Job 36:1-33
-
Eliúeʼ ku alabartik u nojoch páajtalil Dios (1-33)
36 Eliú túuneʼ seguernaj u yaʼalik:
2 «Chúukpajak a wóol junpʼíit maas utiaʼal a wuʼuyik baʼax ken in tsoltech,tumen yaan u seguer in tʼaan tu kʼaabaʼ Dios.
3 Yaan in jach tsoliktech baʼax in wojel,yaan in weʼesiktech bix u beetik justicia le Máax Beetmilenoʼ.+
4 Maʼ ken in waʼaltech baʼax maʼ jaajiʼ,le baʼax ken in waʼaloʼ ku taal tiʼ le Máax u yojel tuláakal baʼaloʼ.+
5 Letiʼeʼ jach yaan u poder+ yéetel ku kʼamik tuláakal máak.
Letiʼeʼ tuláakal baʼal u yojel.
6 Letiʼeʼ maʼ ken u kanáant u kuxtal le kʼasaʼan máakoʼoboʼ,+yéetel yaan u beetik justicia tiʼ le máaxoʼob ku muʼyajoʼoboʼ.+
7 Letiʼeʼ mantatsʼ táan u paktik le máaxoʼob beetik baʼax maʼaloboʼ,+ku beetik u kutaloʼob tu tronoʼob bey reyoʼobeʼ,+ yéetel ku nojbaʼalkúuntikoʼob utiaʼal mantatsʼ.
8 Pero wa ku kʼaʼaxloʼob yéetel cadenaʼobyéetel wa ku kʼaʼaxloʼob yéetel muʼyajileʼ,
9 letiʼeʼ ku yaʼaliktiʼob baʼaxten bey úuchiktiʼoboʼ,ku yaʼaliktiʼob le baʼaloʼob maʼ maʼalobtak tu beetoʼob teʼ kʼiinoʼob jach ku creerkubaʼoboʼ.
10 Ku yaʼalik tu xiknoʼob baʼax unaj u beetkoʼob,ku yaʼaliktiʼob ka u náachkuntubaʼob tiʼ baʼax kʼaas.+
11 Wa ku yuʼubikoʼob tʼaan yéetel ku meyajtikoʼob Dioseʼ,yaan u bin utsil tiʼobyéetel yaan u kiʼimaktal u yóoloʼob tuláakal u kʼiinil u kuxtaloʼob.+
12 Pero wa maʼ tu yuʼubikoʼob tʼaaneʼ yaan u kíimsaʼaloʼob yéetel espada,+yaan u kíimloʼob jeʼex juntúul máak mix baʼal u yojleʼ.
13 Le kʼasaʼan máakoʼoboʼ maʼ tu xuʼulul u kʼuuxiloʼob.
Letiʼobeʼ maʼ tu kʼáatkoʼob áantaj kex táan u muʼyajoʼob.
14 Ku kíimloʼob tu táankelmiloʼob,+ku perdertik u kuxtaloʼob paʼteʼ yéetel le xiiboʼob ku prostituirkubaʼob teʼ temploʼoboʼ.+
15 Pero Dioseʼ ku salvartik le máaxoʼob táan u muʼyajoʼoboʼ,ku jeʼekʼabtik u xiknoʼob utiaʼal u yaʼaliktiʼob baʼax unaj u beetkoʼob.
16 Letiʼeʼ ku náachkuntkech tiʼ le muʼyajoʼ,+ku biskech tiʼ junpʼéel nojoch lugar tuʼux libreech máan,+ku chupik a mesa yéetel kiʼikiʼ janal utiaʼal u kiʼimaktal a wóol.+
17 Le kéen beetaʼak justiciayéetel le kéen aʼalaʼak bix kun tsʼoʼokol le kʼasaʼan máakoʼoboʼ yaan u kiʼimaktal a wóol.+
18 Chéen baʼaleʼ kanáant maʼ u káajal a beetik baʼax kʼaas tumen pʼujaʼanech,+yéetel maʼ a chaʼik a maʼanal utiaʼal a beetik baʼax maʼ maʼalobiʼ.
19 Tumen wa maʼeʼ, kex ka a kʼáat áantaj,yéetel ka a beet jeʼel baʼaxeʼ mix baʼal u biilal.+
20 Maʼ a tsʼíiboltik ka kʼuchuk le áakʼab,le kéen saʼatak le máakoʼob teʼ tuʼux yanoʼob kaʼachoʼ.
21 Chúukpajak a wóol a aguantart baʼax ku yúuchultech,kanáant maʼ u káajal a beetik baʼax kʼaas.+
22 Dioseʼ jach yaan u poder,minaʼan uláakʼ máax jeʼel u kaʼansaj jeʼex letiʼeʼ.
23 ¿Máax jeʼel u páajtal u yaʼaliktiʼ baʼax unaj u beetkeʼ?+
¿Máax jeʼel u páajtal u yaʼaliktiʼ: ‹Maʼ maʼalob baʼax ka beetkiʼ›?+
24 Kʼaʼajaktech a alabartik baʼaxoʼob ku beetik Dios+jeʼex u beetik le máakoʼob kéen kʼaaynakoʼoboʼ.+
25 Tumen tuláakal máak ilik baʼax u beetmaj Dios,tuláakal máak ilik kex náach yaniloʼob.
26 U jaajileʼ maʼ tu páajtal k-naʼatik bukaʼaj u poder Dios,+mix xan tu páajtal k-naʼatik bukaʼaj años yaantiʼ.+
27 Letiʼeʼ ku kóolik le jaʼ utiaʼal u bin kaʼanaloʼ,+teʼeloʼ ku listokíintik utiaʼal u kʼáaxal,
28 le kéen tsʼoʼokkeʼ ku beetik u láalaʼal tumen le múuyaloʼ,+ku láalik tu yóokʼol tuláakal máak.
29 ¿Jeʼel wa u páajtal u yojéeltik máak bix u bin u nojochtal le múuyaloʼob,yéetel baʼax beetik u kíilbal le kaʼanoʼ?*+
30 Ilawil bix u beetik u léembal le rayo+ teʼ múuyaloʼ,yéetel bix u chupik le kʼáaʼnáab yéetel jaʼoʼ.
31 Yéetel le baʼaxoʼob ku beetkaʼ ku tsʼáaik baʼax kʼaʼabéet tiʼ le kaajoʼoboʼ,ku beetik u yantal yaʼab baʼal u jaantoʼob.+
32 Letiʼeʼ ku machik le rayooʼyéetel ku beetik u jaatsʼ le tuʼux u kʼáatoʼ.+
33 Le u kíilbal le cháakoʼ ku yeʼesik tsʼoʼok u kʼuchul,tak le baʼalcheʼob ku yaʼalikoʼob máax* le ku taaloʼ.
