Proverbios 8:1-36
8 Le naʼatoʼ kʼaʼam u tʼaan.
Le naʼatoʼ táan u maas kʼaʼamkúuntik u tʼaan.+
2 Tiaʼan teʼ kaʼanal lugaroʼob+ yaan naatsʼ tiʼ le bejoʼ,ku waʼatal teʼ tuʼux ku xaʼaypajal* le bejoʼoboʼ.
3 Naatsʼ tiʼ u joonajiloʼob le kaajoʼ,tu entradailoʼob le kaajoʼ,le naʼatoʼ sigue u kʼaʼam aʼalik:+
4 «Teʼex kin tʼankeʼex, teʼex u kajnáalileʼex le kaajaʼ,kin kʼaʼamkúuntik in tʼaan utiaʼal in tʼanik tuláakal.*
5 Teʼex maʼ jach yaan a naʼateʼexeʼ, yanak a naʼateʼex,+j-maʼ naʼateʼex ilawil u yantalteʼex junpʼéel puksiʼikʼal yaan u naʼat.
6 Uʼuyeʼex baʼax kin waʼalik tumen jach kʼaʼanaʼan,toj tuláakal baʼaxoʼob ku jóokʼol tin chiʼ.
7 Tumen in chiʼeʼ ku yaʼalik u jaajil,in chiʼeʼ jach u pʼekmaj baʼax kʼaas.
8 Maʼalob tuláakal baʼax ku jóokʼol tin chiʼ.
Teneʼ kin waʼalik u jaajil, maʼatech in tuus.
9 Utiaʼal máax yaan u naʼateʼ maʼalob tuláakal baʼax kin waʼalik,utiaʼal le máaxoʼob tsʼoʼok u kaanbaloʼoboʼ toj tuláakal baʼax kin waʼalik.
10 Yéeyeʼex in nuʼuktaj tu lugar plata,yéeyeʼex a kaanbaleʼex tu lugar le maas maʼalob orooʼ,+
11 tumen le naʼatoʼ maas maʼalob ke u tuunichil coral,mix junpʼéel tiʼ le baʼaloʼob ku tsʼíiboltaʼal jeʼel u páajtal u keʼetel yéetel le naʼatoʼ.
12 Teen le naʼatoʼ, kajakbalen yéetel le maʼalob tuukuloʼ,tsʼoʼok in kaanbal yéetel tsʼoʼok u yantalten junpʼéel maʼalob tuukul.+
13 U respetartaʼal Jéeobaeʼ u kʼáat u yaʼal u pʼektaʼal le baʼax kʼaasoʼ.+
Teneʼ in pʼekmaj u nojbaʼalkúuntkuba máak, u creerkuba máak,+ u bin máak tiʼ maʼ maʼalob bejiʼ yéetel u yaʼalik máak baʼaloʼob kʼaastak.+
14 Teneʼ kin tsʼáaik maʼalob consejo yéetel yaanten junpʼéel maʼalob tuukul.+
In tiaʼal xan le naʼat+ yéetel le poderoʼ.+
15 Tin woʼolaleʼ sigue u gobernar le reyoʼoboʼ,yéetel le máaxoʼob yaan nojoch autoridad tiʼoboʼ ku tsʼáaikoʼob maʼalob leyoʼob.+
16 Tin woʼolaleʼ le príncipeʼoboʼ sigue u gobernaroʼob,yéetel le tsʼuuloʼoboʼ ku beetkoʼob justicia.
17 In yaabiltmaj le máaxoʼob yaabiltmilenoʼ,le máaxoʼob ku máan u kaxtenoʼoboʼ yaan u kaxtikenoʼob.+
18 Le ayikʼalil yéetel le páajtaliloʼ tiaʼan tin wiknaleʼ,tiaʼan tin wiknal le ayikʼalil maʼ kun jáan xuʼululoʼ* bey xan le justiciaoʼ.
19 Le baʼax kin tsʼáaikoʼ maas maʼalob ke oro, maas maʼalob tak tiʼ le oro maas finooʼ,le baʼax kin tsʼáaikoʼ maas maʼalob tiʼ le plata maas finooʼ.+
20 Kin xíimbal tu bejiloʼob le justiciaoʼ,chúumuk tiʼ u bejiloʼob le justiciaoʼ.
21 Kin tsʼáaik junpʼéel nojoch herencia tiʼ le máaxoʼob yaabiltmilenoʼ,yéetel kin chupik le tuʼuxoʼob ku líiʼskoʼob le baʼaxoʼob yaantiʼoboʼ.
22 Jéeobaeʼ tu beeten tu káajbal u meyaj,+teen tu yáax beeten desde jach úuchjeakil.+
23 Desde jach úuchjeakil tu tsʼáajen tuʼux unaj in wantal,+desde tu káajbal, desde táanil tiʼ u yantal le luʼumoʼ.+
24 Ka síijeneʼ* minaʼan kaʼach taamkach jaʼob,+minaʼan kaʼach le sayaboʼob tuʼux ku tuul jaʼoʼ.
25 Síijen antes tiʼ u tsʼaʼabal le montañaʼob tuʼux unaj u yantaloʼoboʼ,antes tiʼ le puʼukoʼoboʼ,*
26 antes tiʼ u beetik le luʼumoʼ bey xan le kʼáaxoʼoboʼ,antes tiʼ u beetik u yáax polvoil le luʼumoʼ.
27 Le ka tu beetaj le kaʼanoʼ,+ teneʼ tiʼ yanen kaʼachiʼ,le ka tu tsʼáaj tuʼux kun náakal le kaʼan yéetel le jaʼoʼ,+
28 le ka tu tsʼáaj le múuyaloʼob teʼ kaʼanoʼ,le ka tu beetaj u yantal le sayab yaan tu taamil le jaʼoʼ,
29 le ka tu tsʼáaj junpʼéel ley tiʼ le kʼáaʼnáabutiaʼal maʼ u kʼáatmáansik le tuʼux unaj u náakloʼ,+le ka tu maʼalob beetaj u cimientoil le luʼumaʼ,
30 teneʼ tiaʼanen kaʼach tu tséel jeʼex juntúul máak jach u yojel meyajeʼ.+
Teen kaʼach beetik u jach kiʼimaktal u yóol+ sáamsamal.
Teneʼ mantatsʼ kaʼach kiʼimak in wóol tu táan.+
31 Jach kiʼimakchaj in wóol tu yoʼolal le luʼum tu beetaj utiaʼal u kajtal máakoʼ,chéen baʼaleʼ maas jach tu kiʼimakkúuntaj in wóol u kajnáaliloʼob le luʼumoʼ.
32 In paalaleʼex, beoraaʼ chʼenxikinteneʼex,tumen u jaajileʼ kiʼimak u yóol le máaxoʼob ku xíimbaloʼob tin beeloʼoboʼ.
33 Chʼenxikinteʼex le tsolnuʼuk+ utiaʼal u yantal a naʼateʼexoʼ,mix bikʼin ka a tuʼubseʼex.
34 Kiʼimak u yóol le máax chʼenxikintikenoʼ,le máax sáamsamal ku kʼuchul temprano tu joonajiloʼob in wotochoʼ,le máax ku páaʼtaj tu joonajiloʼob in wotochoʼ.
35 Tumen le máax kaxtikeneʼ yaan u kaxtik le kuxtaloʼ,+yéetel ku lúubul utsil tiʼ Jéeoba.
36 Pero le máax maʼ tu beetik u cuentail baʼax kin waʼalikeʼ tu juunal ku loobiltkuba,le máaxoʼob pʼekmilenoʼ u yaabiltmoʼob le kíimiloʼ».+
Notas
^ Wa «teʼ tuʼux ku jatskuba».
^ Ich hebreoeʼ ku yaʼalaʼal kaʼach «u paalal le máakoʼoboʼ».
^ Wa «baʼaloʼob ku heredartaʼal».
^ Wa «Ka síijsaʼaben yéetel le dolor ikil u síijsaʼal juntúul chaambaloʼ».
^ Wa «cerroʼoboʼ».
