Mateo 1:1-25
1 Le libroaʼ ku tʼaan tiʼ u kuxtal Jesucristo. Letiʼeʼ u paal* David,+ u paal Abrahán.+
2 Abraháneʼ u papá Isaak;+Isaakeʼ u papá Jacob;+Jacobeʼ u papá Judá,+ Jacobeʼ yanchaj xan uláakʼ u paalal.
3 Judáeʼ u papá Pérez yéetel Zera,+ u maamaʼobeʼ Tamar;Pérezeʼ u papá Ezrón;+Ezróneʼ u papá Ram;+
4 Rameʼ u papá Aminadab;Aminadabeʼ u papá Naasón;+Naasóneʼ u papá Salmón;
5 Salmóneʼ u papá Boaz, u maama Boazeʼ Rahab;+Boazeʼ u papá Obed, u maama Obedeʼ Rut;+Obedeʼ u papá Jesé;+
6 Jeséeʼ u papá rey David.+
Davideʼ u papá Salomón;+ u maama Salomóneʼ Bat-seba, u yatan kaʼach Urías;
7 Salomóneʼ u papá Reoboam;+Reoboameʼ u papá Abías;Abíaseʼ u papá Asá;+
8 Asáeʼ u papá Jeosafat;+Jeosafateʼ u papá Jeoram;+Jeorameʼ u papá Uzías;
9 Uzíaseʼ u papá Jotán;+Jotáneʼ u papá Acaz;+Acazeʼ u papá Ezequías;+
10 Ezequíaseʼ u papá Manasés;+Manaséseʼ u papá Amón;+Amóneʼ u papá Josías;+
11 Josíaseʼ+ u papá Jeconías;+ le ka bisaʼab le judíoʼob Babiloniaoʼ+ Josíaseʼ yanchaj uláakʼ u paalal.
12 Le tiaʼanoʼob Babiloniaoʼ, Jeconíaseʼ kʼuch u beetuba u papá Sealtiel;Sealtieleʼ u papá Zorobabel;+
13 Zorobabeleʼ u papá Abiud;Abiudeʼ u papá Eliaquim;Eliaquimeʼ u papá Azor;
14 Azoreʼ u papá Sadok;Sadokeʼ u papá Aquim;Aquimeʼ u papá Eliud;
15 Eliudeʼ u papá Eleazar;Eleazareʼ u papá Matán;Matáneʼ u papá Jacob;
16 Jacobeʼ u papá José; Joséeʼ u yíicham María; Maríaeʼ u maama Jesús,+ le máax ku yaʼalaʼal Cristo tiʼoʼ.+
17 Desde tu kʼiiniloʼob Abrahán tak Davideʼ yanchaj 14 generaciónoʼob, desde tu kʼiiniloʼob David tak ka bisaʼab le judíoʼob Babiloniaoʼ yanchaj uláakʼ 14 generaciónoʼob, yéetel desde ka bisaʼab le judíoʼob Babilonia tak ka chíikpaj Cristooʼ yanchaj uláakʼ 14 generaciónoʼob.
18 Lelaʼ letiʼe baʼax úuch táanil tiʼ u síijil Jesucristoaʼ: teʼ kʼiinoʼob jeʼeloʼ María, u maamaeʼ, u yaʼalmaj u tsʼoʼokol u beel yéetel José. Chéen baʼaleʼ beetaʼab u pʼáatal embarazadail tumen u poder Dios,*+ lelaʼ úuch antes tiʼ u tsʼoʼokol u beel yéetel José.
19 Yoʼolal leloʼ José u yíichameʼ* tu tuklaj u divorciarkuba tiʼ letiʼ sin ke u yojéeltaʼal. Joséeʼ juntúul máak uts, maʼ u kʼáat ka paʼajak u suʼtal María tu táan le kaajoʼ.+
20 Le ka tsʼoʼok u tuukul José tiʼ tuláakal le jeʼeloʼ weeni, ichil u wayakʼ* túuneʼ chíikpaj u ángel Jéeobaeʼ* ka tu yaʼalajtiʼ: «José, u paal David, maʼ a chʼaʼik saajkil a bis María a watan ta wotoch tumen u poder Dios beet u pʼáatal embarazadail.+
21 Letiʼeʼ yaan u yantal juntúul u chan hijo, Jesús* unaj a tsʼáaik u kʼaabaʼ,+ tumen letiʼ kun salvartik u kaajal tiʼ u kʼebanoʼob».+
22 Tuláakal lelaʼ úuch utiaʼal ka béeychajak le baʼax tu kʼubéentaj Jéeoba tiʼ u profeta ka u yaʼalaʼ:
23 «¡Uʼuyeʼex lelaʼ! Le x-lóoʼbayan chʼúupaloʼ* yaan u pʼáatal embarazadail yéetel yaan u yantal juntúul u chaambal,* Emmanuel kun tsʼaabil u kʼaabaʼ»,+ lelaʼ u kʼáat u yaʼal: «Dioseʼ Tiaʼan t-Éeteleʼ».+
24 Ka aaj Joséeʼ tu beetaj jeʼel bix aʼalaʼabiktiʼ tumen u ángel Jéeobaoʼ, ka tu bisaj u yatan tu yotoch.
25 Letiʼeʼ maʼ yanchaj mix baʼal u yil yéetel María hasta ka síij le chaambaloʼ,+ le ka síijeʼ tu tsʼáaj u kʼaabaʼt Jesús.+
Notas
^ Ich griegoeʼ le tʼaanaʼ u kʼáat xan u yaʼal «chʼiʼibal» wa «áabil».
^ Wa «espíritu santo». Ilawil «Espíritu santo», página 2562.
^ Úuchjeakil ichil le judíoʼoboʼ, juntúul xiib u yaʼalmaj yaan u tsʼoʼokol u beel yéetel juntúul x-chʼúupaleʼ ku yilaʼal bey u yíicham le x-chʼúupaloʼ.
^ Ilawil página 2566.
^ Tuláakʼ tuʼuxeʼ ku yaʼalaʼal «náay».
^ Le kʼaabaʼ jeʼelaʼ ich hebreoeʼ ku yaʼalaʼal kaʼach Jesúa, wa Josué, u kʼáat u yaʼal «Jéeoba Salvartik Máak».
^ Ich griegoeʼ le tʼaan ku meyaj teʼelaʼ ku tsʼáaik naʼatbil juntúul x-chʼúupal mix baʼal yanchajaʼan u yil yéetel juntúul xiib.
^ Tuláakʼ tuʼuxeʼ ku yaʼalaʼal «chaanpal».
