Job 37:1-24
37 In puksiʼikʼaleʼ táan u kikilankilyéetel táan u jáajan péek.
2 Jach uʼuyeʼex bix u kíilbal u tʼaan Dios,uʼuyeʼex bix u kíilbal kéen u jap u chiʼ.
3 Lelaʼ ku yuʼubaʼal tuláakal tuʼux.
Ku beetik u léembal le rayo+ tiʼ tuláakal yóokʼol kaaboʼ.
4 Tsʼoʼoleʼ ku yuʼubaʼal junpʼéel baʼal kʼaʼam u juum.
Le kéen tʼaanak Dioseʼ ku yuʼubaʼal bey táan u kíilbal cháakeʼ,+le táan u tʼaanoʼ táan xan u léembal le rayooʼ.
5 Le kéen kíilbalnak u tʼaan Dioseʼ+ ku jaʼakʼal u yóol máak,letiʼeʼ ku beetik nukuch baʼaloʼob maʼ tu páajtal u naʼataʼal tumen máak.+
6 Letiʼeʼ ku yaʼalik tiʼ le nieveoʼ: ‹Kʼáaxkech yóokʼol le luʼumoʼ›,+yéetel tiʼ le kʼaʼamkach jaʼoʼ ku yaʼalik: ‹Wéekkech yéetel tuláakal a muukʼ›.+
7 Bey túunoʼ Dioseʼ ku jeʼelsik tuláakal le meyaj ku beetaʼaloʼ,utiaʼal ka ilaʼak tumen tuláakal máak baʼax ku beetik.
8 U baʼalcheʼiloʼob kʼáaxeʼ ku bin u taʼakubaʼob,tiʼ ku pʼáatloʼob ichil u jooloʼobeʼ.
9 Le kʼaʼamkach iikʼoʼ ku jóokʼol desde tu yotoch,+le iikʼ ku taal xamanoʼ ku taasik keʼel.+
10 Le kéen táaj ustaʼak le jaʼ tumen Diosoʼ ku suut hieloil,+le yaʼabkach jaʼob túunoʼ ku suutoʼob hieloil.+
11 Letiʼeʼ ku yíiʼchuptik le múuyaloʼob yéetel jaʼoʼ.
Ku beetik u léembal le rayo+ teʼ múuyaloʼoboʼ.
12 Le tuʼux ku yaʼalik tiʼ le múuyaloʼob ka xiʼikoʼoboʼ tiʼ ku wolkubaʼobiʼ,jeʼel baʼaxak ku yaʼaliktiʼob ka u beetoʼob+ yóokʼol le luʼumaʼ ku beetkoʼob.
13 Tiʼ letiʼeʼ ku meyaj le múuyaloʼob utiaʼal u taasik castigo,+ utiaʼal u beetik u kʼáaxal jaʼ yóokʼol luʼum,wa utiaʼal u yeʼesik bukaʼaj nojchil u yaabilaj.+
14 Job, jach uʼuy baʼax ken in waʼaltech.
Jóoʼs u súutukil utiaʼal a tuukul tiʼ le nukuch baʼaloʼob u beetmaj Diosoʼ.+
15 ¿A wojel wa bix u controlartaʼal le múuyaloʼob tumen Diosoʼ?
¿A wojel wa bix u beetik u léembal le rayoʼob ichil le múuyaloʼoboʼ?
16 ¿A wojel wa bix u páajtal u máan le múuyaloʼob teʼ kaʼanoʼ?+
Yaʼab nukuch baʼaloʼob u beetmaj le Máax u yojel tuláakal baʼaloʼ.+
17 ¿Baʼaxten ku chokotal a nookʼwa le luʼumaʼ táan u saltaʼal tumen le iikʼ ku taal noojoloʼ?+
18 Letiʼeʼ ku jayik le kaʼanoʼoboʼ+ yéetel ku pʼatik chich jeʼex junpʼéel néen de metaleʼ,¿jeʼel wa xan u páajtal a beetik beyoʼ?
19 Aʼaltoʼon baʼax unaj k-aʼaliktiʼ,tumen toʼoneʼ maʼ tu páajtal k-aʼalik mix baʼal, ich éeʼjochʼeʼenil yanoʼon.
20 ¿Kʼaʼabéet wa u yaʼalaʼaltiʼ taak in tʼaan tu yéetel?
¿Yaan wa baʼax tsʼoʼok u yaʼalaʼal jach kʼaʼabéet u yojéeltik?+
21 Máakeʼ maʼ tu páajtal u yilik le Kʼiinwa pixaʼan tumen nookoyoʼ,hasta u puʼulul le nookoy tumen le iikʼoʼ ku béeytal u yilik.
22 Desde xamaneʼ ku juul junpʼéel sáasil color oro.
Ku jaʼakʼal u yóol máak le kéen u yil bukaʼaj u poder Dios.+
23 Maʼ tu páajtal k-naʼatik tuláakal baʼal yoʼolal Dios.*+
Letiʼeʼ jach nojoch u poder+yéetel mantatsʼ ku beetik baʼax maʼalob+ bey xan baʼax toj.+
24 Le oʼolal unaj u respetartaʼal,+tumen letiʼeʼ maʼatech u tsʼáaikuba tu tséel le máaxoʼob ku tuklikoʼob jach yaan u naʼatoʼoboʼ».+
Notas
^ Wa «le Máax jach táaj yaan u poderoʼ».
