Salmos 103:1-22
Le kʼaayaʼ David tsʼíibte.
103 Yaan in alabartik Jéeoba.
Yaan in alabartik u kʼaabaʼ yéetel u jaajil in wóol, tumen santo.
2 Yaan in alabartik Jéeoba.
Mix bikʼin ken in tuʼubs le baʼaxoʼob u beetmoʼ.+
3 Letiʼeʼ ku perdonartik tuláakal le baʼaxoʼob maʼ maʼalob in beetmoʼ+yéetel ku beetik u xuʼulul tuláakal le baʼaxoʼob kin muʼyajtikoʼ.+
4 Ku salvarken utiaʼal maʼ in bin yáanal luʼum,*+ku yeʼesikten u nojoch yaabilaj yéetel ku chʼaʼikten óotsilil.+
5 Ku beetik u binten utsil+ tuláakal u kʼiiniloʼob in kuxtal,le oʼolal mantatsʼ táankelmen, hasta beyen juntúul águila túumben u kʼuʼukʼmeleʼ.+
6 Jéeobaeʼ ku beetik justicia+ bey xan baʼax maʼalobtu favor le máaxoʼob táan u muʼyajoʼoboʼ.+
7 Letiʼeʼ tu yeʼesaj u beeloʼob tiʼ Moisés,+le baʼaxoʼob tu beetoʼ tu yeʼesaj tiʼ u paalal Israel.+
8 Jéeobaeʼ ku chʼaʼik óotsilil,+ jach ku yeʼesik u yutsil,maʼatech u jáan pʼuʼujul yéetel jach nojoch u yaabilaj.+
9 Maʼ mantatsʼ ken u yaʼal tiʼ máak baʼax maʼ maʼalob u beetmiʼ,+maʼ mantatsʼ pʼujaʼan tu contra máakiʼ.+
10 Kex tsʼoʼok k-kʼebantaleʼ, maʼ u castigartoʼon jeʼex k-merecermoʼ,+maʼ u castigartoʼon jeʼex k-merecermaj tu yoʼolal le baʼaxoʼob maʼ maʼalob k-beetmoʼ.+
11 Letiʼeʼ jach táaj u yaabiltmaj le máaxoʼob adorarkoʼ,+ u yaabilajeʼ maʼ tu páajtal u pʼiʼisil,jeʼex le espacio yaan entre le kaʼan yéetel le luʼum maʼ tu páajtal u pʼiʼisiloʼ.
12 Jeʼex bukaʼaj náachil yanil lakʼin tiʼ chikʼinoʼ,letiʼe bukaʼaj xan tsʼoʼok u náachkuntik tiʼ toʼon le baʼaxoʼob maʼ maʼalob k-beetmoʼ.+
13 Jeʼex juntúul taatatsil ku chʼaʼik óotsilil tiʼ u paalaleʼ,Jéeobaeʼ tsʼoʼok u chʼaʼik óotsilil xan tiʼ le máaxoʼob adorarkoʼ.+
14 Letiʼeʼ u yojel bix u beetmiloʼon,+ku kʼaʼajaltiʼ chéen luʼumoʼon.+
15 Máakeʼ bey suʼukeʼ,+ séeb u kíimil.
Bey jeʼex le lool ku yantal teʼ kʼáaxoʼ.+
16 Le kéen jaʼatsʼak tumen iikʼeʼ, ku kíimil,hasta bey mix juntéen yanchajeʼ.
17 Pero u yaabilaj Jéeobaeʼ mix bikʼin u xuʼulul,mantatsʼ ken u yeʼes tiʼ le máaxoʼob adorarkoʼ,+yéetel mantatsʼ ken u beet justicia tiʼ le paalaloʼob bíin síijkoʼoboʼ,+
18 tiʼ le máaxoʼob ku cumplirkoʼob le pacto+ u beetmaj tu yéeteloʼoboʼ,bey xan tiʼ le máaxoʼob jach ku yilik u beetkoʼob baʼax ku yaʼalikoʼ.
19 Jéeobaeʼ tsʼoʼok u maʼalob etsʼkúuntik u trono teʼ kaʼanoʼ.+
Letiʼeʼ ku gobernar tu yóokʼol tuláakal baʼal.+
20 Alabartaʼak Jéeoba tumen u ángeloʼob,+ letiʼobeʼ jach yaan u poderoʼob,letiʼobeʼ ku beetkoʼob baʼaxoʼob ku yaʼalik+ yéetel ku yuʼubikoʼob u tʼaan.
21 Alabartaʼak Jéeoba tumen tuláakal u ejército,+le máaxoʼob meyajtik yéetel ku beetkoʼob baʼax uts tu tʼaanoʼ.+
22 Alabartaʼak Jéeoba tumen tuláakal le baʼaxoʼob u beetmoʼ,alabartaʼak tiʼ tuláakal le lugaroʼob tuʼux ku gobernaroʼ.
Yaan in alabartik Jéeoba yéetel u jaajil in wóol.
Notas
^ Wa «tiʼ le muknaloʼ».
