Miqueas 2:1-13
2 «¡Jach túun kʼaas kun bin tiʼ le máaxoʼob táan u tuklik u beetkoʼob baʼax kʼaasoʼ,tiʼ le máaxoʼob ku chital u tukloʼob bix ken u beetiloʼob baʼaloʼob kʼaastakoʼ!
Le kéen sáasakeʼ ku beetkoʼob le baʼaloʼob tu chʼaʼtukloʼoboʼ,tumen yaantiʼob u páajtalil u beetkoʼob.+
2 Wa u kʼáatoʼob terrenoʼobeʼ ku chʼaʼikoʼob,+wa u kʼáatoʼob xan najoʼobeʼ ku chʼaʼikoʼob,ku tuskoʼob juntúul máak utiaʼal u chʼaʼikoʼob u yotoch,+ku tokikoʼob u herencia.
3 Tu yoʼolal leloʼ Jéeobaeʼ ku yaʼalik:
‹Ilawileʼex, táan in tuklik in taasik kʼaas tu contra le kaajaʼ,+ yéetel teʼexeʼ maʼ kan púutsʼleʼex.+
Teʼexeʼ maʼ kun seguer a máaneʼex táan a creerkabaʼex+ tumen u kʼiinil u yúuchul muʼyaj.*+
4 Teʼ kʼiin jeʼeloʼ le máakoʼoboʼ yaan u sen tsikbaloʼob ta woʼolaleʼex,letiʼobeʼ yaan u sen yaatal u yóoloʼob ta woʼolaleʼex.+
Le máakoʼoboʼ yaan u yaʼalikoʼob: «¡Tsʼoʼok u láaj xuʼulsaʼaltoʼon!+
¡Letiʼeʼ tu chʼaʼaj le luʼum yaan tiʼ in kaajaloʼ, letiʼeʼ tsʼoʼok u tokikten+ yéetel tsʼoʼok u tsʼáaik tiʼ uláakʼ máakoʼob!
Letiʼeʼ tu tsʼáaj k-luʼumoʼob tiʼ le máax ku traicionaroʼ».
5 Bey túunoʼ ichil u kaajal Jéeobaeʼ maʼ kun antal mix máak utiaʼal u pʼisik yéetel suumle luʼum tsʼoʼok u yilaʼal tiʼ máax kun pʼáatloʼ.
6 «¡Xuʼuluk a profetizareʼex!», chéen baʼaleʼ letiʼobeʼ ku profetizaroʼob,«¡letiʼobeʼ maʼ unaj u profetizarkoʼob le baʼaloʼobaʼ.
Toʼoneʼ mix máak ken u mixbaʼalkúuntoʼon!».
7 U paalal Jacob, lelaʼ letiʼe baʼax ka waʼalikeʼexaʼ:
«¿Tsʼoʼok wa u pʼáatal maʼ kiʼimak u yóol Jéeobaiʼ?
Lelaʼ ¿letiʼe wa le baʼaloʼob ku beetkaʼ?».
Le baʼaxoʼob kin waʼalikoʼ, ¿maʼ wa tu taasik utsil tiʼ le máaxoʼob toj u kuxtaloʼoboʼ?
8 Chéen baʼaleʼ tak maʼ sen úucheʼ in kaajaleʼ pʼáat bey juntúul enemigoeʼ.
Teʼexeʼ ka jáanpaykeʼex le kiʼichkelem adorno paʼteʼ yéetel le nookʼoʼ,*ka jáanpaykeʼex tiʼ le máaxoʼob jach seguro u yuʼubikubaʼoboʼ, jeʼex seguroil u yuʼubikuba le máaxoʼob ku suutoʼob tiʼ junpʼéel baʼateloʼ.
9 Teʼexeʼ tsʼoʼok a jóoʼskeʼex le koʼoleloʼob yanoʼob tin kaajaloʼ, tsʼoʼok a jóoʼskeʼexoʼob teʼ tu yotochoʼob tuʼux uts tu tʼaan u kajtaloʼoboʼ.
Teʼexeʼ ka chʼaʼikeʼex le baʼaloʼob maʼalobtak in tsʼaamaj tiʼ u paalaloʼoboʼ yéetel mix bikʼin ken a kaʼa suteʼex.
10 Líikʼeneʼex ka xiʼikeʼex, tumen le lugaraʼ maʼ utiaʼal a jeʼeleleʼexiʼ,maʼ limpio tu táan Diosiʼ,+ yaan u xuʼulsaʼaltiʼ, jach yaj bix kun xuʼulsbiltiʼ.+
11 Wa juntúul máak ku máan u beet baʼaloʼob minaʼan u biilal, ku máan u tus máak, yéetel ku yaʼalik le tuus jeʼelaʼ:
«Yaan in waʼaliktech baʼaloʼob yaan yil yéetel le vinooʼ bey xan yéetel uláakʼ baʼaloʼob ku káalkuntik máak»,¡le máak jeʼeloʼ bey jeʼex le máak ku yaʼalik chéen le baʼax u kʼáat u yuʼub le kaajoʼ!+
12 U paalal Jacob, teneʼ yaan in láaj muchʼkíintikeʼex,teneʼ yaan in muchʼkíintik tuláakal le máaxoʼob pʼaatloʼob tiʼ Israeloʼ.+
Junmúuchʼ ken in tsʼáaʼob, jeʼex yanil le tamanoʼob tiʼ junpʼéeliliʼ corraloʼ,jeʼex yanil junmúuchʼ tamanoʼob teʼ tuʼux ku bisaʼaloʼob janal suʼukoʼ,+teʼ lugaroʼ yaan u yuʼubaʼal u juum máakoʼobiʼ›.+
13 Le máax beetik junpʼéel jool teʼ pakʼoʼ yaan u bin táanil tiʼ letiʼob.
Letiʼob túuneʼ yaan u maas nojochkíintkoʼob le jooloʼ; yaan u kʼáatmáanoʼob yéetel yaan u jóokʼloʼob teʼ joonajoʼ.+
U reyoʼobeʼ táanil tiʼ letiʼob kun bin,Jéeoba kun láaj nuʼuktikoʼob».+
Notas
^ Wa «sufrir».
^ Uláakʼ bix u traducirtaʼaleʼ «ka jáanpaykeʼex le kiʼichkelem adorno yaan tiʼ le nookʼoʼ».
