Proverbios 20:1-30
20 Le vinooʼ ku pajik u suʼtal máak,+ le alcoholoʼ ku beetik u pʼáatal maʼ u controlarkuba máak,+jeʼel máaxak ku saʼatal tu yoʼolaloʼobeʼ minaʼan u naʼat.+
2 Le saajkil ku beetik u yuʼubaʼal juntúul reyoʼ bey jeʼex le saajkil ku yuʼubaʼal kéen joʼopʼok u yáakam juntúul leónoʼ.*+Jeʼel máaxak ku beetik u pʼuʼujul juntúul reyeʼ táan u tsʼáaik u kuxtal tu chiʼ kíimil.+
3 Juntúul máak maʼatech u yoksikuba tiʼ baʼateltʼaaneʼ jach ku respetartaʼal,+pero le j-maʼ naʼatoʼ ku jupkuba ichil.+
4 Le maʼakʼóoloʼ maʼatech u meyajtik le luʼum tu kʼiinil jaʼajaʼaloʼ,le oʼolal tu kʼiinil cosechaeʼ yaan u máan caridad tumen mix baʼal yaantiʼ.*+
5 Le baʼax ku tuklik máak tu puksiʼikʼaloʼ bey jaʼ taam yanileʼ,pero le máax yaan u naʼatoʼ ku jóoʼsik yóoʼkabil.
6 Yaʼab máakoʼob ku yaʼalikoʼob jach yaan u yaabilajoʼob,pero istikyaj u kaxtaʼal juntúul máak chúukaʼan u yóol u yeʼes yaabilaj.
7 Le utsul máakoʼ chúukaʼan u yóol u beet baʼax maʼalob.+
Bíin kiʼimakchajak u yóol u paalaloʼob.+
8 Le kéen kulak juntúul rey tu trono utiaʼal u juzgareʼ,+mix junpʼéel baʼal kʼaas jeʼel u pʼáatal tu táaneʼ.+
9 ¿Máax jeʼel u páajtal u yaʼalik: «Tsʼoʼok in limpiokíintik in puksiʼikʼal,+minaʼan mix junpʼéel in kʼeban»?+
10 Le u nuʼukuliloʼob pʼiis ku tuusoʼob bey xan le medidaʼob maʼ pataloʼoboʼjach táaj pʼektaʼanoʼob tumen Jéeoba.+
11 Tak juntúul paaleʼ* ku kʼaj óoltaʼal tu yoʼolal baʼax ku beetik,ku yojéeltaʼal wa maʼalob yéetel toj baʼax ku beetik.+
12 Le ich ku paakat yéetel le xikin ku yuʼubajoʼ...
Jéeoba beetmiloʼob.+
13 Maʼ a yaabiltik le weenloʼ wa maʼeʼ yaan a wóotsiltal.+
Pʼil a wich, beyoʼ yaan u yantal yaʼab baʼal a jaante.+
14 Le máax ku maanoʼ ku yaʼalik: «¡Maʼ maʼalobiʼ, maʼ maʼalobiʼ!».
Kéen tsʼoʼokkeʼ ku bineʼ ku presumirtik le baʼax tu beetoʼ.+
15 Yaan oro bey xan yaʼab u jatsʼuts tuunichil coral,pero le chiʼ yaʼab baʼax u yojloʼ maas táaj jatsʼuts.+
16 Chʼaʼabak u nookʼ juntúul máak wa tu pʼaxuba yoʼolal juntúul máax mix u kʼaj óoliʼ.+
Chʼaʼ le baʼax tu pʼataj bey garantía wa tu beetaj yoʼolal juntúul koʼolel táanxel luʼumil u taaloʼ.*+
17 Le waaj ku kaxtik máak ikil u tuusoʼ kiʼ u yuʼubik,pero kéen tsʼoʼokkeʼ u chiʼeʼ yaan u chuʼupul yéetel chʼichʼiltuunich.+
18 U múul tsikbaltaʼal junpʼéel baʼaleʼ letiʼe baʼax beetik u jóokʼol utsiloʼ,+utiaʼal u bin máak tiʼ junpʼéel guerraeʼ unaj u yantaltiʼ maʼalob nuʼuktaj.+
19 Le máax ku líiʼsaj tʼaanoʼ ku máan u yaʼal baʼaloʼob maʼ unaj u yojéeltaʼal tumen u maasiliʼ.+
Maʼ a biskaba yéetel juntúul máax uts tu tʼaan u chismear.
20 Jeʼel máaxak ku maldecirtik u papá bey xan u maamaeʼu kuxtaleʼ yaan u xuʼulul jeʼex u tuʼupul junpʼéel lámpara tuʼux éeʼjochʼeʼeneʼ.+
21 Junpʼéel herencia maʼ maʼalob bix u yantal tiʼ máakeʼ,kéen máanak kʼiineʼ mix junpʼéel utsil ken u taase.+
22 Maʼ a waʼalik: «¡Yaan in sutik u jeel le baʼax beetaʼabtenoʼ!».+
Páaʼt baʼax ken u beet Jéeoba,+ letiʼ túuneʼ yaan u salvarkech.+
23 Le u nuʼukuliloʼob pʼiis ku tuusoʼoboʼ* jach táaj pʼektaʼanoʼob tumen Jéeoba,le balanzaʼob* ku yookoloʼoboʼ junpuliʼ maʼ maʼalobtakoʼobiʼ.
24 Jéeoba nuʼuktik u beel máak,+mix máak jeʼel u páajtal u nuʼuktik u beel tu juunaleʼ.
25 Junpʼéel trampa u jáan aʼalik máak u tsʼáaik junpʼéel baʼal tiʼ Dios,+pero le kéen tsʼoʼokkeʼ ku joʼopʼol u jach tuklik le baʼax tu yaʼaloʼ.+
26 Jeʼex u luʼsaʼal u sojlil le neekʼoʼoboʼ,+le rey yaan u naʼatoʼ ku luʼsik xan le kʼasaʼan máakoʼob ichil le utsoʼoboʼ.+
27 U múus iikʼ máakeʼ bey junpʼéel lámpara utiaʼal Jéeobaeʼ,ku meyaj utiaʼal u xakʼaltaʼal baʼax yaan tu tsʼuʼ u puksiʼikʼal máak.
28 Le nojoch yaabilaj yéetel le chúukaʼan óolaloʼ ku kanáantik juntúul rey,+letiʼe nojoch yaabilaj tsʼáaik muukʼ tiʼ u tronooʼ.+
29 U kiʼichkelmil le táankelmoʼoboʼ letiʼe u muukʼoʼoboʼ,+yéetel u jatsʼutsil le chʼijaʼanoʼoboʼ u sakil u pooloʼob.+
30 Jaatsʼ yéetel muʼyajeʼ ku limpiartik máak tiʼ le kʼasaʼaniloʼ,+le jaatsʼoʼ ku limpiartik u tsʼuʼ u puksiʼikʼal máak.
Notas
^ Wa «juntúul táankelem león tsʼoʼok u chowaktal u tsoʼotsel u pooleʼ».
^ Uláakʼ bix u traducirtaʼaleʼ «yaan u máan u yich tu kʼiinil cosecha, pero mix baʼal ken u kaxte».
^ Wa «táankelmeʼ».
^ Wa «máax táanxel luʼumil u taaloʼ».
^ Wa «Kaʼapʼéel jejeláas tuunichoʼob ku meyaj utiaʼal pʼiiseʼ».
^ Lelaʼ junpʼéel nuʼukul ku meyaj kaʼach utiaʼal u pesartaʼal wa baʼax.
