Salmos 149:1-9
149 ¡Alabarteʼex Jéeoba!*
Kʼayeʼex junpʼéel túumben kʼaay tiʼ Jéeoba.+
Alabarteʼex le kéen a muchʼabaʼex yéetel le máaxoʼob chúukaʼan u yóoloʼoboʼ.+
2 Kiʼimakchajak u yóol Israel yoʼolal le Nojoch Dios Beetmiloʼ.+
Kiʼimakchajak u yóol u kaajil Sión yoʼolal u Rey.
3 Óokʼotnakoʼob utiaʼal u alabarkoʼob u kʼaabaʼ,+u kʼayoʼob alabanzaʼob mientras táan u paʼaxal le pandereta yéetel le arpaoʼ.+
4 Jéeobaeʼ kiʼimak u yóol yoʼolal u kaajal.+
Letiʼeʼ ku salvartik le utsul máakoʼoboʼ.*+
5 Le máaxoʼob chúukaʼan u yóoloʼoboʼ kiʼimakchajak u yóoloʼob úuchik u nojbaʼalkúuntaʼaloʼoboʼ.
Kʼaaynakoʼob yéetel kiʼimak óolal tu camaʼob.+
6 Jóokʼok tu chiʼob jatsʼuts kʼaayoʼob utiaʼal u alabarkoʼob Dios.
U chʼaʼob xan junpʼéel espada jach yaan u yej
7 utiaʼal u castigarkoʼob le kaajoʼoboʼ,utiaʼal u boʼotkoʼob tiʼ le kaajoʼob le baʼax u beetmoʼoboʼ,
8 utiaʼal u kʼaxkoʼob le reyoʼob yéetel cadenaʼoboʼ,bey xan le máakoʼob yaan autoridad tiʼoboʼ,
9 utiaʼal u tsʼoʼokbeskoʼob le baʼax ku yaʼalik le ley tu contra le kʼasaʼan máakoʼoboʼ.+
Lelaʼ letiʼe baʼax kʼubéentaʼan tiʼ le máaxoʼob chúukaʼan u yóoloʼoboʼ.
¡Alabartaʼak Jéeoba!*
Notas
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
^ Ich hebreoeʼ ku yaʼalaʼal kaʼach «Letiʼeʼ ku adornartik le utsul máakoʼob yéetel salvaciónoʼ».
^ Ich hebreoeʼ ku yaʼalaʼal kaʼach «Jah». Lelaʼ u abreviaciónil le kʼaabaʼ Jéeobaoʼ.
