Salmos 113:1-9
113 ¡Alabarteʼex Jéeoba!*
Teʼex ka meyajtikeʼex Jéeobaeʼ, alabarteʼex,alabarteʼex u kʼaabaʼ Jéeoba.
2 Alabartaʼak u kʼaabaʼ Jéeoba,desde bejlaʼeʼ tak kʼiinoʼob minaʼan u xuul.+
3 Desde lakʼin tak chikʼineʼalabartaʼak u kʼaabaʼ Jéeoba.+
4 Jéeobaeʼ tiaʼan tu yóokʼol tuláakal le kaajoʼoboʼ,+maas kaʼanal yanil tiʼ le kaʼanoʼ.+
5 Minaʼan uláakʼ máax jeʼex Jéeoba,+le Dios jach kaʼanal tuʼux yanoʼ.
6 Ku chintal u pakt le kaʼan yéetel le luʼumoʼ,+
7 ku líiʼsik le máax ku pechʼ óoltaʼal kulukbal teʼ luʼumoʼ.
Ku jóoʼsik le máax óotsil tiʼ le yaayaj kuxtal ku biskoʼ,+
8 ku bisik kutal yéetel le tsʼuuloʼoboʼ,le tsʼuuloʼob yaan ichil u kaajal Diosoʼ.
9 Letiʼeʼ ku beetik u yantal u paalal le koʼolel maʼ tu páajtal u yantal kaʼach u paalaloʼ,+ku beetik u kiʼimaktal u yóol ichil u yotoch.
¡Alabartaʼak Jéeoba!*
Notas
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
