Proverbios 9:1-18
9 Le naʼatoʼ* tsʼoʼok u beetik u yotoch,tsʼoʼok u póolik u siete columnailoʼob.
2 Tsʼoʼok u láaj preparartik u yoʼoch bakʼ,tsʼoʼok u xaʼakʼtik u yoʼoch vino,yéetel tsʼoʼok u preparartik u mesa.
3 Tsʼoʼok u túuxtik u x-meyajoʼobteʼ kaʼanal lugaroʼob yanoʼob teʼ kaaj utiaʼal u kʼaʼam aʼaloʼob:+
4 «Jeʼel máaxak maʼ jach yaan u naʼateʼ taalak wayeʼ».
Le naʼatoʼ ku yaʼalik tiʼ le máaxoʼob maʼ maʼalob bix u tuukuloʼoboʼ:*
5 «Koʼoteneʼex, jaanteʼex le waaj in beetmoʼyéetel ukʼeʼex le vino tsʼoʼok in xaʼakʼtikoʼ.
6 Pʼateʼex le x-maʼ naʼatiloʼ tumen beyoʼ yaan a kuxtaleʼex.+
Xeeneʼex táanil, xíimbalneneʼex tu bejil le naʼatoʼ».+
7 Le máax ku tsolik u nuʼuk tiʼ juntúul máax ku burlareʼ yaan u pʼáatal ich suʼtsilil,+jeʼel máaxak ku tojkíintik juntúul kʼasaʼan máakeʼ yaan u loobiltkuba.
8 Maʼ a tsolik u nuʼuk tiʼ juntúul máax ku burlar tumen yaan u pʼektikech.+
Tsol u nuʼuk tiʼ juntúul máax yaan u naʼat tumen yaan u yaabiltikech.+
9 Tsol u nuʼuk tiʼ juntúul máax yaan u naʼat, letiʼ túuneʼ yaan u maas antal u naʼat.+
Kaʼans juntúul utsul máak, letiʼ túuneʼ yaan u maas kaanbal.
10 Máakeʼ ku káajal u kaanbal kéen káajak u respetartik Jéeoba,+le kéen kaanbalnak máak tiʼ le Máax Jach Santooʼ+ ku yantal u naʼat.
11 Tumen tu yoʼolal le naʼatoʼ yaan u yaʼabtal u kʼiiniloʼob a kuxtal,+yaʼab años kan kuxtal.
12 Wa ku yantal a naʼateʼ, leloʼ yaan u taasiktech utsil,pero wa uts ta tʼaan a burlareʼ teechili’ ken a muʼyajt le baʼax kun úuchultechoʼ.
13 Juntúul x-maʼ naʼat koʼoleleʼ maʼatech u makik u chiʼ.+
Letiʼeʼ maʼ u yojel mix baʼaliʼ, jach junpuliʼ mix baʼal u yojel.
14 Ku kutal tu jool u yotoch,ku kutal teʼ kaʼanal lugar yaan teʼ kaajoʼ,+
15 ku tʼanik le máaxoʼob ku máanoʼoboʼ,ku yaʼalik tiʼ le máaxoʼob kʼáatmáan ku beetkoʼob teʼ bejoʼ:
16 «Jeʼel máaxak maʼ jach yaan u naʼateʼ taalak wayeʼ».
Letiʼeʼ ku yaʼalik tiʼ le máaxoʼob maʼ maʼalob bix u tuukuloʼoboʼ:*+
17 «Le jaʼ okoltbil u beetaʼaloʼ chʼujuk u yuʼubaʼal,le janal ku okol jaantaʼaloʼ kiʼ u jaantaʼal».+
18 Pero letiʼobeʼ maʼ u yojloʼobeʼ wa u yotoch le koʼoleloʼ chuup yéetel kimenoʼob,le máaxoʼob tu kʼubéentubaʼob tu yotoch le koʼoleloʼ tiaʼanoʼob tu taamil le Muknaloʼ.*+
Notas
^ Wa «Le u jaajil naʼatoʼ».
^ Ich hebreoeʼ ku yaʼalaʼal kaʼach «minaʼan u puksiʼikʼaloʼoboʼ».
^ Ich hebreoeʼ ku yaʼalaʼal kaʼach «minaʼan u puksiʼikʼaloʼoboʼ».
^ Ilawil página 2572.
