Salmos 135:1-21
135 ¡Alabarteʼex Jéeoba!*
Alabarteʼex u kʼaabaʼ Jéeoba.
Teʼex ka meyajtikeʼex Jéeobaeʼ, alabarteʼex,+
2 teʼex tiaʼaneʼex tu yotoch Jéeobaeʼ, alabarteʼexbey xan teʼex tiaʼaneʼex tu táankabil u yotoch Dioseʼ.+
3 Alabarteʼex Jéeoba,* alabarteʼex Jéeoba tumen letiʼeʼ jach ku yeʼesik u yutsil.+
Kʼaayneneʼex* utiaʼal a alabarkeʼex u kʼaabaʼ, tumen letiʼeʼ jach ku yeʼesik u yutsil.
4 Jéeobaeʼ* tu yéeyaj Jacob utiaʼal ka u tiaʼalinte,tu yéeyaj Israel utiaʼal ka u tiaʼalinte tumen jach u yaabiltmaj.+
5 Teneʼ in wojel minaʼan uláakʼ dios jeʼex Jéeobaeʼ.
Le uláakʼ diosoʼoboʼ maʼ tu páajtal u comparartaʼaloʼob yéetel k-Dios.+
6 Jéeobaeʼ ku beetik tuláakal baʼax uts tu tʼaan,+bey u beetik teʼ kaʼanoʼ, way luʼumeʼ, teʼ kʼáaʼnáaboʼ, tak tu maas taamil le kʼáaʼnáaboʼ.
7 Ku beetik u líikʼil le múuyaloʼob* desde tu xuul yóokʼol kaaboʼ.
Ku beetik u yantal rayoʼob le kéen kʼáaxak jaʼ.*
Ku beetik u jóokʼol le iikʼ teʼ tuʼux u taʼakmoʼ.+
8 Tu xuʼulsaj tiʼ u yáax hijoʼob le egipcioʼoboʼbey xan tiʼ le yáax xibil baʼalcheʼob síijoʼoboʼ.+
9 Tu beetaj señaloʼob yéetel milagroʼob tu luʼumil Egipto+tu contra Faraón* yéetel tu contra le máaxoʼob apoyarkoʼ.+
10 Tu xuʼulsaj tiʼ yaʼab kaajoʼob+bey xan tiʼ reyoʼob jach yaan páajtalil tiʼob.+
11 Tu xuʼulsaj tiʼ Seón, u rey le amorreoʼoboʼ,+tu xuʼulsaj tiʼ Og, u reyil Basán,+bey xan tiʼ tuláakal le reyoʼob yaan Canaánoʼ.
12 Le luʼum tu chʼaʼajtiʼoboʼ tu tsʼáaj bey junpʼéel herencia tiʼ u kaajaleʼ,tu tsʼáaj tiʼ Israel.+
13 Jéeoba Dios, a kʼaabaʼeʼ mix bikʼin kun tuʼubsbil.
Jéeoba Dios, le baʼaxoʼob a beetmoʼ mantatsʼ kun kʼaʼajsbil.+
14 Jéeobaeʼ yaan u defendertik u kaajal,+yaan u chʼaʼik óotsilil tiʼ le máaxoʼob meyajtikoʼ.+
15 Le imagenoʼob ku adorartik le kaajoʼoboʼ beetaʼan de plata yéetel de oro,chéen wíinik beetmiloʼob.+
16 Yaan u chiʼob, pero maʼ tu páajtal u tʼaanoʼob,+yaan u yichoʼob, pero maʼ tu páajtal u paakatoʼob.
17 Yaan u xiknoʼob, pero maʼ tu páajtal u yuʼubikoʼob mix baʼal.
Mix tu páajtal xan u chʼaʼik u yiikʼoʼob.+
18 Le máaxoʼob beetkoʼoboʼ yaan u pʼáatloʼob jeʼex letiʼoboʼ+bey xan le máaxoʼob ku confiaroʼob tiʼ letiʼoboʼ.+
19 U kaajil Israel, alabarteʼex Jéeoba.
U paalal Aarón, alabarteʼex Jéeoba.
20 U paalal Leví, alabarteʼex Jéeoba.+
Teʼex ka adorarkeʼex Jéeobaeʼ, alabarteʼex Jéeoba.
21 Alabartaʼak Jéeoba desde tu kaajil Sión.+
Alabartaʼak le Máax tiaʼan tu kaajil Jerusalénoʼ.+
¡Alabartaʼak Jéeoba!*+
Notas
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
^ Wa «Paaxneneʼex».
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
^ Wa «u yooxol jaʼ».
^ Uláakʼ bix u traducirtaʼaleʼ «Ku beetik u yantal u beel le cháakoʼ».
^ Ilawil página 2563.
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
