼestoʼon u pʼujaʼanil Dios+ jeʼex u yeʼesik tiʼ u maasil máakoʼoboʼ.
4 Chéen baʼaleʼ Dioseʼ jach nojoch u chʼaʼ óotsilal,+ yéetel tumen jach nojoch le yaabilaj tu yeʼesajtoʼonoʼ+
5 tu kuxkíintoʼon junmúuchʼ yéetel Cristo kex kimenoʼon kaʼach tu yoʼolal k-kʼebanoʼob+ (teʼexeʼ yoʼolal nojoch utsil salvartaʼabeʼex).
6 Chéen baʼaleʼ maʼ chéen leloʼ, Dioseʼ tu múuchʼ líiʼsoʼon yéetel tu múuchʼ kukíintoʼon teʼ kaʼanilbeʼen lugaroʼob junmúuchʼ yéetel Cristo Jesúsoʼ.+
7 Beyoʼ teʼ yóokʼol kaab kun taaloʼ yaan u yeʼesiktoʼon u sen nojoch utsil tu yoʼolal le utsul modos tu yeʼesajtoʼon junmúuchʼ yéetel Cristo Jesúsoʼ.
8 Le nojoch utsilaʼ tsʼoʼok u beetik a salvartaʼaleʼex tu yoʼolal a fejeʼex;+ lelaʼ maʼ tiʼ teʼex u taaliʼ, baʼaxeʼ u siibal Dios.
9 U jaajileʼ le salvaciónoʼ maʼ tu taal tu yoʼolal baʼax ku beetik máak,+ utiaʼal beyoʼ maʼ u yantal baʼax oʼolal u nojbaʼalkúuntkuba máak.
10 Toʼoneʼ Dios beetmiloʼon;+ tumen u discípuloʼon Cristo Jesúseʼ+ beetaʼaboʼon utiaʼal ka k-beet le baʼaloʼob maʼalobtak u yaʼalmiliʼ Diosoʼ.
11 Teʼex sijnáaleʼex táanxel luʼumileʼ kʼaʼajakteʼexeʼ le máaxoʼob circuncidartaʼanoʼob* tumen wíinikoʼoboʼ ku yaʼalikoʼob kaʼacheʼ teʼexeʼ máakoʼob maʼ circuncidartaʼanoʼobiʼ.
12 Teʼ kʼiinoʼob jeʼeloʼ maʼ a kʼaj óoleʼex kaʼach Cristoiʼ, náachchajaʼaneʼex tiʼ u kajnáaliloʼob Israel yéetel maʼ táakpajaʼaneʼex tiʼ le pactoʼob yaan yil yéetel u promesa Diosoʼ.+ Teʼ yóokʼol kaabaʼ mix baʼal maʼalob kaʼach ka páaʼtkeʼex yéetel minaʼan a Dioseʼex.+
13 Chéen baʼaleʼ beora u discípuloʼex Cristo Jesúsaʼ, teʼex máaxeʼex náachchajaʼaneʼex kaʼacheʼ, tsʼoʼok a náatsʼleʼex tiʼ Dios tu yoʼolal u kʼiʼikʼel Cristo.
14 Tumen letiʼ tsʼáaiktoʼon jeetsʼelil,+ letiʼ muchʼkíint le kaʼajaats máakoʼobaʼ+ yéetel letiʼ xan nik le pakʼ separarkeʼex kaʼachoʼ.+
15 Úuchik u kʼubik u wíinklileʼ tu xuʼulsaj le baʼax beetik k-pʼektikbaoʼ —le Ley ku yaʼaliktoʼon baʼaxoʼob unaj k-beetkoʼ— utiaʼal beyoʼ yéetel le kaʼajaats máakoʼobaʼ ka u beet junpʼéel túumben kaaj*+ utiaʼal ka yanak junmúuchʼ tu yéetel, bey xan utiaʼal ka u taas jeetsʼelil.
16 Úuchik u kíimil tu cheʼil le muʼyajoʼ* tu beetaj xan u kaʼa biskuba yéetel Dios le kaʼajaats máakoʼob nupaʼanoʼob ichil junpʼéeliliʼ kaajoʼ,+ úuchik u kíimileʼ tu luʼsaj le baʼax beetik u pʼektikubaʼob kaʼachoʼ.+
17 Cristoeʼ taaleʼ ka tu tsikbaltajteʼex le maʼalob baʼaloʼob yaan yil yéetel jeetsʼeliloʼ, tu tsikbaltaj tiʼ le máaxoʼob náach yaniloʼoboʼ bey xan tiʼ le máaxoʼob naatsʼ yaniloʼoboʼ.
18 Tumen tu yoʼolal letiʼeʼ, toʼon tu kaʼapʼéel kaajiloʼoneʼ, ku páajtal k-natsʼikba tu yiknal le Taata tu yoʼolal le espíritu santooʼ.
19 Tu yoʼolal lelaʼ teʼexeʼ maʼ uʼulabeʼexiʼ mix j-táanxel luʼumileʼexiʼ,+ baʼaxeʼ u yéet kaajaleʼex+ le máaxoʼob santoʼoboʼ, táakpajaʼaneʼex ichil le máaxoʼob yanoʼob ichil u yotoch Diosoʼ,+
20 yéetel tsʼoʼok a líiʼsaʼaleʼex yóokʼol le chuunpakʼ tu tsʼáaj le apóstoloʼob yéetel le profetaʼoboʼ.+ Le nojoch tuunich yéeyaʼab utiaʼal le chuunpakʼaʼ Cristo Jesús.+
21 Junmúuchʼ tu yéeteleʼ tuláakal le naj ku nuʼupul maʼalob u xéexetʼaloʼ+ táan u bin u nojochtal utiaʼal ka suunak junpʼéel santo templo utiaʼal Jéeoba.*+
22 Junmúuchʼ tu yéetel Cristoeʼ teʼex xaneʼ táan a múuchʼ líiʼsaʼaleʼex utiaʼal ka suunakeʼex junpʼéel lugar utiaʼal u kajtal Dios yoʼolal u espíritu santo.+
Notas
^ Ilawil página 2559.
^ Ich griegoeʼ ku yaʼalaʼal «juntúul túumben máak».
^ Ilawil «U cheʼil muʼyaj», página 2584.
^ Ilawil página 2566.
