Salmos 11:1-7
Utiaʼal máax ku nuʼuktaj. Le kʼaayaʼ David tsʼíibte.
11 Tsʼoʼok in natsʼkinba yiknal Jéeoba utiaʼal u kanáantken.+
Le oʼolaleʼ bix a atrever a waʼaleʼexten:
«¡Líikʼik a xikʼnal utiaʼal a bin teʼ montaña jeʼex u beetik juntúul chʼíichʼ utiaʼal u púutsʼuloʼ!
2 Ilawil bix u listokíintik u arco le kʼasaʼan máakoʼoboʼ.
Ku sinik u flechaʼob tu arcoʼob,desde teʼ éeʼjochʼeʼenil tuʼux yanoʼoboʼ ku chʼinikoʼob yéetel u flechaʼob le máaxoʼob uts u puksiʼikʼaloʼoboʼ.
3 Wa tsʼoʼok u pʼáatal mix máak beetik justiciaeʼ,¿baʼax jeʼel u páajtal u beetik juntúul máax beetik baʼax maʼalobeʼ?».
4 Jéeobaeʼ tiaʼan tu temploeʼ.+
U trono Jéeobaeʼ tiaʼan teʼ kaʼanoʼ.+
U jach pʼilmaj u yich utiaʼal u yilik baʼax ku beetik le máakoʼoboʼ.+
5 Jéeobaeʼ ku yilik baʼax ku beetik le utsul máakoʼ bey xan le máax kʼasaʼanoʼ.+
Letiʼeʼ u pʼekmaj le máaxoʼob uts tu tʼaan u beetkoʼob* looboʼ.+
6 Letiʼeʼ yaan u tsʼáaik trampaʼob teʼ bej* tuʼux ku máan le kʼasaʼan máakoʼoboʼ.
Utiaʼal u castigarkoʼobeʼ yaan u beetik u kʼáaxal kʼáakʼ yéetel azufre*+ tu yóokʼoloʼob. Yaan xan u beetik u taal junpʼéel iikʼ jach choko tu yóokʼoloʼob.
7 Leloʼ bey kun úuchloʼ tumen Jéeobaeʼ ku beetik baʼax toj,+ uts tu tʼaan xan u beetaʼal baʼax maʼalob.+
Letiʼeʼ yaan u yeʼesik u yutsil tiʼ le máaxoʼob toj u kuxtaloʼoboʼ.+
Notas
^ Wa «u chaʼantikoʼob u beetaʼal».
^ Uláakʼ bix u traducirtaʼaleʼ «yaan u beetik u kʼáaxal chakjoleʼen chúukoʼob tu yóokʼol».
^ Ilawil página 2557.
