Ezequiel 2:1-10
2 Letiʼeʼ tu yaʼalajten: «U paal máak,* waʼalen utiaʼal ka tʼaanaken ta wéetel».+
2 Le ka tu tʼaneneʼ taal u poder Dios tin wóokʼoleʼ ka tu beetaj in waʼatal+ utiaʼal in chʼenxikintik le máax ku tʼaan tin wéeteloʼ.
3 Letiʼeʼ tu yaʼalajten: «U paal máak, táan in túuxtikech tu yiknal u kaajil Israel,+ kaajoʼob* jach tercoʼob yéetel tsʼoʼok u tsʼáaikubaʼob tin contra.+ Letiʼob yéetel u yúuchben láakʼtsiloʼobeʼ tak bejlaʼa maʼatech u tsʼoʼokbeskoʼob baʼax kin waʼalikeʼ.+
4 Táan in túuxtikech tu yiknal paalaloʼob tercoʼob yéetel chich u puksiʼikʼaloʼob.+ Techeʼ unaj a waʼaliktiʼob: ‹Lelaʼ letiʼe baʼax ku yaʼalik Jéeoba, le máax yaan tuláakal autoridad tiʼoʼ›.
5 Letiʼobeʼ junpʼéel kaaj jach tercoʼob,+ wa ku chʼenxikintikechoʼob wa maʼeʼ letiʼobeʼ bíin u yojéeltoʼob yanchaj juntúul profeta ichiloʼob.+
6 Kex beyoʼ techeʼ maʼ a chʼaʼik saajkil tiʼ letiʼob+ mix tiʼ le baʼaxoʼob ku yaʼalikoʼoboʼ. Maʼ a chʼaʼik saajkil kex baʼpachtaʼanech tumen kʼiʼixoʼob,*+ yéetel kex kajaʼanech ichil síinaʼanoʼob. Maʼ a sajaktal tiʼ baʼax ku yaʼalikoʼob+ mix a kikilankil tu yoʼolal bix u paktikechoʼob,+ letiʼobeʼ deporsi jach tercoʼob.
7 Letiʼobeʼ junpʼéel kaaj jach tercoʼob, kex ka u chʼenxikintikechoʼob wa maʼeʼ techeʼ unaj a tsʼáaik u yojéeltoʼob baʼax kin waʼalik.+
8 Chéen baʼaleʼ u paal máak, techeʼ chʼenxikint baʼax kin waʼalik. Maʼ a beetkaba jeʼex le kaaj jach tercoaʼ. Jap a chiʼeʼ ka a jaant le baʼax kin tsʼáaiktechaʼ».+
9 Le ka paakatnajeneʼ tin wilaj yaan máax u tichʼmaj u kʼab tin tojil,+ letiʼeʼ u machmaj junpʼéel rollo.*+
10 Letiʼeʼ tu chóolaj le rollo tin táanoʼ, lelaʼ tsʼíibtaʼan tu kaʼatséelil.+ Teʼ rollooʼ tsʼíibtaʼan kʼaayoʼob jach tristeʼobiʼ, kʼaayoʼob ku beetik u yaatal u yóol máak bey xan u yokʼol máak.+
Notas
^ Ilawil «U paal máak», página 2586.
^ Teʼelaʼ maʼ xaaneʼ táan u yúuchul tʼaan tiʼ u kaajil Israel yéetel Judá.
^ Uláakʼ bix u traducirtaʼaleʼ «máakoʼob beyoʼob baʼaloʼob yaan u puntaʼob yéetel ku lomkechoʼobeʼ».
^ Ilawil página 2577.
