Ezequiel 15:1-8
-
Jerusaléneʼ bey uva maʼ pataleʼ (1-8)
15 Jéeobaeʼ tu kaʼa tʼaneneʼ ka tu yaʼalajten:
2 «U paal máak, ¿maas wa maʼalob u cheʼil le uva tiʼ u maasil cheʼoboʼ? ¿Maas wa maʼalob tiʼ u kʼab le cheʼob yanoʼob teʼ kʼáaxoʼ?
3 ¿Yaan wa baʼax jeʼel u páajtal u beetaʼal yéetel u cheʼil le uvaoʼ? ¿Ku beetaʼal wa junpʼéel gancho tu yéetel utiaʼal u chʼuykíintaʼal baʼaloʼob?
4 Jeʼex a wojliloʼ ku meyaj utiaʼal u tʼaʼabal kʼáakʼ, le kéen puʼuluk ich kʼáakʼeʼ ku yelel u paacheʼ ku suut chúukil u tsʼuʼ. Le kéen tsʼoʼokkeʼ, ¿jeʼel wa u meyaj utiaʼal u beetaʼal junpʼéel wa baʼaxeʼ?
5 Wa antes u yelel mix baʼal u biilaleʼ, ¿kux túun beora tsʼoʼok u yelelaʼ?».
6 «Jéeoba, le máax yaan tuláakal autoridad tiʼoʼ, ku yaʼalik: ‹Jeʼex u cheʼil le uva yaan teʼ kʼáax in tsʼaamaj utiaʼal meyaj bey siʼoʼ u kajnáaliloʼob Jerusalén xaneʼ yaan in beetik u pʼáatloʼob bey siʼ utiaʼal u tʼaʼabal kʼáakʼeʼ.+
7 Teneʼ tsʼoʼok in líikʼil tu contraʼob. Beoraaʼ tsʼoʼok u púutsʼloʼob tiʼ le kʼáakʼoʼ, chéen baʼaleʼ deporsi yaan u tóokaʼaloʼob tumen kʼáakʼ. Le kéen in castigartoʼobeʼ tiʼ ken a wojéelteʼex máax Jéeobaiʼ›».+
8 «Jéeoba, le máax yaan tuláakal autoridad tiʼoʼ, ku yaʼalik: ‹Teneʼ yaan in chʼéejsik u kajnáaliloʼob le luʼumoʼ+ tumen letiʼobeʼ tsʼoʼok u xúumpʼattikenoʼob›».+
