Proverbios 28:1-28
28 Le kʼasaʼan máakoʼoboʼ ku púutsʼloʼob kex mix máak chʼaʼpachtikoʼob,pero le utsul máakoʼoboʼ beyoʼob juntúul leóneʼ,* maʼ saajkoʼobiʼ.+
2 Le kéen joʼopʼok u beetaʼal baʼax kʼaas tumen u kajnáaliloʼob junpʼéel luʼumeʼ jach maʼatech u xáantal le príncipeʼob ku yantaloʼ,+pero yéetel u yáantaj juntúul máax yaan u naʼat yéetel yaʼab baʼax u yojleʼ juntúul príncipeeʼ jeʼel u xáantal táan u gobernareʼ.+
3 Juntúul óotsil ku yoklik u yéet óotsilileʼ+bey junpʼéel kʼaʼamkach jaʼ ku míistik tuláakal le baʼax yaan utiaʼal jaantbiloʼ.
4 Le máaxoʼob maʼatech u beetkoʼob baʼax ku yaʼalik le leyoʼ ku alabarkoʼob le kʼasaʼan máakoʼoboʼ,pero le máaxoʼob ku beetkoʼob baʼax ku yaʼalik le leyoʼ ku pʼuʼujuloʼob tu contraʼob.+
5 Le kʼasaʼan máakoʼoboʼ maʼ tu páajtal u naʼatkoʼob baʼax le justiciaoʼ,pero le máaxoʼob ku kaxtikoʼob Jéeobaoʼ ku naʼatkoʼob tuláakal baʼal.+
6 Maas maʼalob juntúul óotsil chúukaʼan u yóol xíimbal tiʼ le maʼalob bejoʼke juntúul ayikʼal kʼaschajaʼan u beel.+
7 Juntúul paal yaan u naʼateʼ ku beetik baʼax ku yaʼalik le leyoʼ,pero le máax ku biskuba yéetel le máaxoʼob maʼ tu tsʼáaik u pʼiis u janaloʼoboʼ ku pajik u suʼtal u papá.+
8 Le máax ku yaʼabkuntik u ayikʼalil ikil u cobrartik interés+ yéetel ikil u beetik uláakʼ baʼaloʼob maʼ maʼalobtakeʼ,táan u juntartik utiaʼal u pʼáatal tiʼ le máax ku yeʼesik u yutsil tiʼ le óotsiloʼoboʼ.+
9 Le máax maʼ tu yóotik u yuʼub baʼax ku yaʼalik le leyoʼ...tak le oración ku beetkoʼ junpʼéel baʼax jach kʼaas u yilaʼal.+
10 Le máax ku bisik juntúul utsul máak tiʼ junpʼéel bej maʼ maʼalobeʼ yaan u lúubul tiʼ le jool u beetmoʼ,+pero le máax mix baʼal kʼaas ku beetkoʼ yaan u kʼamik baʼaloʼob maʼalobtak.+
11 Le ayikʼaloʼ ku tuklik yaan u naʼat,+pero juntúul óotsil yaan u naʼateʼ ku páajtal u yojéeltik u jaajil tu yoʼolal le máax ayikʼaloʼ.+
12 Le kéen ganarnak le utsul máakoʼoboʼ ku yantal maʼalob kʼiinoʼob,pero le kéen yanak páajtalil tiʼ le kʼasaʼan máakoʼoboʼ ku taʼakikuba le kaajoʼ.+
13 Le máax ku taʼakik le baʼax kʼaas u beetmoʼ maʼ kun bin utsil tiʼ,+pero le máax ku yaʼalik le baʼax u beetmaj yéetel ku xuʼulul u beetkeʼ yaan u chʼaʼabal óotsilil tiʼ.+
14 Kiʼimak u yóol le máax mantatsʼ táan u kanáantik baʼax ku beetkoʼ,pero le máax ku chichkúuntik u puksiʼikʼaloʼ yaan u bin kʼaasil tiʼ.+
15 Juntúul kʼasaʼan gobernante ku gobernar yóokʼol junpʼéel kaaj minaʼan máax defenderkeʼ,+bey jeʼex juntúul león ku yáakam yéetel jeʼex juntúul oso ku atacareʼ.
16 Juntúul máax ku nuʼuktaj minaʼan u naʼateʼ ku pechʼik máak yéetel le páajtalil yaantiʼoʼ,+pero le máax u pʼekmaj u yookoleʼ ku chowakkúuntik u kuxtal.+
17 Juntúul máax yaan u culpa úuchik u kíimil wa máaxeʼ maʼ kun xuʼulul u máan u taʼakikuba tak ken xiʼik yáanal luʼum.+
Mix máak unaj u yáantik juntúul máak beyoʼ.
18 Le máax toj u kuxtaloʼ yaan u salvarkuba,+pero le máax kʼaschajaʼan u beeloʼ chéen ken jáan lúubuk.+
19 Le máax ku meyajtik u luʼumeʼ yaan u yantal yaʼab baʼal u jaante,pero le máax ku bin tu paach baʼaloʼob minaʼan u biilaleʼ yaan u máansik yaʼab óotsilil.+
20 Juntúul máax chúukaʼan u yóoleʼ jach yaan u bendecirtaʼal,+pero le máax ku yilik u séeb ayikʼaltaleʼ yaan u lúubul tiʼ baʼax kʼaas.+
21 Maʼ maʼalob u jáan tsʼáaikuba máak tu favor wa máaxiʼ.+
Pero juntúul máakeʼ maʼ xaaneʼ jeʼel u beetik baʼax maʼ maʼalob yoʼolal junxéetʼ waajeʼ.
22 Juntúul máak maʼ tu conformar yéetel baʼax yaantiʼeʼ* jach ku tsʼíiboltik ayikʼalil,pero maʼ u yojel wa óotsilil kun taal tu yóokʼoliʼ.
23 Le máax ku tsolik u nuʼuk tiʼ máakoʼ+ kéen máanak kʼiineʼ maas ku lúubul utsil+ke juntúul máak ku alabartik máak yéetel u yaakʼ.
24 Jeʼel máaxak ku yoklik u papá yéetel u maama, tsʼoʼoleʼ ku yaʼalik: «Maʼ kʼaasiʼ»,+u amigo le máax ku beetik baʼaloʼob kʼaastakoʼ.+
25 Le máax ku tsʼíiboltik u maasil baʼaloʼoboʼ ku léeksik baʼateʼel,pero jeʼel máaxak ku kʼubik u yóol tiʼ Jéeobaeʼ yaan u bin utsil tiʼ.*+
26 Jeʼel máaxak ku kʼubik u yóol tiʼ u puksiʼikʼaleʼ minaʼan u naʼat,+pero le máax ku xíimbal tu bejil le naʼatoʼ yaan u salvarkuba.+
27 Le máax ku yáantik le óotsiloʼoboʼ mix baʼal ken u binelttiʼ,+pero le máax hasta ku mutsʼik u yich tiʼoboʼ yaan u taal yaʼab maldiciónoʼob tu yóokʼol.
28 Le kéen yanak páajtalil tiʼ le kʼasaʼan máakoʼoboʼ ku taʼakikuba máak,pero le kéen xuʼuluktiʼobeʼ ku yaʼabtal le utsul máakoʼoboʼ.+
Notas
^ Wa «táankelem leóneʼ».
^ Wa «ku tsʼíiboltik le baʼax yaan tiʼ u maasiloʼ».
^ Ich hebreoeʼ ku yaʼalaʼal kaʼach «yaan u polokkíintaʼal».
