Job 8:1-22
8 Bildad+ le suitaoʼ+ tu yaʼalaj túun:
2 «¿Tak baʼax kʼiin ken xuʼuluk a tʼaan beyoʼ?+
Si le baʼaxoʼob ku jóokʼol ta chiʼoʼ mix baʼal u biilaloʼob, chéen beyoʼob junpʼéel kʼaʼamkach iikʼeʼ.
3 A tuklikeʼ Dioseʼ, ¿maʼ wa ken u beet justicia?
Dioseʼ* ¿maʼ wa ken u beet baʼax maʼalob?
4 Maʼ xaaneʼ kʼebanchaj a paalaloʼob tu contra,le oʼolal tu chaʼaj u castigartaʼaloʼob yoʼolal le baʼaxoʼob tu beetoʼoboʼ.
5 Chéen baʼaleʼ wa ka kaxtik Dios,+ka kʼáatik tiʼ le Dios jach táaj yaan u poder ka u chʼaʼtech óotsililoʼ,
6 wa ka beetik baʼax maʼalob yéetel baʼax tojeʼ,+letiʼ túuneʼ yaan u kanáantkech*yéetel yaan u beetik u kaʼa bintech utsil.
7 Kex káajal ken a kaʼa beeteʼjach yaan u bintech maʼalobil.+
8 Beet uts a tsikbal yéetel le máaxoʼob maas yaan u jaʼabiloʼoboʼ,yéetel jach uʼuy le baʼaxoʼob tu kanoʼob tiʼ u papáʼoboʼ.+
9 Toʼoneʼ joʼoljeak síijoʼon yéetel mix baʼal k-ojel,u kʼiiniloʼob k-kuxtal way luʼumeʼ bey jeʼex le boʼoy séeb u saʼatloʼ.
10 Letiʼobeʼ jeʼel u tsolkoʼobtech u nuʼukeʼyéetel jeʼel u yaʼalikoʼobtech baʼax u yojloʼobeʼ.*
11 ¿Jeʼel wa u nojochtal yéetel u kaʼantal junkúul papiro* wa maʼ ich jaʼ yaneʼ?
¿Jeʼel wa u nojochtal yéetel u kaʼantal junkúul caña wa minaʼan jaʼ tiʼeʼ?
12 Yaan u tijil antes tiʼ u xíitil u lool,maas séeb kun tijil tiʼ uláakʼ mejen cheʼob.
13 Bey kun úuchul tiʼ* tuláakal le máaxoʼob ku náachtaloʼob tiʼ Diosoʼ.
Le kʼasaʼan máakoʼoboʼ maʼ kun béeytal le baʼax ku páaʼtkoʼoboʼ.
14 Chéen de maas u kʼubik u yóoloʼob tiʼ baʼaloʼob mix baʼal u biilalyéetel tiʼ baʼaloʼob séeb u saʼatal jeʼex u kʼaan* ameʼ.
15 Le kéen u yóotoʼob chʼuytaltiʼeʼ ku tʼóokol,kéen u yóotoʼob u machubaʼobtiʼeʼ ku kóotsol.
16 Le kʼasaʼan máakoʼ bey jeʼex le xíiw chʼuul u luʼumil, ku juʼulul tumen Kʼiinyéetel ku jóokʼol u mejentakil ichil tuláakal le jardínoʼ.+
17 Ku kʼaxkuba u mootsoʼob tiʼ le tuunichoʼoboʼ,ku pʼáatal bey u yotoch u yáam le tuunichoʼoboʼ.
18 Pero le kéen joʼokkeʼ,le tuʼux yaan kaʼachoʼ yaan u yaʼalik: ‹Mix juntéen in wilech›.+
19 Bey kun xuʼulultiʼoʼ,*+le kéen tsʼoʼokkeʼ uláakʼ xíiwoʼob kun jóokʼol tu lugar.
20 Dioseʼ maʼ ken u xúumpʼat le máaxoʼob chúukaʼan u yóol u beetoʼob baʼax maʼaloboʼ,pero yaan u xúumpʼattik le kʼasaʼan máakoʼoboʼ.
21 Letiʼeʼ yaan u kaʼa beetik a cheʼejbey xan a wawat yéetel kiʼimak óolal.
22 Yaan u suʼlakkíintaʼal le máaxoʼob pʼekmilechoʼ,yaan u xuʼulsaʼal tiʼ u yotoch le kʼasaʼan máakoʼoboʼ».
Notas
^ Wa «Le Máax jach táaj yaan u poderoʼ».
^ Wa «yaan u líikʼil u yáantech».
^ Ich hebreoeʼ ku yaʼalaʼal kaʼach «tu puksiʼikʼaloʼob ken u jóoʼsoʼob baʼax ken u yaʼaloʼob».
^ Ilawil «Papiro», página 2575.
^ Ich hebreoeʼ ku yaʼalaʼal kaʼach «Bey le bej ku bisik».
^ Ich hebreoeʼ ku yaʼalaʼal kaʼach «yotoch».
^ Wa «Bey kun xuʼulul le bej ku biskoʼ».
