Job 3:1-26
3 Ka tsʼoʼok túuneʼ Jobeʼ káaj u maldecirtik le kʼiin ka síijoʼ.+
2 Letiʼeʼ tu yaʼalaj:
3 «Kin maldecirtik le kʼiin ka síijenoʼ,+bey xan le áakʼab ka aʼalaʼab: ‹¡Tsʼoʼok u síijil juntúul chan xiʼipal!›.
4 Éeʼjochʼeʼenchajak le kʼiin jeʼeloʼ,tuʼubsaʼak tumen Dios.
Junpuliʼ maʼ u yantal sáasil teʼ kʼiin jeʼeloʼ.
5 Jach éeʼjochʼeʼenchajak le kʼiin jeʼeloʼ,piʼixik tumen junpʼéel box múuyal.
Jach táaj éeʼjochʼeʼenchajak utiaʼal ka xuʼuluk u yantal sáasil teʼ kʼiin jeʼeloʼ.
6 Jach éeʼjochʼeʼenchajak le áakʼab jeʼeloʼ.+
Maʼ u yantal kiʼimak óolal teʼ kʼiin jeʼeloʼ.
Junpuliʼ maʼ u chíikpajal ichil le mesoʼoboʼ.
7 Maas maʼalob kaʼach maʼ u síijil mix máak teʼ áakʼab jeʼeloʼ,yéetel maʼ u kiʼimaktal u yóol mix máakiʼ.
8 Le máaxoʼob maldecirtik le kʼiinoʼob wa le máaxoʼob jeʼel u páajtal u controlarkoʼob le cocodrilooʼ,*+ka u maldecirtoʼob le áakʼab jeʼeloʼ.
9 Maʼ u juul kaʼach le estrellaʼob teʼ áakʼab jeʼeloʼ,ka pʼáatak kaʼach chéen kunel u páaʼtik u sáastal,yéetel maʼ u yilik u juul le Kʼiinoʼ.
10 ¿Baʼaxten tu síijsen in maama teʼ kʼiin jeʼeloʼ?+
Bejlaʼa kaʼach maʼ táan in muʼyajeʼ.
11 ¿Baʼaxten maʼ kíimen le ka síijenoʼ?
¿Baʼaxten maʼ kíimen le jach táan in síijiloʼ?+
12 ¿Baʼaxten tu tsʼáajen in maama tu yóokʼol u píixoʼob?
¿Baʼaxten yanchaj máax tsʼáaik in chuʼuch?
13 Bejlaʼa kaʼach chilikbalen yéetel mix baʼal chiʼichnakkúuntikeneʼ.+
Bejlaʼa táan kaʼach in wenel yéetel táan in kiʼi jeʼelel+
14 junmúuchʼ yéetel reyoʼob bey xan yéetel le máaxoʼob aconsejarkoʼoboʼ,le máaxoʼob tu beetoʼob nukuch lugaroʼob utiaʼal u muʼukloʼoboʼ,
15 wa junmúuchʼ yéetel le príncipeʼob yaʼab oro yaantiʼoboʼ, le máaxoʼobchuup u yotochoʼob yéetel plataoʼ.
16 ¿Baʼaxten maʼ abortartaʼaben ka kíimkenjeʼex le mejen paalaloʼob mix juntéen tu yiloʼob sáasiloʼ?
17 Teʼ muknaloʼ tak le kʼasaʼan máakoʼob ku xuʼulul u chiʼichnaktaloʼoboʼ.
Teʼeloʼ le máaxoʼob kaʼanaʼanoʼoboʼ ku jeʼeleloʼob.+
18 Teʼeloʼ le esclavoʼoboʼ ku múul jeʼeleloʼobtumen minaʼan mix máak obligarkoʼob meyaj.
19 Teʼeloʼ igual yanil le ayikʼaloʼob yéetel le óotsiloʼoboʼ,+tak le máax esclavo kaʼachoʼ ku pʼáatal libre.
20 ¿Baʼaxten ku chaʼik Dios u seguer u kuxtal* le máax táan u muʼyajoʼ?
¿Baʼaxten ku chaʼik u seguer u kuxtal le máax jach yaj baʼax ku yúuchultiʼoʼ?+
21 ¿Baʼaxten kex ku tsʼíiboltik u kíimloʼobeʼ maʼ tu kíimloʼob?+
Kex jach u tsʼaamaj u yóol u kaxtoʼob maas ke tiʼ u kaxtaʼal junpʼéel tesoro.
22 Letiʼobeʼ ku kiʼimaktal u yóoloʼob,jach ku kiʼimaktal u yóoloʼob kéen kʼuchuk u kʼiinil u binoʼob yáanal luʼum.
23 ¿Baʼaxten ku chaʼik u seguer u kuxtal* le máax saatal bej tiʼoʼ,le máax kʼalaʼan u paach tumen Diosoʼ?+
24 Le baʼax kin muʼyajtikoʼ tsʼoʼok u pʼáatal bey in woʼocheʼ,+in wáakameʼ+ minaʼan xuʼulultiʼ bey u sayabil jaʼeʼ.
25 Tumen tsʼoʼok u taal tin wóokʼol le baʼax beetik in sajaktaloʼ,tsʼoʼok u lúubul tin wóokʼol le baʼax beetik in kikilankiloʼ.
26 Maʼ yanakten kiʼimak óolaliʼ, maʼ xuʼuluk in muʼyajiʼ, maʼ páajchajak in jeʼeleliʼ,junpuliʼ maʼ chaʼabak in chʼaʼik in wiikʼiʼ».
Notas
^ Wa «Leviatán». Ilawil «Leviatán», página 2569.
^ Ich hebreoeʼ ku yaʼalaʼal kaʼach «ku tsʼáaik sáasil tiʼ».
^ Ich hebreoeʼ ku yaʼalaʼal kaʼach «ku tsʼáaik sáasil tiʼ».
