Job 24:1-25
24 ¿Baʼaxten le Máax jach táaj yaan u poderoʼ maʼ tu tsʼáaik u kʼiinil u beetik juicio?+
¿Baʼaxten le máaxoʼob kʼaj óoltmiloʼ maʼ tu yilkoʼob u kʼiinil u juicio?
2 Le máakoʼoboʼ ku jutsʼkoʼob le marca eʼesik tuʼux naakal u terrenoʼoboʼ,+yéetel ku yoklikoʼob tamanoʼob utiaʼal u tsʼáaikoʼob ichil u tiaʼaloʼobiʼ.
3 Ku chʼaʼikoʼob u yalakʼ burro le paalaloʼob minaʼan u papáʼoboʼ,ku chʼaʼikoʼob xan u yalakʼ wakax le viuda bey junpʼéel garantía tu yoʼolal le baʼax ku kʼáatik u majáantoʼ.+
4 Ku obligarkoʼob lukʼul yóoʼ bej le máakoʼob óotsiloʼoboʼ,le máaxoʼob minaʼan mix máak defenderkoʼoboʼ kʼaʼabéet u taʼakikubaʼob tiʼ letiʼob.+
5 Le óotsiloʼoboʼ ku máan u kaxt baʼal u jaantoʼob jeʼex u beetik le burroʼob*+ teʼ desiertooʼ.
Ku máan u kaxtoʼob tiʼ junpʼéel desierto le baʼax ken u tsʼáa tiʼ u paalaloʼob u jaantoʼoboʼ.
6 Kʼaʼabéet u cosecharoʼob tu terreno uláakʼ máakyéetel kʼaʼabéet u bin u meentsʼultoʼob* uva ichil u paakʼal le kʼasaʼan máakoʼ.
7 Chaknuuloʼob* u máanskoʼob le áakʼaboʼ, minaʼan u nookʼoʼob.+
Minaʼan mix baʼal utiaʼal u pixkubaʼob tiʼ le keʼeloʼ.
8 Ku chʼuʼululoʼob tumen le jaʼ ku taal teʼ montañaʼoboʼ.
Ku takʼtaloʼob tiʼ le tuunichoʼoboʼ tumen minaʼan mix baʼal u pixkubaʼob.
9 Le paalaloʼob minaʼan u papáʼoboʼ ku toʼokloʼob tiʼ u maamaʼob.+
Le máaxoʼob óotsiloʼoboʼ ku chʼaʼabal u nookʼoʼob bey junpʼéel garantía tu yoʼolal le baʼax ku kʼáatik u majáantoʼoboʼ.+
10 Ku obligartaʼaloʼob máan chaknuulil, x-maʼ nookʼil.
Wiʼijoʼob mientras táan u púutkoʼob le baʼax ku cosechartaʼaloʼ.
11 Kex jach choko kʼiineʼ u tsʼaamaj u yóoloʼob meyaj teʼ tuʼux pakʼaʼan le uvaoʼ.
Kex letiʼob yayaʼchaʼatik le uva utiaʼal u jóokʼol u kʼaaboʼ, táan u kíimloʼob yéetel ukʼaj.+
12 Le máakoʼob taʼaytak u kíimloʼoboʼ táan u yáakamoʼob teʼ kaajoʼ,le máaxoʼob loobiltaʼanoʼob yéetel taʼaytak u kíimloʼoboʼ táan u kʼáatkoʼob áantaj,+pero Dioseʼ maʼ kʼaas u yilik baʼax ku yúuchliʼ.
13 Yaan máakeʼ u pʼekmaj le sáasiloʼ,+maʼ u kʼaj óol u beel le sáasiloʼ,mix juntéen xíimbalnak tu bejil le sáasiloʼ.
14 Le máax ku kíimsik máakoʼ ku líikʼil kéen sáasak,ku kíimsik le máax óotsiloʼ bey xan le minaʼan mix máak defenderkoʼ,+tsʼoʼoleʼ kéen áakʼabchajkeʼ ku bin ookol.
15 Le máax ku tusik u yatanoʼ ku páaʼtik u yáakʼabtal+tumen ku tuklik: ‹Mix máak kun ilken›,+tsʼoʼoleʼ ku pixik u yich.
16 De áakʼabeʼ ku kaxtik bix u yookloʼob teʼ najoʼoboʼ,de kʼiineʼ ku kʼalkubaʼob.
U pʼeekoʼob le sáasiloʼ.+
17 De kʼiineʼ saajkoʼob jeʼex u maasil máakoʼob saajkoʼob de áakʼaboʼ,letiʼobeʼ suuk u máanoʼob de áakʼab, maʼ saajkoʼob jeʼex u maasil máakoʼoboʼ.
18 Pero jeʼex séebaʼanil u bisaʼal junpʼéel baʼal tumen jaʼeʼ, bey u bisaʼaloʼoboʼ.
Yaan u maldecirtaʼal u terrenoʼob.+
Maʼ kun suut u yiloʼob u pakʼal uvaʼob.
19 Tu tiempoil yáaxkʼiin yéetel tu tiempoil ooxoleʼ ku saʼapʼal u jaʼil le nieve ku yíibiloʼ,¡bey xan u beetik le Muknal* tiʼ le máax ku kʼebantaloʼ!+
20 Yaan u tuʼubsaʼal tumen u maama, yaan u jaantaʼal tumen x-nookʼol.
Mix máak kun kʼaʼajsik.+
Le máax beetik baʼax kʼaasoʼ yaan u xuʼulsaʼal jeʼex u xuʼulsaʼal junkúul cheʼ kéen kaʼachkeʼ.
21 Ku atacartik le koʼolel maʼ tu páajtal u yantal u paalaloʼ,yéetel ku beetik kʼaas tiʼ le viudaoʼ.
22 Dioseʼ yaan u meyajtiʼ u poder utiaʼal u xuʼulsik le máakoʼob yaan páajtalil tiʼoboʼ,kex wa ku kaʼa antal páajtalil tiʼobeʼ, maʼ seguro u kuxtaloʼobiʼ.
23 Dioseʼ ku chaʼik u confiarkubaʼob yéetel u tuklikoʼob tuláakal maʼalob yanil,+pero letiʼeʼ táan u yilik le baʼax ku beetkoʼoboʼ.+
24 Chéen junsúutuk ku páajtal u creerkubaʼob, tsʼoʼoleʼ ku xuʼulsaʼaloʼob.+
Ku xoʼotloʼob jeʼex u xoʼotol le trigo ku cosechartaʼaloʼ,ku lúubloʼob+ yéetel ku kíimloʼob jeʼex u maasileʼ.
25 Beora túunaʼ, ¿máax jeʼel u yeʼesik táan in tuuswa u yeʼesik maʼ jaaj baʼax kin waʼalikeʼ?».
Notas
^ Wa «burro salvaje». Lelaʼ junpʼéel clase burro maʼ suukbesaʼaniʼ yéetel chéen tiʼ kʼáax wa tiʼ desierto ku máan.
^ U kaxtaʼal u yalab le baʼax tsʼoʼok u cosechartaʼaloʼ.
^ Tuláakʼ tuʼuxeʼ ku yaʼalaʼal «píitis».
^ Ilawil página 2572.
