Job 31:1-40
31 In chʼaʼtukultmaj junpuliʼ* maʼ in paktik+juntúul x-chʼúupal utiaʼal in tsʼíiboltik.+
2 Wa kin beetkeʼ, ¿baʼax boʼolil ken u tsʼáaten Dios?
¿Baʼax ken u beetten le Máax jach táaj yaan u poderoʼ?
3 ¿Maʼ wa yaan u castigartaʼal le máax kʼasaʼanoʼ?
¿Maʼ wa yaan u xuʼulsaʼal le máaxoʼob ku beetkoʼob baʼax maʼ maʼaloboʼ?+
4 ¿Maʼ wa tu jach ilik baʼax bejil kin bisik+bey xan tuláakal tuʼux kin xíimbal?
5 ¿Jaytéen tsʼoʼok in tuus?*
¿Jaytéen tsʼoʼok in tusik wa máax?+
6 Wa ka u pesarten Dios tiʼ junpʼéel maʼalob balanzaeʼ,+jeʼel u yilik chúukaʼan in wóol in beet baʼax maʼalobeʼ.+
7 Wa ku xuʼulul in bin tiʼ maʼalob bej,+wa ku táabsaʼal in puksiʼikʼal tumen baʼaxoʼob kin wilik,+wa in kʼaboʼob tsʼoʼok u beetkoʼob baʼax maʼ maʼalobeʼ,
8 jaantaʼak tumen yaanal máak le baʼax in pakʼmoʼ,+yéetel jóokpaytaʼak le baʼax in pakʼmoʼ.
9 Wa tsʼoʼok u táabsaʼal in puksiʼikʼal tumen juntúul koʼolel,+yéetel kin chʼúuktik+ u yatan in wéet máakileʼ,
10 juuchʼnak in watan utiaʼal yaanal xiib,yéetel chilak yaanal xiiboʼob tu yéetel.+
11 Tumen wa ka in beeteʼ jach suʼtsil,leloʼ junpʼéel baʼal jeʼel u beetik u castigartaʼal máak tumen le juezoʼoboʼ.+
12 Jeʼex junpʼéel kʼáakʼ ku tóokik yéetel ku kʼaskúuntik tuláakal baʼaleʼ,+bey ken u xuʼulsil tuláakal baʼax yaanten.
13 Wa maʼ tin beetaj justicia tiʼ le máaxoʼob ku meyajoʼob tin wotochoʼ,yéetel wa táan u quejarkubaʼob tin contraeʼ,
14 ¿baʼax ken in beet le kéen líikʼik Dios tin contra?
¿Baʼax ken in núuktiʼ le kéen u kʼáatten baʼaxoʼob in beetmaj?+
15 Le Máax formarten ichil u nakʼ in maamaoʼ, ¿maʼ wa letiʼ formartoʼob xaniʼ?+
¿Maʼ wa letiʼ formartoʼon antes tiʼ k-síijiliʼ?*+
16 Teneʼ tin tsʼáaj tiʼ le óotsiloʼob le baʼaxoʼob ku tsʼíiboltkoʼoboʼ.+
Maʼ tin beetaj u yóotsiltal u yich le viudaʼoboʼ.+
17 Maʼ tin juunal tin jaantaj le baʼax yaantenoʼ,tin síiaj junpʼíit tiʼ le paalaloʼob kimen u papáʼoboʼ.+
18 (Desde tin táankelmileʼ beyen u papá le paalaloʼob kimen u papáʼoboʼ, tin wiknal nojochchajoʼob.
Desde tin chichnil xaneʼ kin wáantik kaʼach le viudaʼoboʼ).
19 Kéen in wil kaʼach yaan máax ku kíimil yéetel keʼel,bey xan juntúul máax óotsil minaʼan mix baʼal utiaʼal u pixkubaeʼ,+
20 kin tsʼáaiktiʼ kaʼach u tsoʼotsel in walakʼ taman utiaʼal u kʼíinkúuntkuba,letiʼ xaneʼ ku bendecirken.+
21 Maʼ tin líiʼsaj in kʼab tu contra le paal kimen u papá+le ka tu kʼáatajten áantaj tu joonajil le kaajoʼ.+
22 Wa maʼ jaaj le baʼaxoʼob tsʼoʼok in waʼalikaʼpotsʼkʼajak in hombro yéetel káachak in kʼab.
23 Teneʼ saajken kaʼach tiʼ u castigo Dios,yéetel maʼ tu páajtal kaʼach in waʼatal tu táan.
24 Mix juntéen tin kʼubaj in wóol tiʼ le orooʼ,mix juntéen tin waʼalaj tiʼ le maʼalob oro: ‹¡Chéen tiʼ teech kin confiar!›.+
25 Mix juntéen tin creertinba tumen ayikʼalen+yéetel tumen yaʼab baʼaloʼob yaanten.+
26 Kéen in wil kaʼach bix u juul le Kʼiin*wa bukaʼaj jatsʼutsil le Lunaoʼ,+
27 mix juntéen tu táabsen in puksiʼikʼal utiaʼal in adorarkoʼob,mix juntéen tin tsʼuʼutsʼaj in kʼab utiaʼal in adorarkoʼob.+
28 Pero wa tin beeteʼ unaj in castigartaʼal tumen le juezoʼoboʼtumen táan kaʼach in negartik u jaajil Dios.
29 ¿Jaytéen kiʼimakchaj in wóol ikil u xuʼulsaʼal in enemigo?+
¿Jaytéen kiʼimakchaj in wóol ikil u bin kʼaasil tiʼ?
30 Mix juntéen kʼebanchaj in chiʼutiaʼal in kʼáatik ka kíimik in enemigo.+
31 Le máakoʼob yanoʼob tin wotochoʼ ku yaʼalikoʼob:
‹¿Yaan wa máax maʼ naʼajchaj ka jaan tu yotoch Jobiʼ?›.+
32 Mix juntúul j-táanxel luʼumil tu máansaj áakʼab táankab.+
Tin jeʼekʼabtaj u jool in wotoch tiʼ le máaxoʼob ku viajaroʼoboʼ.
33 ¿Jaytéen tsʼoʼok in wóotik in taʼak le baʼax kʼaas kin beetik jeʼex u beetik uláakʼ máakoʼoboʼ?+
¿Jaytéen tsʼoʼok in wóotik in taʼak tu bolsail in nookʼ?
34 ¿Tsʼoʼok wa in chʼaʼik saajkil tiʼ le yaʼabkach máakoʼoboʼ?
¿Saajken wa in suʼlakkíintaʼal tumen uláakʼ familiaʼob?
¿Ku xuʼulul wa in tʼaan yéetel kin kʼalkinba tin wotoch tumen saajken?
35 ¡Bukaʼaj maʼalobil ka yanak juntúul máax uʼuyik baʼax kin waʼalik!+
Jeʼel in jurartik jach jaaj baʼax kin waʼalikeʼ.*
¡Bukaʼaj maʼalobil ka u núuk in tʼaan Dios!*+
¡Bukaʼaj maʼalobil wa le máax takik in pool ka u tsʼíibt kaʼach tiʼ junpʼéel juʼun le baʼax ku yaʼalik tin contraoʼ!
36 Jeʼel in kuchik in máans le juʼunoʼ,jeʼel tak in tsʼáaik tin pool bey junpʼéel coronaeʼ.
37 Jeʼel in kʼubik cuenta tiʼ Dios tu yoʼolal baʼaxoʼob tin beeteʼ,jeʼel in náatsʼal tu yiknal jeʼex juntúul príncipeeʼ.
38 Wa ku tʼaan tin contra le luʼum tuʼux kin paakʼal,yéetel ku yokʼol u surcoiloʼobeʼ,
39 wa tin jaantaj u yich sin ke in boʼotik le j-meyajoʼoboʼ,+wa tin beetaj u yaatal u yóol u yuumiloʼob tumen kin tokiktiʼobeʼ,+
40 jóokʼok kʼiʼixoʼob tu lugar le trigo in pakʼmoʼ,bey xan tuʼutuʼ xíiwoʼob tu lugar le cebadaoʼ».
Way náak le baʼaxoʼob tu yaʼalaj Joboʼ.
Notas
^ Ich hebreoeʼ ku yaʼalaʼal kaʼach «Tsʼoʼok in beetik junpʼéel pacto yéetel in wichoʼob utiaʼal».
^ Uláakʼ bix u traducirtaʼaleʼ «in máan yéetel máaxoʼob ku tuusoʼob?».
^ Wa «desde ichil u nakʼ k-maamaiʼ».
^ Ich hebreoeʼ ku yaʼalaʼal kaʼach «le sáasil».
^ Wa «jeʼel in firmarkeʼ».
^ Wa «le Máax jach táaj yaan u poderoʼ».
